DadaRabe " Tsy amidy ny fanahy"

ZARAKO AZA IANAO !

Nampidirin'i dadarabe | 8 Jan, 2013

ZARAKO AZA IANAO !

Zarako aza ianao miteny mafy ahy,
Manindrona fanahy,
Tsy mila tambitamby fa mila kisa koa…
Kanefa avy eo tso-po !

Zarako aza ianao masiaka vao maraina,
Mahaketraka ny saina,
Tsy misy andraso andraso, tsy mifidy teny…
Kanefa avy eo malemy !

Zarako aza ianao midongy tolakandro,
Mahamatroka ny andro,
Ka hila hahatorovana sy hampihidy vazana…
Kanefa avy eo fitiavana !

Zarako aza ianao manao ohatran’izany
« Raha » vetivety ihany…
Toy izay hoe mody tsotra sy tena mahay miangoly…
Kanefa avy eo devoly !

DadaRabe

Post ao anatin'ny Tononkalo Fitiavana | Hevitra (4) | Verindrohy (trackback) (0)

RAHA MBA IZAHO HONO !

Nampidirin'i dadarabe | 8 Feb, 2011

Raha mba izaho hono no ho lasa voronkely,
Hisioka fifaliana,
Hihira sy sondriana,
Hikalo ho anao…am-baravarankely,
Rehefa marain’andro !
Miposaka masoandro !

Raha mba izaho hono no ho lasa voninkazo,
Otazanao an-kanto,
Orohanao milanto,
Voakarakaranao, koloinao tsy halazo,
Ho lasa kilalao…
An-doha fandriananao !

Raha mba izaho hono no ho lasa nofinofy
Anatin’ny fonao,
Toa aina vaovao,
Ho entinao mandresy ireny rofirofy,
Hanjary tsy handao…
Sy ho lasa fiainanao !

Raha mba izaho hono…

DadaRabe

Post ao anatin'ny Tononkalo Fitiavana | Hevitra (6) | Verindrohy (trackback) (0)

TSAROVY !

Nampidirin'i dadarabe | 6 Sep, 2009

Raha hitanao indray mihiratra ny andro,
Mazava ny masoandro,
Tsarovy ireo maraina…
Niarahana niria, nahamirana ny saina.
(tohiny)

Post ao anatin'ny Tononkalo Fitiavana | Hevitra (11) | Verindrohy (trackback) (0)

ILAY VARAVARANKELY (Valin-kira ho anâ€™i DOX)

Nampidirin'i dadarabe | 29 Aog, 2009

ILAY VARAVARANKELY (Valin-kira ho an’i DOX)

Fahazaranao ny mandalo eo sy mitazana azy
Dia mamazivazy…
Sy mankafy ny hakantony…fahasambaranao,
Anjely milalao,
Mitsiky ka mitsiky,
Tsy aritrao mihitsy !
(tohiny)

Post ao anatin'ny Tononkalo Fitiavana | Hevitra (21) | Verindrohy (trackback) (0)

AZA KAROHINAO

Nampidirin'i dadarabe | 3 Aog, 2009

Aza karohinao izay momba ny fiainany,

Na ireo fanaintainany

Na ireo fifaliana afeniny ao am-po,
Tandroviny tokoa
Ka tsy tiany aseho
Sy tsy asiany feo.
(tohiny)

Post ao anatin'ny Tononkalo Fitiavana | Hevitra (30) | Verindrohy (trackback) (0)

NY NOFINOFINAO

Nampidirin'i dadarabe | 11 Jol, 2009

Ny nofinofinao no entiko miaina
Sy entiko misedra ny andro be migaina
Ary ireo hariva mangitsy, mamanala…
Ekeko an-tsitrapo, lalaiko tsy an-kisala,
Ventesiko raha alina,
Any an-torimaso lalina.
(tohiny)

Post ao anatin'ny Tononkalo Fitiavana | Hevitra (34) | Verindrohy (trackback) (0)

AVIA ETO ANILAKO !

Nampidirin'i dadarabe | 30 Sep, 2008

AVIA ETO ANILAKO !

Ry tiako,

Eny mety ho henjana ny fiainantsika akia !
Misy ny tsy rariny, misy ny tsy tia,
Ny lalana diavina tsy mora foana koa,
Ireny faniriana dia maro no tsy to !
(tohiny)

Post ao anatin'ny Tononkalo Fitiavana | Hevitra (29) | Verindrohy (trackback) (0)

HENOKO INDRAY !

Nampidirin'i dadarabe | 27 Sep, 2008

HENOKO INDRAY !

Henoko indray ilay fitiavako iny,
Fitiavako fahiny,
Fa tsikinao nandalo iray minitra monja…
Dia indro fa nanonja,
Ilay hiaka ato anaty
Nataoko ho efa maty !
(tohiny)

Post ao anatin'ny Tononkalo Fitiavana | Hevitra (15) | Verindrohy (trackback) (0)

SAMBATRA !

Nampidirin'i dadarabe | 26 Aog, 2008

SAMBATRA !

Sambatra ny fiainako fa manana anao,
Tsy miova, tsy mandao…
Na andro lohataona, na alina ririnina,
Ianao azoko iankinana,
Hitantana ny dia,
Ety an-tany ety !
(tohiny)

Post ao anatin'ny Tononkalo Fitiavana | Hevitra (7) | Verindrohy (trackback) (0)

IANAREO TELOVAVY

Nampidirin'i dadarabe | 13 Mar, 2008

IZA NO TIAKO ?

Iza no tiako ‘nareo telovavy ?
Ny eo afovoany fa matavitavy !
Iza no manja sy mahafatifaty ?
‘Zay be takolaka no iriako mafy !
(tohiny)

Post ao anatin'ny Tononkalo Fitiavana | Hevitra (33) | Verindrohy (trackback) (0)

IZY INDRAY ANTSOINA !

Nampidirin'i dadarabe | 10 Mar, 2008

Izy indray antsoina...

...Raha hitanao fa izy no afaka hampitony
Ny fahanginanao,
...Raha toa efa izy no felana mamony
Sy fahasambaranao.

...Raha tsapanao fa any no volana baliaka
Mazava sy manjelatra,
Ka afaka ampihiratra ny endrikao sariaka,
Hiakaranao ny sehatra.

(tohiny)

Post ao anatin'ny Tononkalo Fitiavana | Hevitra (38) | Verindrohy (trackback) (0)

IZAHO TSY NIOVA AKORYâ€¦

Nampidirin'i dadarabe | 5 Mar, 2008

Izaho tsy niova akory fa toy ilay fantatrao
Fotoana maro izay…..ny ora no nandao,
Ny andro no nisolo, ny endrika no niova
Nodiavin’ireo taona, narirariran’onja.

Izaho tsy niova akory fa mbola adaladala,
Vao mahita anao dia tsy mba mety miala
Fa mbola dobodoboka ny foko faly erá»³ !
Toy ireny vanton-jaza vao mianatra fitia.
(tohiny)

Post ao anatin'ny Tononkalo Fitiavana | Hevitra (33) | Verindrohy (trackback) (0)

ATOLOTRO HO ANAO

Nampidirin'i dadarabe | 14 Feb, 2008

Raha toa aza tsy nisy
Ny teny hoe “fitia”
Dia noforoniko,
Izany ho anao.

(tohiny)

Post ao anatin'ny Tononkalo Fitiavana | Hevitra (23) | Verindrohy (trackback) (0)

HOE "TIA"

Nampidirin'i dadarabe | 13 Feb, 2008

Tsy ny teninao hoe tia,
Tsy ny orokao doria,
Tsy ireny angola mamy,
Fa ny fihetsikao ihany.
(tohiny)

Post ao anatin'ny Tononkalo Fitiavana | Hevitra (28) | Verindrohy (trackback) (0)

SOA FA MINO IANAO !

Nampidirin'i dadarabe | 5 Feb, 2008

Soa fa mino ianao…

…Fa misy ny fitiavana tsy lefin’ireo taona,
Tsy tototry ny atsanga ;
Tsy ravan’ireo mafy sy ny alina misaona
Na ny olana mitranga.
(tohiny)

Post ao anatin'ny Tononkalo Fitiavana | Hevitra (19) | Verindrohy (trackback) (0)

MANINA ANAO !

Nampidirin'i dadarabe | 30 Jan, 2008

Manina anao…

Dia eto manonofy ireny andro lasa…
Niarahana nidola,
Nitosy, nikotaba, nihira sy nikasa,
Niventy angolangola.
(tohiny)

Post ao anatin'ny Tononkalo Fitiavana | Hevitra (25) | Verindrohy (trackback) (0)

NIANDRY ANAOâ€¦

Nampidirin'i dadarabe | 24 Jan, 2008

Teo an’aho ka teo niandry sy naniry…
Sy nanantena anao,
Ny masoko nibanjina, nitopy efa impiry,
Fa ho avy anie ianao !

Dia velon-kira irery !
Tsy sasatra nijery !
(tohiny)

Post ao anatin'ny Tononkalo Fitiavana | Hevitra (28) | Verindrohy (trackback) (0)

TONONKALO TENY AM-PANDEHANANA TENY (12/01/07)

Nampidirin'i dadarabe | 19 Jan, 2008

Ny avy any Madagasikara mankaty St Pierre (et Miquelon) dia lavi-dalana. Niala tany Dago Alakamisy maraina aho dia voatery nijanona zoma tao Paris. Dia nandalo Montréal, dia niandry avion ora vitsivitsy tao (Montréal-Trudeau). Ny sabotsy alina vao tonga taty (hatsiaka mamirifiry). Dia lasa ny tononkalo....

IANAO EFA NIAMPITA

Ianao efa niampita…
Izaho mbola variana sy revo mitanisa
‘Reo androm-boninkazo,
Namelana omaly, nataoko tsy halazo !
(tohiny)

Post ao anatin'ny Tononkalo Fitiavana | Hevitra (21) | Verindrohy (trackback) (0)

ILAOZAKO NY ATY

Nampidirin'i dadarabe | 25 Nov, 2007

Handeha aho ka mametraka veloma aminao,
Tsy sitrako kanefa izany no efa anjara,
Satria ny lalantsika dia sampanana hatrizao,
Ka tsy ho asiana nenina fa vita toa tantara ;
Tantara fohy dia fohy,
Tantara tsy mitohy,
Niarahana nitondra
Rahona sy onja,
Tsy nasiana dina na fefy ho arofanina,
Fa samy mba nigoka ny mamy tiany hohanina.
(tohiny)

Post ao anatin'ny Tononkalo Fitiavana | Hevitra (27) | Verindrohy (trackback) (0)

FONY IANAO...

Nampidirin'i dadarabe | 16 Nov, 2007

Fony ianao nisambatra tam’ tsikitsikiko...
Sy ireny teny mora, s’ireny bitsibitsiko,
Dia nahafaly anao ny kely mba fisainako...
S’ireny angano tsotra namefy ny fiainako.
(tohiny)

Post ao anatin'ny Tononkalo Fitiavana | Hevitra (25) | Verindrohy (trackback) (0)

ITY EFITRANO ITY

Nampidirin'i dadarabe | 14 Nov, 2007

Ity efitrano ity dia nahalala anay
Sy ny tantaranay ;
Tato no niantomboka ireny tsipi-teny
S’ireny tsiky kely ;
Nirehitra, nirehitra, niredareda be
Nanjary tsy voafehy.
(tohiny)

Post ao anatin'ny Tononkalo Fitiavana | Hevitra (38) | Verindrohy (trackback) (0)