ANY HO ANY… (Tononkalon'i FeNoTia)

Nampidirin'i dadarabe | 16 Nov, 2007

Any ho any ilay tsy foiko 
Ilay nandrimbona ny foko
Izaho aty toa olom-bery
Lasa olo-manirery

Any ho any ilay sakaizako
Ilay tsy foiko sady taizako
Namborahako fitiavana
Teny an-tsaha maitso mavana

Any ho any koa ‘lay tsiky
Tsy adinoiko raha mikimpy
Mibaliaka raha mihiratra
Masoandro hafa iray mamiratra

Izaho aty dia lasa saina
Fa toa reraka ny aina
Mahatsiaro anao hatrany
Ka mandefa ny vinany

Saingy indrisy, tsy ho tafita
Ilay fitiavana tsy ritra
Ilay fitiava-nokinasa
Dia natolotrao ny hafa

FeNoTia
Bujumbura
11/07/2007 20:45

14 Hevitra & 0 Verindrohy (trackback) amin\'ny "ANY HO ANY… (Tononkalon'i FeNoTia)"

  1. Misaotra an'i FeNoTia nandefa tononkalo mahafinaritra.

    DdRb

    Nampidirin'i DadaRabe 16 Nov 2007, 00:19
  2. ndry, aiza koa izany bujumbura

    Nampidirin'i lalaina 16 Nov 2007, 04:51
  3. Misaotra an'i dadarabe nankafy ny sangan'asako.

    Lalaina >> Bujumbura no renivohitr'i Burundi ao Andrefan'i Kenya ao Afrika afovoany

    Nampidirin'i FeNoTia 16 Nov 2007, 09:20
  4. hihihi, saika tononkalon'ny miala tanindrazana io an ! Lavitry ny maso lavitry ny fo. Izao ihany no tena tsy laitra fa rehefa avy eo "tsiky dia ampy". Korazy ry FeNoTia fa ny tia mbola feno...

    Nampidirin'i ikalamako 16 Nov 2007, 09:45
  5. Manakory aby shika ato ô,

    Ty ny hira hitako mifandraika amin'io:

    Mahatsiaro anao foana aho
    Isaky ny maraina ny andro
    Mahatsiaro anao foana aho
    Isan'andro isan'andro

    Malahelo an-dry foana aho
    Raha vao mamoha varavaran-kely
    Malahelo an-dry foana aho
    Raha vao mandre feom-boronkely

    Oh ! Oh!
    Na dia lavitra aza
    Ny elanelan-tany
    Mahatsiaro anao foana aho aty
    Ny foko sy ny saiko
    Ferako tsy ho any
    Tsy mety fa mbola minia
    Manina fa lavitra anao
    Manina fa tsy hita ny atao

    Nampidirin'i tsiky 16 Nov 2007, 09:55
  6. Bujumbura ? any amin'ny misy ny tutsi sy hutu (Burundi)

    Misaotra amin'ny vazon'i Rossy Tsiky à! Tafaraka tamiko tao anaty avion ilay raika lahy io tamin'ny setemb teo.

    Tolonkalo lavita tanindrazana ry Ikalamako.

    DdRb

    Nampidirin'i DadaRabe 16 Nov 2007, 11:58
  7. Ndry ry FeNoTia, "omena veloma izay tsy tamàna" hoy i Rossy izay.Izany anefa dia fankaherezan-tsaina fa ny zava-dehibe dia ilay tahiry ao anaty. Satria, hono "lainga raha misy ny fanadinoina". Koa alefaso foana ny "vinany" fa io no mampifanakaiky sady mbola ho avy ilay maraina e ! korazy !

    Nampidirin'i Tsikisariaka 16 Nov 2007, 14:09
  8. Ary nakaiza i FeNoTia ? Eny é! lavitra ihany i Bujumbura !

    DdRb

    Nampidirin'i DadaRabe 16 Nov 2007, 15:12
  9. Tsara FenoTia a ! Soa ianao fa tafiditra ao anaty ny équipan'ny "DdRb sy ny tariny"(anarana provisoire io an ! mandra-pahita zay metimety kokoa)
    Mirary soa ny rehetra amin'izay hatao!

    Nampidirin'i Pone 16 Nov 2007, 17:20
  10. pone : les "DadaRabéiens", lol

    Nampidirin'i ikalamako 18 Nov 2007, 15:27
  11. Io ilay nolazaiko ry DdRb ? anarana "provisoire" tokoa ve ?

    Aiza tokoa i FeNoTia e ?

    Nampidirin'i Tsikisariaka 19 Nov 2007, 12:05
  12. Tsy fantatro hoe nankaiza i FeNoTia
    Efa nolazaiko izy fa nampidiriko ny tononkalony.

    ny inoon no provisoire ry Tsikisariaka ?

    DdRb

    Nampidirin'i DadaRabe 19 Nov 2007, 13:03
  13. ilay anarana sa diso aho tsy nahay nandray izay tenenin'i Pone ? Hay ilay "sy ny tariny" kay no tiany lazaina fa izaho indray nanipika an'ilay DdRb, mahafanina koa ilay mi-blaogy koah !

    Nampidirin'i Tsikisariaka 26 Nov 2007, 06:48
  14. :-)

    Nampidirin'i DadaRabe 26 Nov 2007, 12:06