ALOKA (Tononkalon'i Pissoa)

Nampidirin'i dadarabe | 8 Nov, 2007

Hatraiza ny lapan'ny fahatsiarovana
Ary aiza ny akanin'ny fanadinoana
No tonga manenika, mahatorovana
Ny akon'ny lasa niravoravoana ?

Moa tsy ampy ny vaikan'ny rivotra anio
Handrava ny embona mbola miritsoka ?
Sa nahery loatra ka zary tadio,
Nampisafoto ny hanina, nanditsoka.

Ny saina va re no minia mitanisa
Ny rima sy gadon'ireo fidolana,
Sa ny fo tsy nandrairan'ny "fampandry adrisa"
No injao fa mitroatra, mandika lalana ?

...

Ny embona nefa : tandindona izany,
"Aloka" ihany raha hita ho namana.
Ny fiainana kosa mihodina hatrany
Ka "aloka" ve no 'ndeha hiantsapazana ?

(Mars 1999)

32 Hevitra & 0 Verindrohy (trackback) amin\'ny "ALOKA (Tononkalon'i Pissoa)"

  1. Misaotra an'i Pissoa nitondra embona sy fahatsiarovana.
    Tsara be Pissoa à!

    DdRb

    Nankaiza ianao ry lasa
    no antsoina tsy manoina ?
    ............................
    Aza anontaniana izay anton'izao
    fahanginana lalina feno tomany
    Aza hanontaniana satria fantatrao
    Fa fahatsiarovana no anton'izany

    JJ Rabearivelo

    Nampidirin'i DadaRabe 08 Nov 2007, 20:13
  2. ah zalahy, zay mivoaka nareo ato, babany avokoa!!!

    Nampidirin'i ikalamako 08 Nov 2007, 20:21
  3. Ikalamako anie no andrasanay hitondra ny lamako é!

    Miandry an'Ikalamako zany an !

    Reniny avokoa !

    DdRb

    Nampidirin'i DadaRabe 08 Nov 2007, 20:27
  4. Mankasitraka hatrany DadaRabe amin'ny fizarana ! Tsaroako ny tsikin'ny androko omaly Izay manjary aloka foana, indrisy ! Tsaroako ! ... Antsoiko fa tsy mba mamaly, Ary toa manadino, ary toa tsy mba nisy ! JJ Rabearivelo Ikalamako : mbola zanany fa mba miezaka maka tahaka an-dry "Dada" e. Nampidirin'i pissoa 08 Nov 2007, 20:41
  5. Nandramako navoaka fanindroany ilay izy ry Pissoa fa tsy nety

    Mikatso foana ny milina

    DdRb

    Nampidirin'i DadaRabe 08 Nov 2007, 21:35
  6. Mahery!
    Ryana

    Nampidirin'i Ryana 08 Nov 2007, 22:49
  7. ity ny blaogin'i Pissoa ry Ryana

    pissoa.blaogy.com

    DdRb

    Nampidirin'i DadaRabe 08 Nov 2007, 23:07
  8. DadaRabe : tsy maninona ka !

    Ryana : mankasitraka !

    Nampidirin'i pissoa 08 Nov 2007, 23:24
  9. Oh ! inona indrindra no karazan-tany
    Nitsangananao re ry androko lasa
    Ry androko lasa niampita any ho any
    Nitondra any ho any ny zava-boakasa

    JJ Rabearivelo

    Nampidirin'i DadaRabe 08 Nov 2007, 23:57
  10. Mbola zaza i pissoa tamin'izany 1999 izany e ? ;-)

    Nampidirin'i lap 09 Nov 2007, 08:52
  11. lap : nope, lol. Mba efa 15 taona kosa aho tamin'izany 1999 e, hi hi.

    Nampidirin'i pissoa 09 Nov 2007, 09:39
  12. Ntsôôôooo ! 15 taona re izy no nanoratra an'io à ! DdRb Nampidirin'i DadaRabe 09 Nov 2007, 11:52
  13. Tsara dia tsara, kanto Pissoa a!
    Za zany ny mba zavatra tiako dia mampifandray tononkalo @ hira, na mitady valin'ilay tononkalo ankira.

    Ka hoy ry Johary momba ny aloka:

    Efa fantatrao, Efa vitanao
    Nanalavitra ahy
    Nefa ny alokao
    Eo anilako eo

    Mbola eo....

    Tsara e

    Nampidirin'i tsiky 09 Nov 2007, 13:37
  14. Tsara ilay hevitrao sy ilay fahazanao Tsiky à

    I Tsiky koa anie mahay manoratra ry zareo é !

    DdRb

    Nampidirin'i DadaRabe 09 Nov 2007, 14:13
  15. Pissoa,

    Namangy ny bilaogin'ise aho dia latsaka kely ny foko namaky sanganasanao.
    Tsara, kanto!

    Ryana,

    Enao nga manana blo ho tsidihina koa raha azo atao?

    Drbe,
    Ny hira no zavatra tena tiako, saingy tsy mahay mihira aho.

    Nampidirin'i tsiky 09 Nov 2007, 14:28
  16. MIsaotra amil'ilay adiresy blaigy.
    LAsana ny saiko, tsy mety ve raha atambatreo ho iray ny blaoginareo, na asiana "liens" ? Toa mifameno mantsy ê! amin'izay izahay mpanjifa ny tononkalonareo, tsy sahirana...

    Hay ve moa i Pissoa vao zaza bodo mihitsy ê! tena mahatsiaro ho efa tena tranainy ny tenanay eto am-pamakiana ny resakareo:-))
    "Zaza bodo" fa mahay manoratra tsy "hita velively"...

    Mankasitraka hatrany ê!
    Ryana

    Nampidirin'i Ryana 09 Nov 2007, 14:30
  17. lasa hoe blaigy ny blaogy
    toran'ny hehy irery eto aho mamaky ny hadisoana nataoko...

    Tsiky
    Tsy manana blaogy aho ka.

    Tsarà.

    Nampidirin'i Ryana 09 Nov 2007, 14:31
  18. Izaho efa saika hiteny an'i Ryana hoe "blaigy" an !

    Tsiky>> ie, itako mihitsy ianao io mihirahira io :-)

    Nampidirin'i DadaRabe 09 Nov 2007, 14:46
  19. Ny an'i Tsiky aza dia hoe "blo"
    :-)

    Nampidirin'i Ryana 09 Nov 2007, 14:49
  20. hihihi asa ry Ryana inn ny dikan'ny blo!
    Za koa retsy tsy manana blaogy, asa rehefa mba misy fotoana mba hanokatra "angambany".

    Ozy zokibe Ricky zay anie ry dadaRabe hoe: hirahira ny tsara e, hirahira ny tsara e mdr

    Nampidirin'i tsiky 09 Nov 2007, 14:54