AMPIANARO !

Nampidirin'i dadarabe | 17 Okt, 2007


Andriamanitra ô !

Ampianaro aho ! hifikitra aminao,
Tsy hitoky tena loatra, tsy ho be lalao,
Mba hihaino tsara ny tena anatrao,
Sy ireo lalàna mahasaro-piaro anao.

Ampianaro aho ! hahay hanetry tena,
Tsy hieboebo na hampiranty harena,
Tsy hirehareha na hampidera sandry,
Tsy hisetrasetra hanitsaka ‘reo zandry.

Ampianaro aho ! tsy hitsiriritra,
Na haka ny tsy ahiko, haniry tsy ho ritra,
Fa hanaiky hihonona, tsy hanitatra ny saiko,
K’izay nomenao ihany, d’ireny no lalaiko.

Ampianaro aho ! mba tsy ho tia tena,
F’izay natolotrao tsy foiko mba nomena,
Giazako tsy hivotsotra, tazoniko ho ahy,
Mba toroy lalana aho fa loza anie ry Ray !

Ampianaro aho ! hahay hisaotra koa,
Ny ratsy sy ny soa ho raisiko avokoa,
Dia hanaiky hifona rehefa mba migafy
Miteniteny foana, fa hoe krizy mafy !

Andriamanitra ô !

DadaRabe
Aix-en-Provence
07/05/03  15 :30


7 Hevitra & 0 Verindrohy (trackback) amin\'ny "AMPIANARO !"

  1. :-)

    Nampidirin'i ikalamako 17 Okt 2007, 20:55
  2. ;-p

    Nampidirin'i DadaRabe 17 Okt 2007, 21:58
  3. Mpitsidika an'i DDRB ato ihany aho. mpankafy ny tononkalo (anisan'ny tena tiako kosa ity Ampianaro aho), fa amin'ity kosa mba hamaly ny resaka fahantrana. Ikalamako no tena iraisako hevitra, dia ampiako hoe : Sao mba voafetsy tany ho any i DDRB na solomason'ny maika fa mba sandao vola tokoa anie ny hitanao @ classe moyenne ary jereo ny mety qualité, fa miezaka fotsiny ampifaly ny aniony ny malagasy ka mety daholo na frippe na sinoa na occase, fa du moment où velona sy mamaly ny filàna ny zava-misy dia efa ndao zatsy izy. Dia raha jerena koa dia mitovy fitafy avokoa na mahantra na manankarena na antoniny, satria ny jean efa accessible @ rehetra fa tsy tahaka ny t@ année 80 hoe sambatra izay mipataloha jean. Ny qualité no tsy mitovy fa ny coupe sy design mety iray ihany. Fa mampitahotra ahy ilay fanamarihanao hoe "kay tsy mahantra" fa tahaka ny hoe "mody V" ny malagasy. Tsy marina, tena mahantra tokoa : tsy manana kolontsaina mazava intsony ary soatoavina iraisana fa maramara avokoa. Mahantra satria tsy manana ny maha-izy azy intsony fa voaozongozona daholo ny maha-izy azy raha mba te hahazo mihoatra noho ny tena karama. Mahantra satria malagasy metisy (lasa vadim-bazaha na sinoa na karana) no ankamaroan'ny manana trano be villa sy wam mangirana araka ny teninao ireny fa ny malagasy tena malagasy, ranoiray tsy mpitapoka, dia mbola mitrongo vao homana ireny taza-masonao manodoka ireny.Le strict minimum @ sakafo, ny wam mila vérifiée-na matetika fa tsy ampy entretien, ny efitra : 2 dia ampy, raha marary fanafody générique iaby, etc. C'est du "vernis" ka "vulnérable" kely au moindre choc. Misaotra na izany aza amin'ilay solomasonao fa tena tokony mitandrina ihany raha izany ny malagasy antoniny tahaka anay fa lasa safobe mantsina nefa kay misavin-tsaranga. Nampidirin'i Fy 18 Okt 2007, 11:02
  4. Misaotra an'i Fy.
    Miala tsiny fa nampiditra im-betsaka ianao fa tsy tafiditra. VAo navoakako tatsy amin'ny Spam (tsy fantatrohoe naninona) ity.

    Atsy ambadika valiako ilay momba ny fahantrana.

    DadaRabe

    Nampidirin'i DadaRabe 18 Okt 2007, 12:47
  5. Tokony apetrako ao amin'ilay lohahevitra mimba ny fahantran'y Malagasy ity fa tsy tafa mihitsy. KOa dia eto no apetrako. MIsy pb ny blaogintsika Dokotera Rabe! ------------------------- Variana aho mamaky ny resaka eto, ary te handray anjara. SAhirana anefa aho satria heveriko fa "subjectif" daholo ny hevitra lazaina raha toa ka olon-kafa an-koatry ny tena no ezahina "lanjaina" sy jerena ka hilazàna fa hoe mahantra na tsia. Ekeko fa misy marina ny voalazanareo momba ny hoe indraindray angamba fahazarana ho antsika Malagasy ny mimenomenoma sy mitaraina. Fa na izany aza, misy koa fotoana hoe tena efa mihatra aman'aina ny fahoriana matoa mitaraina ny olona. Avy eo, ohatry ny tsy dia ekeko loatra ny hoe rehefa ela nipetrahana ivelan'i Madagasikara ny olona iray dia tsy afaka hijery amin'ny maso tsy miangatra ny fiainana any Madagasikara. Raha misy finiavana sy "fanetre-tena" kely fotsiny, dia heveriko fa azo atao foana ny mijery an'i Madagasikara amin'ny maso tsy miangatra. Ny fahantrana tsapan'ny olona iray koa, amiko, dia indraindray mety ho "relatif" fa tsy voatery ho "absolu". Ampitahainy, ohatra ny fari-piainany sy ny fari-piainan'ny ray aman-dreniny. HItany fa mahantra izy raha miohatra amin'izany. Mety ampitahainy koa ny fari-piainany miohatra amin'ny olona izay tarika indray nihira taminy, fa manoa asa hafa. Indraindray tsotra be: ampitahaina ny fari-piainan'ny tena sy ny mpifanolo-bodirindrina. Dia rehefa ireo no atambatra, indraindray mba mahatsiaro ho tsy dia mahantra loatra satria misy ny tsy dia manana noho ny tena. Indraindray dia mahatsairo ho farahidiny satria ny olona toa eny ambony eny daholo... Fa indraindray kosa dia tena fahantrana dans l'absolu no misy. STy mila fampitahàna. TSy mila fijerena na vanim-potoana na toerana, na inona. Mahantra. Hita. TSapa. Re. Iainana. RAha feheziko ny teniko dia "hamalan-kira" aho fa tsy dia mitovy hevitra aminareo: amiko, mahantra ny Malagasy (amin'ny ankapobeny). Ekeko, misy ny manana, tena manana. Vitsy izy ireny (na dia miha-maro aza ny isany).FA amin'ny ankapobeny, mahantra isika, izahay moa izany e :-) Samihafa mantsy eto ny "isika" sy ny "izahay"... Ny mahaliana ahy izao DadaRabe dia ny handre ny vokatry ny fandinihina ataonao amin'ny maha-mpikaroka anao, araka ny voalazanao etsy ambony. Raha ny hevitra narosonao hatreto aloha dia tsy mbola naharesy lahatra ahy, satria tsy ny Malagasy amin'ny ankapobeny no resahinao fa sokajin'olona voafatitra mazava ihany. Raha io mantsy no horesahina, dia tsara raha faritana dieny eny amin'ny fanontaniana. Tsarà Ryana Nampidirin'i Ryana 18 Okt 2007, 13:59
  6. "...Izaho koa manoratra mandrindra tononkalo,
    Asa ianao raha efa naheno ny singam-betsoko nandalo..." T.

    Tsara ilay tononkalo, tiako, fa ilay andalana roa farany... raha noeritreretiko ho azon'ny antokom-pihira kaloina ka ho tafiditra any amin'ny Fihirana Fanampiny fahafiry re, asa hanao ahoana ? Izaho tsy mpihira na mpamoron-kira fa mba tsetsatsetra tsy aritra iny.
    Tohizo kanjo fa tsara !

    Nampidirin'i Tsikisariaka 18 Okt 2007, 14:43
  7. Misaotra amin'ilay tsiky sady sariaka
    Mazava sy mihiratra manjopika
    Dia tononkalo sy vetso mandalo
    Meva sy mendrika ho kalokalo

    Misaotra an'i Tsikisariaka

    Nampidirin'i DadaRabe 18 Okt 2007, 15:41