ISAORAKO ANAO !

Nampidirin'i dadarabe | 14 Okt, 2007


Ny androko finaritra, mamiratr’aok’izany ;
Ny vazon’ny maraina, mandrotsy , mampifaly ;
Ny ora fihobiana, fandresena, firavoana ;
Ny kanto sy ny meva, mirenty eo anoloana ;
Isaorako Anao !

Ny tenako ho lavo kanefa dia tafarina ;
Ny saiko nihorohoro kanefa dia nilamina ;
Ny aiko saika potraka kanefa tsy nikoro ;
Ny tongotro voafingana kanefa tafajoro ;
Isaorako Anao !

Ny rivotra nifofo, nampandosirinao !
Ny fandrika mivelatra, nampalavirinao !
Ny fahavalo vinitra, nampihavaninao !
Ny namana nilefa, nampanantoninao !
Isaorako Anao !

Ny mafy izay tsy tohako nandrodroka fanahy ;
Ny ngidy tao am-bavako izay nahafanina ahy ;
Ny kapoka namely izay tena nanafay ;
Ny fitsapana henjana mpahazo indraindray ;
Isaorako Anao !

Isaorako anao izay nomenao ahy,
Na ratsy na ny tsara, izay sitrakao ry Ray !
Satria fantatro ihany : Fitiavana ianao !
Ka n’inona manjo, ts’hisalasala aho :
Isaorako Anao !

DadaRabe
CH Pays d’Aix
15/05/03  11 :30


12 Hevitra & 0 Verindrohy (trackback) amin\'ny "ISAORAKO ANAO !"

  1. Miarahaba an'i dadaRabe.
    Izay vao niditra ato @ ity blaoginao ity na dia namaky foana aza hatrizay.
    Tsara be ny tononkalo. Isaorana Azy tokoa...

    Mahita an'ilay aix za dia ohatry ny miverina ato antsaiko ny fotoana nianarana tany aix sy ny hatsika tany indrindra rehefa ririnina hamonjy cours vao maraina iny(namaky ilay tononkalo aix koa fa tsy afaka nanoratra tany). Sady manana tantara manokana koa io CH ao aix io ho anà.

    Mirary soa dadaRabe fa dia mitsidika eo foana.

    Nampidirin'i Oceane 14 Okt 2007, 20:46
  2. "I DadaRabe anie ka mandia tany...
    Mety ho solafaka foana ihany.

    DadaRabe
    09/10/07"

    "Ny tongotro voafingana kanefa tafajoro ;
    Isaorako anao !"

    DadaRabe
    CH Pays d’Aix
    15/05/03 11 :30

    :-P

    Nampidirin'i ikalamako 14 Okt 2007, 22:21
  3. Océane>>
    HAy ve ianao tany Aix taloha é! Tamin'ny taona firy ianao no tany ? Mahafinaritra i Aix. Izaho dia tena fahatsiarovana mahafinaritra indrindra no tany.
    NIasa tao amin'ny CH Pays d'Aix sy CH Montperrin aho tany.
    Misaotra nandalo Océane à !

    Ikalamako>> Ie, impiry moa amin'ity fiainana ity no solafaka ry Ikalamako à ! Saingy... solafaka im-pito hono ny marina fa tafarina ihany :-)
    Tsy manamarin-tena akory an !

    DadaRabe

    Nampidirin'i DadaRabe 15 Okt 2007, 00:54
  4. Ekeko ny hevitrao: ity koa ohatry ny misy ifandraisany amin'ireo hafa, nefa efa taona maro taloha no nosoratanao.
    FEhiny: mahery ianao, Tompoko.
    Ryana

    Nampidirin'i Ryana 15 Okt 2007, 09:05
  5. Eny ary é! misy ifandraisany daholo anie é! Jereo anie fa misy ifandraisany amin'ny nosoratan'i Besorongola sy i Trimobe ary i Darafify koe ireny é!
    Mifandray daholo.....
    :-)

    Nampidirin'i DadaRabe 15 Okt 2007, 11:21
  6. MIsaotra amin'ny fidinanao ambany dia ambany amin'ny "raisonnement" ataonay, Tompoko. Avo lenta ianao!
    Mankalaza!
    RYana

    Nampidirin'i Ryana 15 Okt 2007, 16:00
  7. Mankalaza tompoko ô!
    Resy lahatra aho fa "mahay miresaka" ilay madimoazely Ryana

    Nampidirin'i DadaRabe 15 Okt 2007, 16:49
  8. Mbola ao aix ihany za no mianatra dadaRabe fa saingy tsy mitoetra any intsony. Tsindraindray vao makany mitsiditsidika e!

    Hitako io CH Pays d'aix io kah.

    tsisy fisaorana fa mitsidika matetika ihany.
    Mirary soa

    Nampidirin'i Oceane 15 Okt 2007, 17:03
  9. Misaotra amin'ilay Madimoazely ê! Niha-tanora tampoka teo ny tenanay.
    Asa iza no mahay miresaka, na mampiresaka eto... Marina moa!
    Ryana

    Nampidirin'i Ryana 15 Okt 2007, 17:07
  10. Océane>> Ao amin'ny Aix-Marseille III (Paul Cézanne) ? NIanatra tao aho fahiny. Dia tao amin'ny MMSH.
    Mampamangy amin'i Aix rehefa mandalo any ianao é!

    Ryana>> Miaiky anao madimoazely.

    Nampidirin'i DadaRabe 15 Okt 2007, 17:11
  11. Ie tena aix marseilleIII mitsy kah!hainao tsara.
    Ao fa ataoko tonga ny hafatra fa aza matahotra :-)

    Nampidirin'i Oceane 15 Okt 2007, 17:54
  12. Misaotra Océane à! Mampamangy hono hoe fa izy efa lasa lavitra be !

    Nampidirin'i DadaRabe 15 Okt 2007, 18:42