AIX

Nampidirin'i dadarabe | 29 Aog, 2007

Rotsa-kerika manify ny eto Aix,
Ny embona manaikitra,
Mahatsiaro anao ry tany mamy,
Any ho any !
Lavitra tsy hita kanefa ao am-po,
Tsy ho lo ! 

Any i dada sy i neny…fahatsiarovana !
Ka torovana,
Mahatsiaro ny omaly sy ny lasa,
Tsy voasasa

Fa miraondraona ao anaty,

Tsy ho faty ! 

Ilay tanàna nahalehibe sy nitaiza,

Moa mba aiza ?
Ezahiko akimpy ny masoko ahita

Ny tsy hita,
Odiako toy ny hoe eo anilanao
Ny foko mitalaho. 

Rotsa-kerika ho ritra sy ho lany,
Lasan’any !
Ka hifoha an-torimaso aho hijery,
Hitafy hery,
Hiatrika ny ady, tampify sy efa raikitra…
Mangitsy i Aix ! 

DadaRabe

Aix-en-Provence

26/01/04   13 :37


27 Hevitra & 0 Verindrohy (trackback) amin\'ny "AIX"

  1. NIpetraka tao Aix-en-Provence izahay ny taona 2002-2004. Mahafinaritra ny tanànan'i Aix.
    Psychiatre tao amin'ny urgences aho tamin'izany.

    Nampidirin'i dadarabe 29 Aog 2007, 14:33
  2. betsaka ny tia an'i Aix ; izaho nandalo fotsiny fa any Peyrolles no misy ny namako, hany ka tsy nisy fotoana nankafizana ilay tanàna.

    Nampidirin'i ikalamako 29 Aog 2007, 15:24
  3. Hay efa nandalo tao Aix Ikalamako.
    Mahafinaritra é!

    Nampidirin'i DadaRabe 29 Aog 2007, 16:48
  4. Dia teny "mivezivezy eny" tokoa ianao ry DadaRabe. Inoako fa efa hita ilay "zava-tsoa"!

    Nampidirin'i Ryana 29 Aog 2007, 16:58
  5. Ha ha ha ilay zava-tsoa ?
    Angaha misy izany zava-tsoa izany ryRyana.
    .......nefa misy ihany ô !

    Nampidirin'i DadaRabe 29 Aog 2007, 17:06
  6. Aiza re izany, Rabe ê! ianao izao no mametraka ery ambony ery amin'ity blaoginao ity fa "Mivezivezy eny, mikaro-java-tsoa..."
    Koa izao indray no hoe tsy misy an'izany zava-tsoa izany...
    :-)
    Avy eo, tena mivezivezy be ianao koa! novinakiko fa hoe handalo any MOntréal ianao am sabotsy... ts'isy tany tsy hitanao sy ombanao...
    Soava dia ê!
    Ryana

    Nampidirin'i Ryana 29 Aog 2007, 17:25
  7. Mivezivezy eny mikaro-java-tsoa
    nefa tsy mahita izay mahafa-po.......

    Ka ilay any Montréal anie escale adin'ny telo angamba é! tsy afaka mahita ny tanàna akory. Avy eny ambony no mijery azy.

    Nampidirin'i DadaRabe 29 Aog 2007, 17:27
  8. Eny ho'aho, fa matoa manao escale anie izany ianao, Tompoko, dia handeha ho any an-tany hafa, na avy an-tany hafa ê! Avy taiza na ho aiza? (raha tsy mahadiso... sao mba mandalo aty aminay...)hahaha

    Fanontaniana hafa: nahoana no tsy afaka maneho hevitra intsony izahay amin'ireo tononkalo efa taloha ato anatin'ity blaogy iraisam-pirenena ity?
    Mankasitraka ê!

    Nampidirin'i Ryana 29 Aog 2007, 17:30
  9. Miankina amin'ny hoe aiza ilay any aminareo: Moscou? Bombay ? Santiago de Chili? Toliara ? sa hafa.
    Miala eto aho @ sabotsy dia tonga any Dago ny alatsinainy.

    Raha vao elaela angamba ilay izy tsy misy manoratra dia mikatona ho azy.

    Nampidirin'i DadaRabe 29 Aog 2007, 17:33
  10. Soava dia izany ianao ê!
    Tsy amin'ireo voalaza ireo ny aty aminay akory. Amin'ny manaraka, angamba...
    MAnkasitraka hatrany.
    Ryana

    Nampidirin'i Ryana 29 Aog 2007, 17:35
  11. Fa aiza ary no misy anao tompoko ô!

    Nampidirin'i DadaRabe 29 Aog 2007, 17:41
  12. IAnao ve tsty mahay ny fombantsika DadaRabe â? Rehefa misy olona buxi ianao ao Tanà, ny fanontaniany mazàna amin'ny mpamily na ny resevera dia ny hoe "Mankaiza ity?" , na dia tsotra kokoa aza ny manontany hoe "mandalo any ananona ve ity..."
    Tiako nofantarina ny hoe alehanao sao mandalo aty amiko, fa izaho tsy hilaza ny misy ahy ê.....
    Soava dia ê!
    Ryana

    Nampidirin'i Ryana 30 Aog 2007, 09:12
  13. Efa ela aho tsy nandeha buxi

    Nampidirin'i DadaRabe 30 Aog 2007, 11:49
  14. mandehàna rehefa tonga (mandalo)ao Iarivo ê! Nampidirin'i Ryana 30 Aog 2007, 12:41
  15. mandehàna rehefa tonga (mandalo)ao Iarivo ê! Nampidirin'i Ryana 30 Aog 2007, 12:41
  16. afaky ny handeha ianao zany ato ho ato koa!

    Nampidirin'i Ryana 30 Aog 2007, 12:42
  17. Ie, dia hanontaniako hoe aiza ny terminus fa tsy manontany ny handalovany.

    Nampidirin'i DadaRabe 30 Aog 2007, 13:09
  18. hahahahahahahah
    ka raha terminus fotsiny tsy ampy satria misy ohatra buxi mankany @ hôpitaly girard et robic fa aty NAnisana Ampasampito no làlany (raha avy any Analakely ianao); nefa misy ohany koa, mandalo ao Analakely, mankany ihany fa avy aty Andravoahangy sy Besarety no làlany.
    Ka izay no raharaha...
    NA izany na tsia , soava dia ianao izany ê!
    Raha azoko tsara izany 24 ora mahery no faharetan'ny dianao...

    Nampidirin'i Ryana 30 Aog 2007, 15:22
  19. Dia ahoana ihany izany no ataoko é ?

    ie, mihoatra ny 24h. 12000km miala an'i Dago aty. Raha ohatra ianao any MArolambo na any Beraketa dia ampio ilay lalana taksibrosy koa. :-)

    Nampidirin'i DadaRabe 30 Aog 2007, 15:31
  20. TSy vitann'y taxibrosy (izay mijanona eo an-tanàna) fa mila mitsaka rano dia mandeha sarety avy eo; ary dia an-tongotra ny farany. Angaha tsy dezaka be aty aminay ê!

    Nampidirin'i Ryana 30 Aog 2007, 15:41