ATAOKO TOY NY HOE…

Nampidirin'i dadarabe | 22 Jol, 2007

Ataoko toy ny lasa ny ora niarahantsika,
Ataoko toy ny zahatra nidify teny am-pita,
Ataoko toy ny fefy tsy azo intsony hihoarana,
Ataoko toy ny lalana nanjary toa fiakarana. 

Ataoko toy ny taona tsy hiverina intsony,
Ataoko toy ny hazo nitsahatra namony,
Ataoko toy ny rano niraraka an-tany,
Ataoko toy ny vorona nisidin’any ho any. 

Ataoko toy ny lamba nitriatra sy efa tola,
Ataoko toy ny hanina ‘zay efa bobongolo,
Ataoko toy ny vato nisaraka ts’hitohy,
Ataoko toy ny very, tsy hita sy nafoy.
 
Ataoko toy ny hoe tsy hisy intsony ny andro,
Ataoko toy ny haizina fa lavitra masoandro,
Ataoko toy ny lasa kanefa anatiko any…
Ataoko toy ny hoe… kanefa anie ts’izany! 

DadaRabe
Marseille
04/01/02

31 Hevitra & 0 Verindrohy (trackback) amin\'ny "ATAOKO TOY NY HOE…"

  1. Je dédie cela pour Heriniaina Eugène
    Mimiah6@yahoo.fr

    Nampidirin'i Miah 24 Jol 2007, 15:01
  2. aie aie. Andraso ampitaiko ny hafatra.
    DdRb

    Nampidirin'i DdRb 24 Jol 2007, 15:09
  3. ataoko toy ny hoe .... tafitanao ny hafatra...

    Nampidirin'i Miah 24 Jol 2007, 15:28
  4. Efa tafita ny hafatra :-)
    DdRb

    Nampidirin'i DadaRabe 24 Jol 2007, 17:27
  5. ary miah mbola manimanina an i hery an! tandremo izany.

    Nampidirin'i Mike 25 Jol 2007, 13:24
  6. Fiainana daholo izany.
    DdRb

    Nampidirin'i DadaRabe 25 Jol 2007, 18:22
  7. ary i hery mody tsy mamaly indray nefa tokony hisaotra fa manana dadarabe mpisolo vava sy mpampita hafatra an ! sambatra raha samy olombelona lahy ianareo ! misaotra ry dadarabe o !

    Nampidirin'i ikalamako 25 Jol 2007, 21:07
  8. Ataoko toy ny hoe ..... tsy manimanina.....
    Ataoko toy ny hoe ..... boribory ny tany ......lalina ny fiainana eto an-tany fa dia ampifanenan'ny tonokalon'i dadarabe
    Mahay ny zanak'olombelona

    Nampidirin'i Miah 26 Jol 2007, 14:38
  9. Mazava izany masoandro any ho any izany ry Miah ! courage é!

    Nampidirin'i DadaRabe 26 Jol 2007, 15:07
  10. Iny Masoandro iny na hilentika aza ......
    Iny Volana iny na ho takona aza......

    Nampidirin'i Miah 26 Jol 2007, 15:17
  11. Ataovy toy ny hoe...mazava be é!
    Na hilentika aza...
    Na ho takona aza....

    Nampidirin'i DadaRabe 26 Jol 2007, 17:54
  12. ataovy toy ny hoe... manao be marenina izy,
    kanefa any am-pony toa doboka no re ;
    ataovy toy ny hoe ...manao ambozizy,
    izato hiranao odiany tsy re...
    fa tsy very fanantenana ny olombelona eo anoloan'ny sedra
    fa izay kivy, ireo no tena dredra !

    Nampidirin'i ikalamako 26 Jol 2007, 21:59
  13. Zato ianao ry Dadarabe..... mitady hisedaotra
    Milamina ihany lahy fa mbola lavitra ny any ankoatra .......

    Nampidirin'i Miah 27 Jol 2007, 12:18
  14. Ikalamako> Ny rindrina aza hono manan-tsofina.
    Maharaka tsara i Ikalamako an ! Soa fa teo ianao

    Nampidirin'i Miah 27 Jol 2007, 12:22
  15. Heriniaina Eugène ..... voaraiko ny mail-nao .... saingy .... efa eto @ ity tonokalo ity daholo ny valiny.....
    Tu n'as qu'à le lire... dia Misaora an'iDadarabe

    Nampidirin'i Miah 27 Jol 2007, 12:51
  16. Tsy arako intsony ilay resaka ry zareo.
    DdRb

    Nampidirin'i DadaRabe 27 Jol 2007, 15:10
  17. hihihi...
    Ny tononkalonao kosa ange tsara rafitra e ! Ny protagoniste devant scéne, ianao mpitondra teny ary izahay spekta sy mpamakafaka ny votoati-kevitry ny lahatsoratra, lol

    Nampidirin'i ikalamako 27 Jol 2007, 15:19
  18. Mbola lavitra ny any ankoatra hoy i Miah. Andraso fa misy tononkaloizay alefako. Tsy tadidiko ny lohateny fa misy hoe "any ankoatra".
    DdRb

    Nampidirin'i DadaRabe 27 Jol 2007, 17:15
  19. Hmmm...

    Iza loatra

    Iza loatra moa ianao
    R'ilay mpandalo takariva
    No toa tsy hitahita akory
    Dia nigadona avy tany
    Iza loatra moa ianao
    No nangalatra ny antsiva
    Ka nanaitra izany tory
    Nofenoiko nofy mamy?

    Iza loatra

    Nampidirin'i Hery 27 Jol 2007, 23:10
  20. miady ny baolina e !
    Eo ry dadarabe ampio tosika a !

    Nampidirin'i ikalamako 27 Jol 2007, 23:33