ATOLOTRO HO ANAO

Nampidirin'i dadarabe | 14 Feb, 2008

Raha toa aza tsy nisy
Ny teny hoe “fitia”
Dia noforoniko,
Izany ho anao.

Raha sendra ka indrisy !
Mangidy akia ny etỳ !
Dia mamy no angoniko,
Atolotro ho anao.

Raha onja be masiaka
Sy alon-drano mafy,
Dia lakana hitàna
No asosako ho anao.

Raha sendra ka hatsiaka
Sy oram-be mifafy,
Ny foko izay mafana
No hampiantrano anao.

Izany no mba haiko,
Izany anie no aiko,
Ka dia lazaiko anao,
Satria...tiako ianao !

DadaRabe
Aix-en-Provence
18/09/03 18:55



23 Hevitra & 0 Verindrohy (trackback) amin\'ny "ATOLOTRO HO ANAO"

  1. "mahery ny fitia" hoy ny hira,
    "mahery ny mpiventso" hoy aho.

    Nampidirin'i ikalamako 14 Feb 2008, 09:43
  2. Tena milay mihitsy DadaRabe a Tena mampihetsika nyaambiroako dia notohizako kely e Raha toa ka hafanàna, tsy misy fitsaharana fa andro be migaina no sendra tojo anao! Dia vohaiko hidanadana tsy hisy varavarana hidiranao ry sombin'aina ity fo 'zay babonao! Nampidirin'i harilova 14 Feb 2008, 10:09
  3. Mahery koa Ikalamako

    Nampidirin'i DadaRabe 14 Feb 2008, 12:36
  4. tiko ilay tonokalo!!! tsara misaotra e!
    raha izaho no mamaly dia indramiko ilay hiran'i Henri Ratsimbazafy iny hoe FONY AHO

    Nampidirin'i sazykely 14 Feb 2008, 12:39
  5. Misaotra an'i Harilova. Tafiditra spam izy io dia izao vao hitako.

    Adikako eto ambany fa mitakosona. Manja be ilay vetsonao :

    Raha toa ka hafanàna,
    tsy misy fitsaharana
    fa andro be migaina
    no sendra tojo anao!
    Dia vohaiko hidanadana
    tsy hisy varavarana
    hidiranao ry sombin'aina
    ity fo 'zay babonao!

    Harilova

    Nampidirin'i DadaRabe 14 Feb 2008, 13:50
  6. Misaotra Sazykely.

    Ity ilay tononkiran'i Ratsimbazafy

    FONY AHO

    FONY AHO tsy nitafy
    afa tsy akanjo rovitra
    tamin'ny orana nifafy
    sy hatsiaka mampangovitra
    dia nalanao tsotra izao
    noho izato fahoriako
    lamba teny an-koditrao
    ka nomenao ho tafiako

    Eny lamba soga ihany,
    kararavina sy tsotra
    nefa kosa ny hafanany
    nahatoraka lopoitra

    FONY AHO mosarena
    trotraka sy fanimpanina
    rera-tsaina, rera-tena
    fa tsy nanana hohanina
    tsapako nitafotafo
    tao am-ponao ny fitiavana,
    nasainao aho hisakafo
    ka noraisinao ho havana

    Eny vary maina ihany
    no niarahana nizara,
    nefa dia natsiro izany
    niova ho sakafo tsara.

    FONY AHO kivy ratsy,
    tsy mba nanana hitarainana,
    tsisy tia, lany vatsy,
    zary leo ny fiainana,
    Ianao tamin'izay
    no hany mba niteny tamiko
    ka namerina indray
    ny fiainana ho mamiko

    Eny teny kely monja
    feno hatsaram-panahy,
    nisy hevitra mafonja
    ka nitondra hery ho ahy.

    Henri RATSIMBAZAFY
    1969

    Nampidirin'i DadaRabe 14 Feb 2008, 13:53
  7. tena efa miha-mahay lesona i harilova k'ity !

    Nampidirin'i ikalamako 14 Feb 2008, 14:08
  8. I DdRb dia sambatra satria TIA ! Meteza ho tia foana. Matetika dia hoe mampijaly hono ny mitia saingy izao, mahatsiarova fahasambarana ao anatiny... Aleo mantsy tia toy izay TIANA mety tsy ho TIANA, tsy hay intsony.... Fa toy ilay hoe "sambatra ny manome noho ny mandray e !" ny idealy mantsy dia ny SAMY TIA e ! SAMY SAMBATRA no vokany.
    Ho ela velona ny aina mba hisy foana ny FITIAVANA

    Nampidirin'i Tsikisariaka 14 Feb 2008, 14:54
  9. i Harilova ve ry Ikalamako ? sao ianao tsy mahalala fa mpiangaly koa izy an !

    Tsikisariaka> misaotra betsaka amin'ny lesona amin'izao andro izao. Soa fianatra é!

    Nampidirin'i DadaRabe 14 Feb 2008, 16:07
  10. Mpankafia aho hoa fa tsy mpiangaly! I DadaRabe ihany no mampietsika aingam-panahy eo io.
    Ny soa anie fianatra ry Ikalamako e!

    Nampidirin'i Harilova 14 Feb 2008, 19:20
  11. Harilova> Mpankafy miangaly ary é!

    Sa ahoana ry Ikalamako ?

    Nampidirin'i DadaRabe 14 Feb 2008, 19:25
  12. eka ouz ry DdRb. Ankafiziko aby anareo amin'ny fiangaliana...

    Nampidirin'i ikalamako 14 Feb 2008, 22:33
  13. Ikalamako koa anie no andrasana é!

    Nampidirin'i DadaRabe 14 Feb 2008, 22:37
  14. Hoy i Joe Dassin hoe

    Et si tu n'existais pas,
    Je crois que je l'aurais trouvé,
    Le secret de la vie, le pourquoi,
    Simplement pour te créer
    Et pour te regarder

    Vive l'amoro ... sy ny poeta DadaRabe !!!

    Nampidirin'i pissoa 14 Feb 2008, 23:01
  15. Pissoa> Ie, tsara io hira io.
    Vive l'amoro...sy ny poeta Pissoa !!!

    Nampidirin'i DadaRabe 14 Feb 2008, 23:42
  16. DdRb > tsisy fisaorana e

    Nampidirin'i Tsikisariaka 15 Feb 2008, 14:35
  17. Tsikisariaka> Ampio lesona ihany raha toa ka mbola misy an ! Mino aho fa tsy hatreo ihany ny lesona :-)

    Nampidirin'i DadaRabe 15 Feb 2008, 15:07
  18. Feno zavatra tsara ato fa ny tena koa tsy mahefehy loatra ny fotoana angamba dia tsy afaka migoka. hihi
    Hay tia Joe Dassin koa pissoa dy ddrb ? Mba betsaka koa ny hiran'izy io tiako.
    Finaritra e

    Nampidirin'i karako 15 Feb 2008, 18:39
  19. Ie, angaha tsy eto foana ry Karako à! Manao ahoana ny ao Montréal ao ?

    Nampidirin'i DadaRabe 15 Feb 2008, 20:30
  20. Québec ville capitale no misy anay fa tsy Montréal ka. Fa androany izao ho avy aty ry zalahy gasy avy any Montréal hanao basket aminay aty.
    Mazotoa indray e

    Nampidirin'i karako 16 Feb 2008, 19:52