NIANDRY ANAO…

Nampidirin'i dadarabe | 24 Jan, 2008


Teo an’aho ka teo niandry sy naniry…
Sy nanantena anao,
Ny masoko nibanjina, nitopy efa impiry,
Fa ho avy anie ianao !

Dia velon-kira irery !
Tsy sasatra nijery !

Ianao anie hoy aho naniry mafy koa
Ny mba hifamotoana,
Sady efa tsindrian-daona fa eto isika roa,
Mba afaka hihaona.

Kanefa aiza ihany ?
Ny saiko manontany.

Manomboka mihamaizina ny faravodilanitra,
Mangina ny tontolo,
Izaho irery sisa no eto miandry manitra,
Manjary mihorohoro.

Tsy tonga anefa ianao…
…Izaho niandry anao !

DadaRabe
Saint Pierre et Miquelon
24/01/08  16 :00


28 Hevitra & 0 Verindrohy (trackback) amin\'ny "NIANDRY ANAO…"

  1. oups !!!
    tsy momba anao ilay tononkalo an ?!
    Tonga dia ampifandraisiko amin'ilay ianao hiankandrefana rehefa atsy ho atsy manko ka taitra aho.
    Angamba kosa io mba isan'ireo tononkalo tsy mikasika anao kah !
    :-)

    Nampidirin'i ikalamako 24 Jan 2008, 22:59
  2. miandry aho... ozy i ambondrona :)

    arahaba

    Nampidirin'i maintikely 24 Jan 2008, 23:06
  3. hihihi velon-kira irery ony ngah enao maay miira

    nandrasako ho tonga ny maraina gina foana teo aho
    nadroso hisakafo aho ny atonadro nangina ilay seza
    niandry handondona ihany aho ny hariva nandinim-baravarana
    tsy tonga ianao tsy tonga ianao nipitrapitra teo aho

    Rija RAMANANTOANINA

    Nampidirin'i sazykely 25 Jan 2008, 07:20
  4. Misaotra hatrany mampihanoka amin'ny tononkalo DadaRabe a !

    Impiry nijery famantaran'andro ary izy teo ampiandrasana teo ?! hi hi

    Nampidirin'i pissoa 25 Jan 2008, 10:32
  5. Akory aby e,

    Za zany hamendrofendro an’i Drbe an...Ozy ny hiran’i Mirah zay razoky hoe : « Aza miandry aza ianao, fa tsy ho avy izy anio, izay ny hafatra napetrany raha tafahoana izahay.... » lol
    Aoka zay sao voatoraky ny tomatessy eto za.

    Nampidirin'i tsiky 25 Jan 2008, 11:40
  6. Ikalamako> Ampifandraisainao amin'ilay miankandrefana ahoana ?
    Mikasika an'iza ilay tononkalo ?

    Maintikely> Mbola tsy henoko ilay hira. Fa mino aho fa tsara(misy tonony ve?)

    sazykely> manana an'io CD io aho.Tiako io hira io saingy nahalasa saina ahy ny tonony farany. Misy olona roa ve resahiny ?

    Pissoa> Misaotra Pissoa à ! Niandry teo izy. Ny famataranandro voatery nandainga fa ndrao ho kivy hono ilay tompony. :-)

    Tsiky> Niandry izy fa asa izay niafarany tao Tsiky à!
    Rehefa ela miandry koa ve tsy ho tonga ihany ilay nandrasana (hoy ny optimiste).
    Tena be izany hira tsy haiko izany !

    DdRb

    Nampidirin'i DadaRabe 25 Jan 2008, 12:19
  7. dadarabe
    za ts manana, talou za nanana fa refa avy nandalo taty enao dia ts nanana intsony aho lol

    Nampidirin'i sazykely 25 Jan 2008, 12:42
  8. sazykely> Tsy naka an'iny CD iny mihitsy aho kah ! ilay lecteur DVD no nalaiko (azafady fa averiko)

    Nampidirin'i DadaRabe 25 Jan 2008, 12:49
  9. aiii! ianao hamonjy toerana any andrefana any amintsika re ry DdRb, nefa toa misy mitaraina indray hoe :
    "teo aho dia niandry ...fa ho avy ianao...kanjo tsy tonga anefa ianao"
    dia hoy aho naka an-tendrony hoe sao tsy afaka hitodi-doha hody atsy hoi atsy indray ilay DdRb fa misy blem ny paps ao saint-pierre, dia tononkalon'ny efa sasa-miandry any Dago io.
    Shh ry ikalamako koa ange ry DdRb kiriezy e ! tss

    Nampidirin'i ikalamako 25 Jan 2008, 14:07
  10. Ikalamako> Tena variana aho amin'ilay saina matsilo sy mahiratra mandalina, mamakafaka, manadihady...
    Mahay famakafakan-dahatsoratra angamba iny Ikalamako iny tany an-tsekoly ;-p

    Nampidirin'i DadaRabe 25 Jan 2008, 14:12
  11. hihihi o ry dadarabe a alefako par mail ataovy pieces jointes e
    zany ve nefa mou o ainao

    Nampidirin'i sazykely 25 Jan 2008, 14:47
  12. sazykely> fanina be aho fa hoy ianao hoe :
    "o ry dadarabe a alefako par mail ataovy pieces jointes e"

    --> Ianao izany no mandefa par mail dia izaho no manao pièces jointes ????????

    Tena tsy haiko marina !!!!!!! (mahay zavatra itony ankizy itony rey olona).

    Nampidirin'i DadaRabe 25 Jan 2008, 15:08
  13. Salama aby ry namana rehetra.
    Iza ndray dia isasaranao andrasana ity ry DdRb ?
    Dia izao, ataovy fananana ny hira malagasy DdRb a ! dia ezaho ny fahalalana ny hiran'i Rija Ramanantoanina fa tena tsara daholo ! marina e ! Rehefa tsy mahita mandram-pahatonga aty Dago ianao dia omena ka !
    Ikalamako dia tena mpandinika fa ekeo DdRb a !
    Izay fa nandalo fotsiny aho dia tsy hay rahoviana ndray !
    Tsarà daholo e !

    Nampidirin'i Tsikisariaka 25 Jan 2008, 15:24
  14. Tsy aroko ny train...nga tonga ndray le naha ginagina... Quel rebondissement Nampidirin'i 25 Jan 2008, 17:14
  15. "Dia niandry irery foana teo... niandry ilay namany..."
    (Tovo J'Hay)

    sa tonga ami'nny hoe "tsara petrapetraka" (Tselonina)?

    aza manahy fa "mbola ho avy izy ê! " (Rossy)

    MAnkalaza!
    Ryana

    Nampidirin'i Ryana 25 Jan 2008, 17:35
  16. Enga anie ka tsy pauline no anaran'ilay andrasanao na i paul raha tsy zany an

    Nampidirin'i Tsiky 25 Jan 2008, 17:49
  17. Oadray ! efa namaly an'i Tsikisariaka aho nefa tsy hitako ato. Hay ianao tia Rija. Manana CD iray ilay misy an'i "mama", "hila tsy hotantiko indraindray", .. iny aho. tsara kah Ryana> maharaka mozika mihitsy an ! ;-) ILay hiran'i tovo j'hay no tsy haiko. Andefaso hira raha misy é! DdRb Nampidirin'i DadaRabe 25 Jan 2008, 17:51
  18. Tsy azoko ilay hoe :
    "Tsy aroko ny train...nga tonga ndray le naha ginagina... Quel rebondissement"

    ?????

    Nampidirin'i DadaRabe 25 Jan 2008, 17:55
  19. Jereo ao amin'ny dailymotion, "Niandry" no lohateninin'io hiran'i Tovo J'hay io. Kanto!
    Ryana

    Nampidirin'i Ryana 25 Jan 2008, 20:53
  20. Andraso ary hoe jereko izany ry Ryana!

    Mazotoa é!

    Nampidirin'i DadaRabe 25 Jan 2008, 21:13