Ô RY ZENEVIEVY !

Nampidirin'i dadarabe | 11 Feb, 2011


Oay ! Mijery ny endrikao aho dia lasa revirevy,
Ô ry Zenevievy !
Sy ireo takolakao bolangina aok’izany
Ka te hanongo hatrany !
Ireto masonao manganohano soa,
Manintona tokoa !

‘Ndeha ho aiza ity ianao no maika tahak’izao ?
Sa mbola hilalao ?
Tsy aleo mitodi-doha ? Mamonjy ny ao an-trano ?
Fa ndrao mahita angano !
Fa tato ho ato anie, korontana ny tany,
Jiolahy no betsaka any !

Oadray re Zenevievy ! Aza dia mafy loha !
Sy manamafy fo !
Ny ray aman-dreninao efa hila ho lasa adala !
Ianao tsy te hahalala !
Fa dia midola ihany, manaram-po miliba
Sy tia manivaiva !

Mitazana anao eto aho ry Zenevievy !
Dia tapaka ny revy !
Fa te hiteny be, manahy ny ho avinao !
Variana loatra ianao !
Ka indro aho very dia sy toa mitebiteby !
Miovà ry Zenevievy !

DadaRabe



10 Hevitra & 0 Verindrohy (trackback) amin\'ny "Ô RY ZENEVIEVY !"

  1. O ry Zenevoevo, andao ianao kaotiko,
    Ataoko lasa vadiko raha tiako
    Manelingelina ahy izato fihetsikao
    Toa miantso ahy anefa hoe : “andao hilalao”

    Izaho anefa etsy toa mbola te-hirevy
    Fa ny taona tsy maharaka
    Raha mbola hiarakaraka.
    Tiako raha toa anao ny ho ao an-tokatranoko
    Hizarako fifaliana sy ho renin-janako
    Raha vonona ianao, andao hifampitsapa
    Izay mety ho vokatry ny tafa !

    Ho tojo izay irina, izay ho zanantsika
    Ho lahy 2 sy vavy koa no ho ataontsika ampifaliana.
    Fa kosa ny indro kely, ny anaranao tsy mamely
    Misy maro azo omena : Tiana, Tolotra, Nomena, Hary
    Anaran-gasy mifangaro, fitiavantsika izay niharo.

    Zenevoevo ôôô , toa manofy fontsiny izany.
    --------> mampihomehy be fa izaho avy no niakatra aigam-panahy ry ddrb, LOL be ilay izy e ?

    Nampidirin'i Kdaombaramita 12 Feb 2011, 18:10
  2. eny ry ikala zenevievy
    mampandry adrisa i kdom
    avy aty fa ra te hirevy
    tsaky, pi ary koa rhum

    tsisy fampanatenana pokaty
    na koa atsanga tsy aman'orana
    fa fandresen-dahatra anaty
    fahahinaretana no lalan-kizorana

    dia izay akia ry zenevievy
    aza variana mihanahana
    ento koa ikala beby
    fa tsy ho diso fanatenana

    Nampidirin'i simp 13 Feb 2011, 21:50
  3. Misaotra e !

    Mahery i Zenevievy !!!!!!

    Nampidirin'i DadaRabe 14 Feb 2011, 19:22
  4. Misaotra an'i Simp sy Kdaomaramita nanainga revirevy ho an'i Zenevievy !

    Hahahahahahahaahh

    Nampidirin'i DadaRabe 14 Feb 2011, 19:26
  5. ka le anarana hoe zenevievy mintsy no tonga dia otran'ny misarma be izany
    lol

    Nampidirin'i simp 15 Feb 2011, 19:56
  6. Hahahahahahahah !

    Nampidirin'i DadaRabe 17 Feb 2011, 21:58
  7. slt dadarabe, zay ndray vô afaka nanoratra e!
    miaik anareo ny tenanay am le tonokalo
    tohizo fa tsara

    Nampidirin'i iaboba 24 Feb 2011, 12:53
  8. Misaotra e !

    Nampidirin'i DadaRabe 24 Feb 2011, 14:57
  9. Misaotra Dadarabe! mba andefaso tononkalo foana e! tsara fa tohizo

    Nampidirin'i Maria 22 Mar 2012, 11:56
  10. Tena efa elaela tokoa aho tsy nandefa fa ho avy e

    Nampidirin'i DadaRabe 22 Mar 2012, 23:13
Hampiditra hevitra

E-mail me when comments occur on this article

 This is the ReCaptcha Plugin for Lifetype