NY FIALONANA, FANKAHALANA, FITSIRIRITANA

Nampidirin'i dadarabe | 6 Mar, 2009

Na inona na inona ataontsika, na aiza na aiza misy antsika, na inona na inona firehantsika : Ny fialonana, ny fankahalana, ny fitsiriritana dia loza mitatao !

DadaRabe



NY FIALONANA, FANKAHALANA, FITSIRIRITANA

Ny fo feno fialonana
Ary tsy mahay mionona,
Eny !  Manantena foana
Ny an’ny hafa eo anoloana…
Dia toy ireny harafesina mandavaka ny vy,
Mahatonga fahalovana, mandrotika ny tsihy


Ny fo tia mankahala,
Te handavo tsy an-kisala
Izay mba tafavoaka kely
Fa niasa tamin-kery…
Dia toy ireny rivo-doza izay mitsoka ny tanàna
Kanjo nony lasa iny dia namela fandravana !

Ny fo tia mitsiriritra,
Faniriana tsy mba ritra
Ka ‘zay hitan’ireo maso
Dia hanaovana ankaso…
Dia toa loto, honahona, mivangongo alahelo,
Lozoka tsy hita fara, tanin-kaizina sy helo !

DadaRabe
04/02/09

14 Hevitra & 0 Verindrohy (trackback) amin\'ny "NY FIALONANA, FANKAHALANA, FITSIRIRITANA"

  1. toetra mamoehitra
    tsy mba azoko ekena
    ilay mandrehindrehitra
    fananam-pirenena.

    mankasitra dadarabe a!

    Nampidirin'i Tokinao 04 Feb 2009, 20:41
  2. Tokinao>>
    Loza mamoehitra
    Sady mahamenatra
    Ny trano dia mirehitra
    Ny olona koa sempotra

    Nampidirin'i DadaRabe 04 Feb 2009, 20:56
  3. Ireo avara-pi
    Mba tsy nitondra taxi
    Ny mandrehitra afo
    No ataony totoafo

    Nampidirin'i kala 04 Feb 2009, 21:11
  4. Kanefa ny afo
    mahazo ny tafo
    dia ho loza be
    ho an'ny daholobe

    Nampidirin'i DadaRabe 04 Feb 2009, 22:00
  5. Ny fialonany anie
    Mitondra any Ambondrombe
    Ary koa mampihika
    'Ze mino an'i Liki Lika

    :-)

    Mankasitra hatrany DadaRabe a!
    M'saotra e!

    Nampidirin'i Belle 05 Feb 2009, 04:35
  6. Ka inona ary no tokony ho vahaolana ?
    "Miresaka mivantana sy tsy miholankolana."
    "Sady mifanaja tsara, no tsy misolantsolana."
    Ho samy manana ny hasiny, toa kintana sy volana.

    Nampidirin'i lehilahytsyresy 05 Feb 2009, 12:46
  7. Ka inona ary no tokony ho vahaolana ?
    "Miresaka mivantana sy tsy miholankolana."
    "Sady mifanaja tsara, no tsy misolantsolana."
    Samy hanana ny hasiny, toa kintana sy volana.

    Nampidirin'i lehilahytsyresy 05 Feb 2009, 12:47
  8. Ka inona ary no tokony ho vahaolana ?
    "Miresaka mivantana sy tsy miholankolana."
    "Sady mifanaja tsara, no tsy misolantsolana."
    Samy hanana ny hasiny, toa kintana sy volana.

    Nampidirin'i lehilahytsyresy 05 Feb 2009, 12:48
  9. Ka inona ary no tokony ho vahaolana ?
    "Miresaka mivantana sy tsy miholankolana."
    "Sady mifanaja tsara, no tsy misolantsolana."
    Samy hanana ny hasiny, toa kintana sy volana.

    Nampidirin'i lehilahytsyresy 05 Feb 2009, 12:48
  10. ( Oay, azafady DadaRabe fa lasa voatsindry in-telo sy efatra ilay bokotra hoe "Alefa", hany ka lasa niverimberina tsinahy ireto soratro etsy ambony. Miala tsiny indrindra re a.)

    Nampidirin'i lehilahytsyresy 05 Feb 2009, 12:51
  11. Marin'izany ry Belle
    sy ry lehilahytsiresy
    fa kapoka manivelle
    ny mialona, mametsifetsy

    Kanefa antsika ihany
    no miezaka manao ny mety
    hananatra ireo be vinany
    Mba hampety tsara ny fety !

    Nampidirin'i DadaRabe 05 Feb 2009, 13:38
  12. Eken'e! ekena! Aoka tsy hivena Fa hiroso ny dia Ifanampy, matokia Nampidirin'i Belle 05 Feb 2009, 17:27
  13. Misaotra Belle à ! izay vao hitako io tao amin'ny hevitra (tsy nivoaka)

    Nampidirin'i DadaRabe 12 Feb 2009, 19:52
  14. Dia ny adirimantsika mifono hevi-dalina mibanjina ity politika mahakivy mahafanina... Akohokely fatora-mahazaka ny vahoaka ka tsy ho aiza fa misy miady ho tompon-daka miseho ho namana eh! sakaiza... kanefa ... kanefa... mahamenatra eh... maharary... mangirifiry... Nampidirin'i RafanoRod 16 Feb 2009, 08:58