ILAOZAKO NY ATY

Nampidirin'i dadarabe | 25 Nov, 2007


Handeha aho ka mametraka veloma aminao,
Tsy sitrako kanefa izany no efa anjara,
Satria ny lalantsika dia sampanana hatrizao,
Ka tsy ho asiana nenina fa vita toa tantara ;
Tantara fohy dia fohy,
Tantara tsy mitohy,
Niarahana nitondra
Rahona sy onja,
Tsy nasiana dina na fefy ho arofanina,
Fa samy mba nigoka ny mamy tiany hohanina.

Handeha aho nefa kosa tsy hametraka alahelo,
Tsy hitanisa avelo na aloky ny lasa,
Tsy hitodika ny omaly, tsy mba hamelovelo,
Na mbola hamerimberina ‘reo zavatra kinasa ;
Kinasa toa ho lava,
Kinasa nefa rava,
Ka verivery foana,
Natelin’ny fotoana,
Nanjavona hariva toa aloka nitoerana,
Nitsiaka toy ny rano, ka ritra tsy azo ferana.

Handeha aho sao ho difotry ny fotaka mandrevo
Mandady sy mirongatra, mandrakotra ny tena,
Hamatotra ny saina, hanindry, hanandevo,
Hamingana ny tongotra, handroba fandresena ;
Fandresena iriana,
Fandresena tiana,
Hiraraka am’tany,
Toa nofy fotsiny ihany,
Raha toa aho ka variana mifikitra tsy miala,
Mamono ny eritreritra, minia tsy mahalala.

Handeha aho satria fantatro, f’ianao koa efa dify,
Tandindona no sisa mba tazako anoloana,
Fanala sy ny zavona ary rahona manify,
Milaza f’efa nihelina sy niova ny fotoana ;
Fotoana nandalovana,
Fotoana fahatsiarovana,
Niarahana nidola,
Nisangy tsy ho tola,
Kanefa dia nikatona toa varavaram-by,
Mametraka veloma aho f’ilaozako ny aty.

Dadarabe
Marseille
7/07/00  22 :00

Rabe Andriamanarivo Paoly


27 Hevitra & 0 Verindrohy (trackback) amin\'ny "ILAOZAKO NY ATY"

  1. Mba indramiko kely ny fomban'i Tsiky (tsy bedy aaaa) :
    Aza hilaozanao ny alika
    Miandry ny tananantsika
    Amin'izao lohantaona izao
    (Aza hilaozanao)

    Raitra dia raitra ny tononkalo !!!

    Nampidirin'i pissoa 25 Nov 2007, 17:23
  2. Vola sy Noro ! Misaotra Pissoa.

    Eh ! raha nieritreritra hono aho
    aleoko mandeha any lavitra any
    tsy hijanona eto aho

    HIra ihany izany

    DdRb

    Nampidirin'i DadaRabe 25 Nov 2007, 17:31
  3. Omena veloma ary ê!
    sa atao hoe "Aza ilaozanao". Efa henonaoreo ve ny hiran'i Erick Manana mitondra io lohateny io (aza ilaozanao)?
    ary ianao hoy aho "mi-zesta" be rehefa maka sary, sa diso aho?
    :-D
    mankasitraka ê!
    Ryana

    Nampidirin'i Ryana 25 Nov 2007, 18:11
  4. Ka ilay tononkalo anie no "ilaozako ny aty" fa izaho ho aiza moa fa eto ihany é!

    Miandry an'ilay voron-kely mivoaka amin'ny fakan-tsary anie ry Ryana dia mba mody mizesta é!
    Angaha tsy loza rehefa sambany vao mba nalaina sary é!

    DdRb

    Nampidirin'i DadaRabe 25 Nov 2007, 21:32
  5. "omena veloma izay tsy tamana, soava dia" hoy i Rossy. :-P

    Nampidirin'i ikalamako 25 Nov 2007, 22:22
  6. Ampitaiko ny hafatra r'Ikalamako !

    DdRb

    Nampidirin'i DadaRabe 25 Nov 2007, 23:12
  7. ehhhh, dia soava dia DdRb a ! nahoana moa no "mandao" no safidy nefa milaza fa tsy hoa aiza akory ?
    Fa kanto foana aloha ny tononkalo e ! jerena toa efa tamin'ny 00 nefa dia azo vetsoina 07. Mahery ny pôety leiroa a !

    Nampidirin'i Tsikisariaka 26 Nov 2007, 06:42
  8. Ka mba miovaova anie ilay lohateny ry Tsikisariaka é !

    Misaotra é!

    DdRb

    Nampidirin'i DadaRabe 26 Nov 2007, 12:09
  9. eny indray ary e ! izahay efa taitra hoe ho aiza indray ary ny filohan'ny fikambanana ! efa nividy mosoara mihitsy aho, marina e !

    Nampidirin'i Tsikisariaka 26 Nov 2007, 12:50
  10. hofan-tànan'olontiana,
    kopakopaka mosoara
    no hilaozako,
    ...rakoto matilò

    Nampidirin'i ikalamako 26 Nov 2007, 13:12
  11. Avalony tsara ilay mosoara
    Kotsan-dranomaso omaly hariva
    Raha nilaza izy fa tsy tia anao intsony
    (Iraimbilanja)

    Ranomaso nameno mouchoir
    Valin-kasambarako
    Angomana tsy roa aman-tany
    NO nihatra tamiko
    (Ejema)

    Nampidirin'i DadaRabe 26 Nov 2007, 13:22
  12. snif, snif !

    Nampidirin'i Tsikisariaka 26 Nov 2007, 15:15
  13. ié, zay mihitsy ilay mosoara fa "ny nomeraonao ma tsiah, téléfôneo am'ty ..." tsy haiko ilay mi-transcrire azy ! efa renareo ve io hira io ? dia misy tohiny hoe "azafady mba ajanony amin'akahy e, sarintsika roa iny e !" Nampidirin'i Tsikisariaka 26 Nov 2007, 15:17
  14. DdRb > mba jereo hoe ilay lasan'ny mpams teo azafady ?

    Nampidirin'i Tsikisariaka 26 Nov 2007, 15:17
  15. ny nomeraonao ma tsiah, téléfôneo am'ty ... tsy haiko ilay mi-transcrire azy ! efa renareo ve io hira io ? dia misy tohiny hoe "azafady mba ajanony amin'akahy e, sarintsika roa iny e !" Nampidirin'i Tsikisariaka 26 Nov 2007, 15:18
  16. Andraso hoe ho jereko izany.

    DdRb

    Nampidirin'i DadaRabe 26 Nov 2007, 15:37
  17. Io fa navoakako avy any amin'ny spam

    Tena tsy haiko ilay hira rry Tsikisariaka !

    Asio feony hoe !

    DdRb

    Nampidirin'i DadaRabe 26 Nov 2007, 15:42
  18. hono ho'aho DadaRabe: inona no lazainao eo am-panondroana io zava-maniry io? Ohatry ny hoe manome fanazavàna izany ianao...
    "kopa-kopa tànana sisa ifanaovana (Olombelo Ricky)"

    Nampidirin'i Ryana 26 Nov 2007, 17:27
  19. Ny fahitako an'io olona amin'ny sary io ry Ryana dia milaza hoe "ity no hazo namboleko". Mba écologique é! Na koa hoe "itsy ambadika itsy misy avion manidiao anaty trano". ????? Tsy fantatro izay tena nolazainy an ! fa izay angamba ! DdRb Nampidirin'i DadaRabe 26 Nov 2007, 17:37
  20. Tena tsara be izany fond -n'ny sarinareo izany an. Aiza ho aiza any andafy any hono io toerana io ? Mba tantarao anay letsy a.

    (-_-)/
    * Au fait, izay vao tena hitako akaiky ilay volombava.

    Nampidirin'i lehilahytsyresy 27 Nov 2007, 03:28