RY VOLANA ! »

PASKA FAMONJENA !

Nampidirin'i dadarabe | 24 Apr, 2011

PASKA FAMONJENA !

Hira avy amin’ny fo no atolotro ho anao
Izao Paska izao !
Andro famonjena nomen’i Jesoa Tompo,
Fitiavany inoako !
Dia hira fifaliana fa olom-boavonjy,
Noho ilay zanak’ondry !

Kalo tsara indrindra no ho zaraiko eto,
Ary dia omeko…
Noho ilay Jesoa voahombo novonoina,
Mba hisolo voina !
Fa Izy no mpamonjy antsika tsy ho very,
Fitiavany mahery !

Tononkalo iray no hifampizarana,
Handrava fangejana !
Fa ny ota mahamay namatotra antsika
No tapaka, nipiaka !
Dia horedonintsika ilay hiran’ny hosana !
Jesoa no Fiderana !

DadaRabe
18/04/11   21:24

 


This entry was posted on 24 Aprily, 2011 03:45 and filed under Tononkalo Fiderana . You can leave a response.

4 Hevitra & 0 Verindrohy (trackback) amin\'ny "PASKA FAMONJENA !"

  1. Jereo kely ity ô, hi hi hi !!!

    Nampidirin'i Kdaombaramita 06 Aog 2011, 14:36

  2. Tsara be ilay blaogy! misaotra e!

    Nampidirin'i rachats de credits 27 Aog 2011, 22:22

  3. Misaotra amin'ity blaogy tsara be ity ... tsara be daholo ilay tononkalo (izay voavaky atreto alou! efa mifanao fotoana izao sy ilay blaoginao de alefa tsikelikely, lol)

    Nampidirin'i MimiSimply 31 Okt 2011, 00:31

  4. Isika no isaorana mamaky e !

    DAdaRAbe

    Nampidirin'i DadaRabe 03 Nov 2011, 15:11
Hampiditra hevitra

 This is the ReCaptcha Plugin for Lifetype