« IZA NO TIANAREO 2 SA 8 ?
NY FIALONANA, FANKAHALANA, FITSIRIRITANA »

VILAM-BAVA !

Nampidirin'i dadarabe | 14 Mar, 2009




‘Ndeha hitady rariny sy koa mangarahara !
Inona no lalana ? Mangalatra pouvoir !
‘Ndeha isika hanohitra ny didin’olon-tokana !
Inona no lalana ? Mandroba sy mitokona !

‘Ndeha hitondra marina ny tena fahafahana !
Inona no atao ? Asivo fangalarana !
‘Ndeha isika hilaza ny marina an-gazety !
Inona no atao ? Darohy ireo izay tsy mety !

‘Ndeha hahindrahindra ilay demôsy kirasia !
Ahoana no atao ? Poteho ‘reo ‘zay tsy tia !
‘Ndeha mba hampandroso ny tanindrazantsika
Ahoana no atao ? Vonoy izay tsara bika !

Hoy ho hoe :

‘Ndeha manova fenitra fa tena vilam-bava !
Fa mila fifidianana vao miakatra pouvoir !

DadaRabe
12/02/09


This entry was posted on 14 Martsa, 2009 20:45 and filed under Tononkalo Tanindrazana .

11 Hevitra & 0 Verindrohy (trackback) amin\'ny "VILAM-BAVA !"

  1. 'Ndeha hitaky ny tsaratsara kokoa
    dia ny mba hahatongavako ho filoha
    loham-boto no ho ampiasaina
    ary ny resa-pifidianana tsy ilaina

    Nareo mpanohana ahy mody ataoko hoe vahoaka
    Koa rariny avokoa izay ataon"areo" fa aza misy mitsoaka
    Na hanimba, na handoro, eny fa na handroba lapa
    ndao, ndehana mantsy e!, f'izaho aloha somary hiapa :).

    Aza matahotra ianareo na dia ho faty
    Fa ny sarinareo hatao mirantiraty
    Manome toky eo ilay orinasako injet
    satria mahay manao sary ho lasa metimety

    Nampidirin'i Tokinao 12 Feb 2009, 22:27

  2. Tokinao>
    Loham-boto no atao
    Sy dradraina lava izao
    Asa ahoana loatra angaha
    Raha iny no prezidà ?

    Nampidirin'i DadaRabe 12 Feb 2009, 22:57

  3. Tsy mahataitra e! Mianara tsara aloha vao mamorona fa lasa miteny² fona. Ary ny tena marina ambara raha sahy!

    Nampidirin'i Ratavao 13 Feb 2009, 11:56

  4. Ny marina de fisaka e,
    Ka sarotra tadiavina,
    F'izay atao no hita,
    De izay no hitsarana!

    Fandrobana, Fandravana,
    Fanoheran-dava,
    Izany angaha no atao hoe :
    Demokrasian'ny avo vava!

    Tsy mba tan-dàlana,
    Fa gidragidra lava,
    Zaza ratsy taiza,
    Sahy mikomy lava!

    Zaza baranahiny,
    Hatrami'ny foiny kely,
    Mpanenjika boaty
    Mpampirevy makorely!

    Raha iny no mitondra,
    De zary ho modely ratsy,
    Fa ny zaza ao an-trano aza,
    De sahy hanindron'antsy!

    Aleonay tsy misy e,
    Raha iny no safidy,
    Fa Ravalo no Fikirina,
    Hampilamina ty tany!

    Nampidirin'i tsiafoi1 13 Feb 2009, 15:33

  5. Aleo itantaranao azy ry Tsiafoi1 !

    Nampidirin'i DadaRabe 13 Feb 2009, 16:11

  6. Taona 2009, krizy ekonomika
    Maneran-tany io. Miafy daholo isika.
    Enga anie kosa mba tsy hisy ra mandriaka
    Na hoe hitohy aza ny adilahy politika

    Nampidirin'i LhlTsRs 14 Feb 2009, 06:48

  7. miombon-kevitraaminao ry Lehilahytsyresy

    Nampidirin'i DadaRabe 14 Feb 2009, 16:41

  8. mandalo indray eeeeeeeeeeeeeee
    de manoratra aaaaaaaaaaaaaaa

    sazykely

    Nampidirin'i sazykely 16 Feb 2009, 13:09

  9. Misaotra mandalo sazykely à
    Miarahaba é

    Nampidirin'i DadaRabe 16 Feb 2009, 13:34

  10. Aoka izay ny korontana sy famonoan'olona.
    Mila fifidianana vao miakatra pouvoir !
    Izany no marina ry DadaRabe.

    Nampidirin'i mangamaso 16 Feb 2009, 16:00

  11. Eny ho'aho ry Mangamaso !

    Nampidirin'i DadaRabe 16 Feb 2009, 16:24