« TAPITRA
MANIMANINA AHO ZAREO ! »

DELIRA !

Nampidirin'i dadarabe | 28 Sep, 2008


DELIRA !

Nitabataba mafy izy hoe « misy mpaka fo ! »
Dia misy mpihinan’olona, dia misy matoatoa,
Mahakoditra daholo, hono, izay hita teny ho eny,
Hatramin’ny sarivato manjary toa miteny !

Dia misy koa bobel, dia misy kalanoro,
Ka be ny olombelona, voakaikitra sy toro !
Ireny ngahibesola sy ireny trimobe,
Manenjika, mihinana ny ankizy marobe.

Ny angatra sy avelo, hono, feno ny tanàna !
Ireo kakabemaso manenjika madama !
Dia misy mpaka rà, dia misy mpalak’aty,
Loza ! Loza ity ! Vonjeo fa mahafaty !

Noteneniko izy hoe aoka izay ry akama !
Andana aloha matory raha miaka-maripana !
Tsia ! Tsia ! Hoy izy  « mivoha ny afobe ! »
Voatery notsindroniko izy fa delira be !

DadaRabe

27/09/08 


 


This entry was posted on 28 Septambra, 2008 05:08 and filed under Izao fiainantsika izao .

10 Hevitra & 0 Verindrohy (trackback) amin\'ny "DELIRA !"

  1. Elaela indray tsy nahazo kônsôm,
    Dia nanomboka am'zay ny délirium,
    Nahita matoatoa, nahita fantôme,
    Indraindray te-hilefa, indraindray mitakoko,
    Mahita hallucinations misy biby maro-loko,
    Tsindromy kely io ho kalma, radoko.
    :-)

    Nampidirin'i lehilahytsyresy 28 Sep 2008, 08:28

  2. Mampalahelo, mahonena. Soa fa misy ny dokotera toa anao mahalala ny aretina sy mitsabo izay voany. Misy mantsy dia mihomehy satria tsy mahafantatra fa aretina toa ny aretina rehetra ny aretin-tsaina. Tsy misy mihomehy ny voan'ny homamiadana sy aretina hafa ny olona kanefa dia mikomokomo rehefa mahita olona mandalo "épisode spychotique". Omen-tsiny moa ve izy raha tsy mahalala? Tsy miresaka izay tsy nahazo kônsôm aho eto ry lehilahitsyresy satria resaha hafa tsy haiko iny.

    Nampidirin'i Su 28 Sep 2008, 13:55

  3. Lehilahytsyresy>
    Asa na kônsom
    na tena delirium ?
    Tsy fantatra intsony
    na toaka na rongony
    Na koa aretin-tsaina
    mpahazo ny olo-miaina ?

    Su>
    ie, misy tokoa ny sendra tsy fahasalamana. Mampalahelo ! Misy koa ireo mihinan-javatra dia manidina be (hallucinogènes ohatra).
    Fa ny tena mahatalanjona dia ireo izay tsy marary tsy mari-koditra nefa mi-delira ! tena misy io ! (eritrereto anie !)

    Nampidirin'i DadaRabe 28 Sep 2008, 15:05

  4. lol

    Nampidirin'i simp 29 Sep 2008, 00:56

  5. kay ! rehefa henjana ny fiainana dia tsy zakan'ny herintsaina intsony izany izany mi delira tsy marary tsy mari-koditra izany ry DdRb ? mamindrà fo aminy...

    Nampidirin'i ikalamako 29 Sep 2008, 03:02

  6. simp> :-p

    Ikalamako à ! tena toran'ny hehy mamanton'alina aho amin'ilay hoe mamindrà fo aminy.
    Rehefa henjana marina ny fiainana...

    Nampidirin'i DadaRabe 29 Sep 2008, 03:42

  7. Marina ! misy ireo tsy marary , tsy marikoditra nefa mi-delira !
    Tena misy io !
    Dia izay tsy ni-delira na iray monja ary mitoraha vato an'ireny olona ireny e ! sa ?...

    Nampidirin'i Tritriva 29 Sep 2008, 18:17

  8. Tritriva>
    Tsara indray ilay hoe : tsy ni-delira taminareo no aoka hitora-bato azy voalohany !

    Nampidirin'i DadaRabe 29 Sep 2008, 18:35

  9. DadaRabe ???...

    Nampidirin'i Tritriva 01 Okt 2008, 08:58

  10. Ahoana ry Tritriva ????

    Nampidirin'i DadaRabe 03 Okt 2008, 18:15