« MANIMANINA AHO ZAREO !
TONONKALO HO AN'I RADO (Georges Andriamanantena) »

IRENY TONONKALO !

Nampidirin'i dadarabe | 19 Sep, 2008


IRENY TONONKALO !

Ireny tononkalo
Dia antsa anaty fo,
Sy vazo soa mandalo
Manenika ny loha !

Dia hiran'ny fitia !
Koriana tsy ho tana,
Mikalo ny doria,
Mandrotsy, manafana !

Dia ando vao maraina !
Mamonto koa ny tany,
Manokatra ny saina,
Hiaina andro mamy.

Dia tsantan'ny voahary !
Mpitondra hafaliana !
Manala ny maharary,
Mpizara fitsikiana !

Dia hiaka ahatsiarovana !
'Reo andro efa dify,
Sy anaty izay torovana
Fa ranomaso ampify.

Dia ainga fiderana !
Sy vavaka ho an'ny maro,
Mitondra fahazavana...
…Ireny tononkalo !

DadaRabe
18/09/08


This entry was posted on 19 Septambra, 2008 21:41 and filed under Izao fiainantsika izao .

14 Hevitra & 0 Verindrohy (trackback) amin\'ny "IRENY TONONKALO !"

  1. "...dia ireny tononkalo
    tsy ahafoizako anao" (teboka ; vita tompoko)

    Nampidirin'i ikalamako 19 Sep 2008, 22:36

  2. "ho enti-milalao" (teboka, vita tompoko)

    Nampidirin'i DadaRabe 20 Sep 2008, 01:20

  3. Tononkalo karazan'izao,
    dia azo atao hoe "haitao",
    na hoe "hairaha", na koa "know-how".

    (teboka, à suivre tompoko)

    Nampidirin'i lehilahytsyresy 20 Sep 2008, 08:14

  4. Mampitraka hatrany!
    @ ity ankason'ny tany,
    tohizo hatrany hatrany!
    F'aza avela raha tsy vonto ny tany.

    Vita tompoko!

    Nampidirin'i news2dago 20 Sep 2008, 11:08

  5. Dia ahiratra ny maso
    hialana ny ankaso (teboka)

    Nampidirin'i DadaRabe 20 Sep 2008, 16:19

  6. Marina tokoa izany letsy
    Tandremo fa be ny fetsifetsy

    (teboka)

    Nampidirin'i lehilahytsyresy 20 Sep 2008, 16:52

  7. Kanefa na mitandrina aza
    be loatra ireo mihaza ! (teboka)

    Nampidirin'i DadaRabe 20 Sep 2008, 19:51

  8. Manokatra ny saina ,
    Mitondra hafaliana ,
    Fahazavana , fiadanana ,
    Sy vavaka ...
    Ireny tononkalo .

    ( teboka ? )

    Nampidirin'i Tritriva 21 Sep 2008, 11:39

  9. Sakafo vao maraina
    mofo ho an'ny saina
    rano mampilenda
    mandena koa ny tenda

    ireny tononkalo
    (teboka)

    Nampidirin'i DadaRabe 21 Sep 2008, 16:40

  10. ireo tonokalo
    dia san'ny saina
    kalo azo hiraina
    raha sendra ianao mimalo

    Nampidirin'i sazykely 22 Sep 2008, 09:31

  11. Mampitatra ny saina
    dia ireny no hiraina
    hikalo ny maraina
    hamelombelon'aina

    Nampidirin'i DadaRabe 22 Sep 2008, 12:20

  12. Mahafinaritra ... mirary mazoto mamaky sy manoratra tononkalo hatrany.

    Afaka mandalo dia mamela sonia :))

    Nampidirin'i pissoa 23 Sep 2008, 19:33

  13. Miarahaba an'i Pissoa.
    Miasaotra mandalo é!
    Elaela izany !

    Nampidirin'i DadaRabe 23 Sep 2008, 21:04

  14. tonokalo maro
    tsy foiko fa nandalo
    dia nanjary kalokalo
    ao ambavako im-balo

    Nampidirin'i doria 25 Sep 2008, 19:57