« TONONKALO HO AN'I RADO (Georges Andriamanantena)
AVIA ETO ANILAKO ! »

MILALAO BALOM’

Nampidirin'i dadarabe | 14 Sep, 2008

MILALAO BALOM’

Vizana i dada,
Reraka i neny,
Fa izy dradradradra,
Tsy misy mba ekeny.

Fa inona no tiany ?
Tsy fantatra mihitsy !
Ny an-tanany ariany,
Na maro ireo na vitsy.

Maninona ‘ty zaza ?
Angamba misy zavatra !
Fa mba jereo ry dada !
Ny masony manakatra,

Mibanjina any ho any..
Fa inon-doatra re ?
No dia mampitomany,
Sy tena ilainy anie !

Oay ! iretsy lavitra !
Manidina, savoana,
Akaikin’ny firatra,
Jereo ireo balôm !

Nony nalain’i dada
Nangina izy, nahoana ?
Faly anie ‘ty zaza…
Fa milalao balôm’ !

DadaRabe
Aix-en-Provence
13/04/03


This entry was posted on 14 Septambra, 2008 15:01 and filed under Izao fiainantsika izao .

9 Hevitra & 0 Verindrohy (trackback) amin\'ny "MILALAO BALOM’"

  1. tandremo ary mitomany indray rehefa hipoaka ilay balom an !

    Nampidirin'i ikalamako 14 Sep 2008, 17:58

  2. Tantara hafa indray iny ry Ikalamako ! (milalao balom II)
    sahala amin'ny Terminator 2 é!

    Nampidirin'i DadaRabe 14 Sep 2008, 18:26
  3. ary hitan'ny radar-ko zany ny tohiny k'ty ! :-) Nampidirin'i ikalamako 14 Sep 2008, 18:32
  4. ary hitan'ny radar-ko zany ny tohiny k'ty ! :-) Nampidirin'i ikalamako 14 Sep 2008, 18:32

  5. Nahita mialohako ianao !
    izany noa atao hoe Ikalamako Jackson an ! anabavin'i micka kely

    Nampidirin'i DadaRabe 14 Sep 2008, 20:47

  6. C'est l'enfant roi !!!

    Mitomany ny zaza
    Nefa eo an-sandrin'i neny
    Natsipiny daholo ny kilalao !
    Fa nahita balom eny ambony .

    I papa no nande nisambotra
    Balom enina ho an'i zaza
    Tsy mitomany intsony amin'izao !
    Mitsikitsiky , mitapitapy tanana .

    Nahazo balom , nomen'i dada
    Loko maro mitambatra
    Mavokely sy violeta manja !
    Mena , vony sy manga !

    Sambatra ...

    Nampidirin'i Tritriva 14 Sep 2008, 23:03

  7. Misaotra an'i Tritriva
    Nanohy ny tantara
    ka na dia efa hariva
    dia misy foana ambara

    tantaran'ny balôm
    sy ilay zanak'i dada
    tantara tena bonne
    fa mampangina zaza

    Nampidirin'i DadaRabe 15 Sep 2008, 00:04

  8. =Andro fety ao an-trano=

    Home, sweet home !
    Ny ankizy milalao balôm
    Ny lehibe mamely kônsôm
    afangaro whisky sy rôm
    Diluéna kely anaty zi dé pôm

    Nampidirin'i Lehilahytsyresy 15 Sep 2008, 07:57

  9. Lehilahytsyresy>

    Izaho aloha hi-abandonne
    raha be ilay Kônsôm
    Fa raha hoe zi dé pôm
    dia io no tena bonne
    Be koa ny telefaonina
    milaza fa amin'ny tonne
    no voan'ny ipône
    namely pi sy rôm
    Aleo aho mba hi-chaume
    Dia hilalao balôm

    Nampidirin'i DadaRabe 15 Sep 2008, 14:34