« MILALAO BALOM’
HENOKO INDRAY ! »

AVIA ETO ANILAKO !

Nampidirin'i dadarabe | 31 Aog, 2008



AVIA ETO ANILAKO !

Ry tiako,

Eny mety ho henjana ny fiainantsika akia !
Misy ny tsy rariny, misy ny tsy tia,
Ny lalana diavina tsy mora foana koa,
Ireny faniriana dia maro no tsy to !

Tsy mora koa angamba ny miara-dalana amiko !
Fiakarana, fidinana, tsy lapa ny anie akaniko !
Fa ny hanina anio aza tadiavintsika androany…
Ireny zava-tiana, toa nofinofy hatrany !

Indraindray akia tomany no kalo mba hiraina,
Niatrehina ireo ora sy andro vao maraina,
Fa maro ireo mafaitra, vangongo ireny ngidy…
Toa tongatonga ho azy, mandratra tsy safidy !

Kanefa eo ianao, mijoro, tsy mirona,
Mifampitantana amiko, miandry izay midona,
Vonona hiatrika ny ampitso fanantena,
Mifofotra, mikikitra, mitraka, tsy mivena !

Tsy ny orana mirotsaka no hahakivy antsika !
Tsy ny rotsa-panala, na ny andro mangatsiaka !
Kanefa aza tsiny, raha mafy akia ny androany !
Avia eto anilako… ry tiako indrindra izany !

DadaRabe
29/08/08  21 :41


This entry was posted on 31 Aogositra, 2008 14:43 and filed under Tononkalo Fitiavana .

29 Hevitra & 0 Verindrohy (trackback) amin\'ny "AVIA ETO ANILAKO !"

  1. aoka re marina ry DadaRabe fa santimanka re ity ! Tehaka ihany no tena haiko aloha...

    Nampidirin'i ikalamako 31 Aog 2008, 15:34

  2. merci aloha fa tena mety miasa amiko ity ;-)

    Nampidirin'i simp 31 Aog 2008, 16:01

  3. simp : miasa @ elah ???? 8-)

    Nampidirin'i ikalamako 31 Aog 2008, 16:47

  4. Rehefa mikatra ny feeling anie ry Ikalamako dia miakatra koa ny santimaka é

    Ampiasao ary ry simp à

    Nampidirin'i DadaRabe 31 Aog 2008, 18:08

  5. Sahirana be aho fa tsy nahita ny dikan'ireto fitenenana ireto :
    mikikitra - vangongo - mivena - mikatra .
    Mba omeo fanampiana aho DadaRaBe ô!
    ***********************************
    Io no tena zava-dehibe voalohany , fanirian'ny ankabeazan'ny olombelona : Hanana olon-tiana sy tia , ho eo anilany lalan-dava . Na mahasambatra na henjana ny fiainana dia eo ihany Izy ...
    Tsy misy mahafaka manarotsaka na manala ny fitia , atrehina atrany ny mangidy ...
    Sambatra ianao fa manana Azy .
    Sambatra aho fa manana ny Ahy .
    Mirary soa ho antsika rehetra .

    Nampidirin'i Tritriva 31 Aog 2008, 22:18

  6. ntsonale e
    mafatifaty be ilay tononkalo :)

    Nampidirin'i maintikely 31 Aog 2008, 23:58

  7. Tritriva,

    Mikikitra = mifofotra, miezaka, miady mafy

    vangongo (fototeny)--> Mivangongo = mitambatambatra, miangona

    mivena = mivembena (verin-droa) = fanina, tsy mijoro tsara, sahala amin'ny mamo

    mitraka (fa tsy mikatra) = miakatra ny loha, miarina, mifoha, mijoro

    Mintikely> misaotra é!

    Nampidirin'i DadaRabe 01 Sep 2008, 00:17

  8. Misaotra ...
    Tsy maintsy mifofotra sy mitraka , rehefa my vangongo ny mangidy .
    Ny fahasambarana tsy mila lapa , fa trano bongo monja dia efa akany soa.
    Sa ahoana ?

    Nampidirin'i Tritriva 01 Sep 2008, 07:38

  9. eto no ahitana taratra fa ny fitiavana tena izy dia mahari-pery.
    Hita ao ny fahasambarana na dia eo ary ny fahasahiranana sy ny sakana2 isan-karazany manao izay hahalavo ny fitiavan'olon-droa @fomba rehetra.
    Tsara be ilay tononkalo ka!

    Nampidirin'i Ntsio 01 Sep 2008, 09:42

  10. Tritriva> ie, izay ilay trano bongo misy ronono.

    Ntsio> mahari-pery ny tena fitiavana. Misaotra é

    Nampidirin'i DadaRabe 01 Sep 2008, 13:16

  11. Avia eto anilako ry DadaRabe
    Mba atorohy ahy ny lalan-kaleh
    Raha toa ka mety, dia mba ividiano billet
    Fa rehefa manana aho, hosoloiko ny an'ise
    :-)

    Nampidirin'i lehilahytsyresy 01 Sep 2008, 13:58

  12. lehilahytsyresy>

    Ilay ho eo anilan'ise
    angamba mety ho sarotra be
    Ny hiara-mitady ny lalan-kaleha
    Dia mahafaly ny mandre

    Satria ny namana 'ise
    dia mifanampy foana anie
    Kanefa ho aiza no haleha ?
    Ka hividianana billet ?

    Nampidirin'i DadaRabe 01 Sep 2008, 14:27

  13. Mahafinaritra tokoa, saotsa e,dia arahiko ianao ry DadaRabe @ ilay hoe aiza no haleha sy hividianana billet?dia hoy aho mamaly anao hoe tongava re aty amiko fa dia satriko tokoa ary ho raisiko an-tana-droa, :)
    Marina mihitsy fa ao anaty ny mangidy no tena hahitana ny mamy hono e

    Nampidirin'i Malala13 01 Sep 2008, 15:14

  14. malala13>

    Dia aleo hiraka daholo izany koh !

    dia hiaraka handeha sy hividy billet.
    Nefa ho any amin'i Malala izany ry lehilahytsyresy an !
    Izy rahateo vonona hampiantrano

    Nampidirin'i DadaRabe 01 Sep 2008, 17:07

  15. I lehilahytsyresy sisa andrasana ô !

    Nampidirin'i DadaRabe 01 Sep 2008, 17:08

  16. ireto nounoursa be anakiroa tena manaingo tsara ilay tononkalo!
    kanto e! tehaka mirefotra be elabe

    Nampidirin'i news2dago 02 Sep 2008, 11:47

  17. news2dago> :-)

    Nampidirin'i DadaRabe 02 Sep 2008, 12:43

  18. Samy tsara daholo na eo anilan' i DadaRabe na eo anilan'i Malala13 e. Samy namana mahafinaritra daholo ireo.
    Ho avy handroso tokoa i LhlTsRs fa misaotra indrindra e.

    Nampidirin'i lehilahytsyresy 04 Sep 2008, 02:18

  19. Dia miandry ary ry lehilahitsyresy. Mbola tsaroako ihany ireny fiarahana mitendry gitara manariva andro ireny.
    Tsarà é!

    Nampidirin'i DadaRabe 04 Sep 2008, 13:41

  20. Misaotra Dadarabe fa tena izay ny iainan'ny mpivady a !
    (Kdaombaramita)

    Nampidirin'i Rasoa malagasy 05 Sep 2008, 14:21
1 2  Manaraka»