« HENOKO INDRAY !
MISY LASA BIBY... »

SAMBATRA !

Nampidirin'i dadarabe | 27 Aog, 2008


SAMBATRA !

Sambatra ny fiainako fa manana anao,
Tsy miova, tsy mandao…
Na andro lohataona, na alina ririnina,
Ianao azoko iankinana,
Hitantana ny dia,
Ety an-tany ety !

Sambatra ny aiko fa eo akaikinao,
Tsy hisy hankalao,
Fa efa safononoka sy heni-pifaliana
Sy feno fitokiana…
Satry foana aho ho eo,
Ny foko tsy ho leo !

Sambatra ny saiko mihaino foana anao,
Ny teny maminao…
Ireny no sakafo iainako isan’andro,
Mamono ny masoandro,
Ianao foana hatrany…
Omaly, ampitso, androany !

DadaRabe
05/06/08  21 :10


This entry was posted on 27 Aogositra, 2008 00:54 and filed under Tononkalo Fitiavana .

7 Hevitra & 0 Verindrohy (trackback) amin\'ny "SAMBATRA !"

  1. Miarahaba an'i DadaRaBe fa sambatra
    Izy mahalala fa :
    Eo andro misy ny mafy
    No tena mila azy
    Aheno ny feony
    Hamofona ny hanitra avy aminy
    Ny fidobodoboin'ny fony
    Izany no mampandeha ny sorisory
    Sy mampiverina ny fifaliana
    Eo anilany hiany no miverina
    Ahitana fahasambarana
    Izy irery no tiana
    Izy no tena tia
    Miara-dia , mifankatia
    Eto amin'ity tany ity

    N'oublie pas que :
    Le plus bel amour ne va pas loin si on le regarde courir .
    Mais plutôt il faut le porter à bras comme un enfant chéri .

    Emile Chartier

    Nampidirin'i tritriva 27 Aog 2008, 08:32

  2. Ilay henim-pifaliana angamba tokony ho heni-pifaliana raha toa ka hoe henika fifaliana no tiana hotenenina. Mba tsetsatsetsa tsy aritra iny fa indraindray mantsy samy fiteny ny misy n sy ny tsy misy n, nefa samy hafa ny dikany. Ohatra, anarana hoe Hanitsoa na Hanintsoa, ilay tsy misy n midika hoe hanitra soa, fa ilay misy kosa midika hoe hanina soa.

    Nampidirin'i DotMG 27 Aog 2008, 08:59

  3. Tritriva, DotMG

    Misy fahasambarana
    iainana isan'andro
    mitondra fiadanana
    sy taratra masoandro

    DotMG> ie, efa novaiko.
    Misaotra é!

    Nampidirin'i DadaRabe 27 Aog 2008, 12:43

  4. clap clap clap
    mba tsetsatsetsa tsy aritr'ikalamako raha tsy dia hoe kiriezy loatra : fa aiza DadaRabe izao ? mahafinaritra manko fa tonga ihany lahy ny tononkalonao mandravaka ny blaogintsika.

    Nampidirin'i ikalamako 27 Aog 2008, 13:59

  5. Manao ahoana Ikalamako à
    ie, somary teritery kely tokoa ny fotoanako teo dia izao indray vao tafaverina.
    Misaotra fa dia mifampizara tononkalo sy vaovao eto isika é
    DdRb

    Nampidirin'i DadaRabe 27 Aog 2008, 15:25

  6. Msôtra mizara Dadarabe a!

    Nampidirin'i Tokinao 28 Aog 2008, 00:36

  7. Tokinao> eh ! isika rehetra no mifampizara é!

    Nampidirin'i DadaRabe 28 Aog 2008, 01:17