DadaRabe "Hiaraka Handresy"

30 Hevitra & 0 Verindrohy (trackback) amin\'ny "MITANDREMA ISIKA !"

1. Hay ve ny gidro manana fanahy ?

   Tsy azoko ny hoe : mivarotra ny marina .

   Eny maro no nivarina , ka nanao zava-tsy mety .

   Aleo atsipy lavitra ny hoditr'akondro ka mba tsy hianjera .

   Nampidirin'i mianatra 23 Aog 2008, 00:19

2. Fanahin-gidro ?
   Eto aho vao mieritreritra hoe ahoana tokoa ny fanahin-dry zareo ?

   ILay mivarotra ny marina dia ilay manakalo ny marina, ny rariny, ny fahamarinana amin'ny vola ka zary ampanginina izy ireny.

   Ny hoditr'akondro
   Ny tafondro
   Sy ny famonoana
   ary ny fandavoana

   aoka ho atsipy any
   ho lavitra ny tany
   ka soa no hanjaka
   sy koa hanorim-paka

   ?????????

   Nampidirin'i DadaRabe 23 Aog 2008, 14:58

3. Ny tany diavintsika
   Feno tafondro sy basy
   Mitondra fahoriana
   Ankohonana mitomany

   Zara fa misy tsara fanahy
   Mifidy ny soa ho hanjaka
   Hamakafàka sy handresy
   Ny faty sy fanarariana

   Nampidirin'i mianatra 24 Aog 2008, 00:20

4. MIsy hiran'i Dadah (Mahaleo)
   izay ry Mianatra :

   Ny basy tafondro
   tsentseno hangina
   fitia no avela hikoriana
   .....
   Satria fitia !

   Dadah

   Tohizo fa manja é!

   Nampidirin'i DadaRabe 24 Aog 2008, 16:10

5. Mbola tsy manana hevitra maro fa :

   Sarotra ny fitiavana
   Zavatra sarobidy
   Tsy azo atao kilalao
   Raha sendra efa manana
   Tazony mafy ao an-sandry

   Fitiavana namana
   Mpifankatia , tia
   Ireo nanome ny aina
   Ny zanaka nirina
   Sa Andriamanitra ?

   Ilay nosy >> Dadah ( Mahaleo )

   Na lavitra aza aho
   Tsy manadino anao
   Fa toy ny reny nitaiza
   Tsy adino n'aiza n'aiza
   Fa nahitako masoandro
   Tiako sy mamiko
   ô ô tadidiko isan'andro
   Tiako ny taniko
   ...

   Nampidirin'i mianatra 24 Aog 2008, 21:55

6. Tsy fanahy iniana
   Ny resin'ny tiana
   FA mahery ny Fitia

   (tsy tadidiko ny tompon'ny hira)

   Sarotra ny fitiavana
   Ary sarobidy
   ary tsy adidy
   Fa omena ireo havana

   Avy aiza ny fitiavana ?
   Nirotsaka avy an-danitra ?
   Avy amin'Andriamanitra ?
   Avy aiza fa tsy tazana ?

   DdRb

   Nampidirin'i DadaRabe 25 Aog 2008, 00:10

7. Manahoana ianao ry mpampianatra .
   Tsy azoko mihitsy ny dikan'ny hoe :
   iniana , efa notadiaviko nefa tsy hita . Misaotra mialoha .

   Nampidirin'i mianatra 25 Aog 2008, 19:34

8. Iniana = atao tsy kisendrasendra fa tena izay no tiana atao
   (avec attention, exprès).

   Tsy fanahy iniana (fanahiniana) = tsy izay no tena saika atao fa tonga.

   Nampidirin'i DadaRabe 25 Aog 2008, 23:17

9. Ny saina miahiahy
   Ity fo mitempotempo
   Miandry ny fotoana
   Hiavianao ry zandry

   Fitiavana akama tsotra
   Ts'isy olana amin'izany
   Fa ilaina anie ny namana
   Mifampitàna , mifanampy

   Rahefa misy sorisory
   Na tsy mahita tory
   Ianao no masoandro
   Rahefa matotra ny andro

   Manantena sosok'hevitra
   Anomboina ny vetso
   Tsy dia tonga lafatra
   Enga ahafinaritra

   Dia mirary soa atrany
   Sao tsy afaka mitàfa
   Ny ampitso tsy ho fantatra
   Androany anefa eto ihany

   Nampidirin'i mianatra 26 Aog 2008, 00:31

10. Ny ampitso anie tsy fantatra
    ny saina miasa fatratra
    Indrainday anie ry namako
    midoboka ao an-tratrako

    Indrindra sorisory
    Tsy ahitana tory
    fa misy izay tsy zaka
    ny saina vakavaka

    Saingy eo ny namana
    manolotra ny tanana
    sy afaka mitafa
    tsy mba mihafahafa

    dia faly koa ny saina
    ka toy io maraina
    mamerovero fatratra
    sy tena tonga lafatra

    DdRb

    Nampidirin'i DadaRabe 26 Aog 2008, 02:57