« AKAIKIKAIKY PASKA ‘TY ANDRO
ALINA RIRININA (Tempête de neige eto St Pierre) »

Tantaran'i ZAKILININA SY DIDINTSOKINA

Nampidirin'i dadarabe | 19 Mar, 2008
Miarahaba,

HO tohin'ny tantara dia nisy koa ireo namana hafa toa an-dry Zakilinina, Didintsokina, Ketamanga, Lezo, sns.

ZAKILININA SY DIDINTSOKINA

Zakilinina sy Didintsokina:
Ny iray matavy, ny iray bebokona,
Tratra nitsindroka voamadilo,
Voasazy nipetraka tam’tsilo!

Zakilinina mpatsaka rano,
Mody nitokona tao an-trano;
Didintsokina mpitoto vary,
Mody nilaza fa hoe marary;

K’hay tao ambadiky ny garazy,
Nanao sarintsarina mariazy,
Ka dia i Doda no hoe “mompera”
I Dondrona kosa no atao saofera;

I Lezo am’zany no mpikabary,
I Borida kosa no mpaka sary,
Ary dia raikitra tena manja,
Ireto ankizy nifaly avanja.

Fa i Ketamanga nangaringarika,
Ka hay nony farany dia voatarika,
I Tenda kosa namely ambosika,
Ka saika kenda raha tsy natosika.

Zakilinina sy Didintsokina,
Vita ny hariva nialàna vonkina,
Vao namikiviky nankany an-trano…
Voakapoka mafy nahita angano!

DadaRabe
Ste Marguerite
31/03/02   00:30


This entry was posted on 19 Martsa, 2008 22:28 and filed under Izao fiainantsika izao .

15 Hevitra & 0 Verindrohy (trackback) amin\'ny "Tantaran'i ZAKILININA SY DIDINTSOKINA"

  1. mahery e !!!
    Naninona hono i ketamanga no nangaringarika ? Hoe lasan'i zakilinina ny bandy ? tsss, ry ketamanga koh !
    Ity izany mitovy amin'ilay hoe : "natao mariazy hono ireto akoho, tao anaty garazy ny randèvou.

    Nampidirin'i ikalamako 19 Mar 2008, 22:50

  2. Ha ha ha vao tamin'ny alahady aho tany anaty tram naheno ankizy (lahy sy vavy 5-6 taona eo hoe eo): nanontany ilay vavikely hoe: rahoviana aho no mahazo manoroka anao? Dia hoy ilay lahikely: Rehefa mivady isika! Nanao mody fanina fotsiny aho nangalam-pijery azy 'dahy' kely dia niteny irery hoe: Aloha be izany resa-bazaha izany!

    Nampidirin'i Lalasoa 19 Mar 2008, 22:54

  3. Ikalamako> Ka I Ketamanga koa anie mba nanana progany é! saingy i ZAkilinina haingam-pihetsika !

    Lalasoa> Asa raha hahandry an'izany ry zareo ! :-) toran'ny hehy aho amin'ilay hoe nody fanina fotsiny ianao !

    Nampidirin'i DadaRabe 19 Mar 2008, 23:58

  4. miady rima kosa an :)
    5x5 eeee

    mampatsiaro an'ity:
    jereo eto

    ;-)

    Nampidirin'i simp 20 Mar 2008, 00:05

  5. Miosaotra an'i Simp mitondra vazo mifanaraka foana.

    INdreo ankizy miara-dia
    ...................
    Izay tsy nitia taminareo
    NO aoka hitoraka azy ireo !

    Nampidirin'i DadaRabe 20 Mar 2008, 03:18

  6. Ankizy roa kely miara-milalao
    Manao kivadivady anaty garazy ao
    Mianatra fiainana, mianatra knowhow
    Manao tsianjery " marriage vow "
    Mbola misy ve izany am'zao fotoana izao ?
    :-)

    Nampidirin'i lehilahytsyresy 20 Mar 2008, 05:36

  7. Misaotra e!

    Nampidirin'i news2dago 20 Mar 2008, 10:43

  8. Jereo koa ao amin'ny sitewebn'i DadaRabe fa misy tsikera hafa
    http://www.freewebs.com/dadarabe

    Nampidirin'i Helisoa 20 Mar 2008, 10:51

  9. Lehilahytsiresy> :-)

    News2dago> misaotra é

    Helisoa> Manasa antsika rehetra é

    Nampidirin'i DadaRabe 20 Mar 2008, 12:37

  10. Misaotra dadarabe a :-)

    Nampidirin'i Tokinao 20 Mar 2008, 21:44

  11. ha ha ha !

    mampiatsiaro ny fahazazana izy izany ! mariazy mariazy e ! rakofana voninkazo lolol

    Nampidirin'i pissoa 20 Mar 2008, 22:19

  12. iii--iiny Zakeliny mama a

    Nampidirin'i manana 21 Mar 2008, 02:42

  13. Tokinao> Mifampisaotra ô ! :-)

    Pissoa> HAy ianao nanao mariazy mariazy ! tantarao ary é!

    Manana> MAnja é!

    Nampidirin'i DadaRabe 21 Mar 2008, 02:50

  14. Mirary Paka finaritra ho anareo rehetra eto e.
    Tsara DdRb a, fa mba nijery izay fihetsik'i Marka fa toa tsy ao. Nihomehy irery aho momba an'io omaly. Lava be io raha tantaraina eto.
    Namana> Ilay hoe "izay tsy nitia taminareo..." iny mihitsy no itiavako io hira io r'ise a.

    Nampidirin'i Pone 21 Mar 2008, 18:19

  15. Manao ahoana Pone,

    Tsy azoko ilay resakao momba ilay fihetsik'i Marka. Iza ilay Marka ?

    Nampidirin'i DadaRabe 21 Mar 2008, 21:01