« ALINA RIRININA (Tempête de neige eto St Pierre)
IANAREO TELOVAVY »

I KOTO SY I KETAKA (Tao an-tsekoly)

Nampidirin'i dadarabe | 17 Mar, 2008

Miarahaba,

Betsaka moa ireo namana tany an-tsekoly. Isan'izany ary Koto, Ketaka, Bozy, Zakilinina, sns. SAmy manana ny tantarany daholo izy ireny ary samy manana ny nofinofiny. Koto sy Ketaka dia isan'ireny tao an-tsekoly.

I KOTO SY I KETAKA (Tao an-tsekoly)

- Haninona ry Koto ianao rehefa lehibe ?
Minisitra no ataoko, be vol’io ramosé !
- Ary ianao ry Ketaka, mba inona no ho atao ?
Ho vadi-na minisitra no tena tiako izao !

- Dia ho minisitr’inona no hankafizinao ?
Ilay mitana vola dia manana birao !
- Dia inona ary re no asa, fandaharana ?
Mindram-bola be f’izay no famokarana !

- Dia aiza ianao no hindrana, moa azonao ambara ?
Any an-dafy ihany fa any be dolara !
- Dia inona no soritra sy tetika fitaratra ?
Manondrotra karama dia mety tsy hangalatra !

- Dia ahoana ireo vahoaka tarihinao ry Koto ?
Atao madio daholo, mitafy, tsy maloto !
- Raha misy tetika hafa, lazao anay anie !
Ho sambatra daholo ny kely sy lehibe !

- Ary ny an’i Ketaka lazao ny sitrakao ?
Miaraka am’i Koto, miankanjo vaovao !
- Dia inon’avy koa ‘reo hitanao fa mety ?
Volamena maro dia fiara be mirenty !

- ‘Ndeha mianatra ry Koto fa aza be vinany !
Tsia ! tsy izany fa politika ihany !
- ‘Ndeha mianatra ry Ketaka raha mba te ho tafita !
Tsia ! tsy izany f’aleo mamboatra bika !

DadaRabe
Marseille Nord
23/07/02  20 :16

 


This entry was posted on 17 Martsa, 2008 01:03 and filed under Izao fiainantsika izao .

18 Hevitra & 0 Verindrohy (trackback) amin\'ny "I KOTO SY I KETAKA (Tao an-tsekoly)"

  1. Tany antsekolinay,
    nisy tovolahy iray,
    Poety izy izay,

    Mpampiadi-rima ileri, ary bandy tena mahay.
    Bandy akama letsy a, akama tena milay...
    (Izay aloha ny androany, letsy, fa dia Good-bye)

    Nampidirin'i lehilahytsyresy 17 Mar 2008, 05:18

  2. Niara-nianatra tamin-dRavalomanana angaha Dadarabe?

    Nampidirin'i Serie 17 Mar 2008, 08:56

  3. tena izany mihitsy zao no efa tanteraka fa tsy vinany intsony!

    manantena mana milatsaka avy any an-danitra daholo

    Nampidirin'i news2dago 17 Mar 2008, 09:31

  4. :-D :-D :-D

    Nampidirin'i ikalamako 17 Mar 2008, 10:26

  5. Lehilahytsiresy>
    Nisy akama iray tao an-tsekolinay
    namana izy izay, ary koa mahay
    rehefa hariva mihira, vazo be milay
    lasa any japana..izay fa goodbye !

    Série> Tena tsy tandritandriko ! :-)

    News2dago> IAnao mpahay vaovao no milaza....

    Ikalamako> :-)))))

    Nampidirin'i DadaRabe 17 Mar 2008, 11:56

  6. Misaotra dadarabe a! Hainao mihitsy ilay izy fa dia mankasitraka e :-)

    Nampidirin'i Tokinao 17 Mar 2008, 20:42

  7. mampatsiahy an'ity hira ity:jereo eto

    :)

    Nampidirin'i simp 17 Mar 2008, 20:53

  8. mahafinaritra, sady kilalao nefa mifono zavatra be dia be ao anatiny

    Nampidirin'i ikalakely 17 Mar 2008, 21:22

  9. hi hi hi ! misaotra e !!!

    tsy ratsy kosa aloo ilay hevitr'iketaka e ! :-P

    Nampidirin'i pissoa 17 Mar 2008, 21:31

  10. Tokinao> :-)
    Simp> Tao an-tsekoly izaho no gisitra.....faniriako anefa ny ho tonga ministra :-)))
    Ikalakely>Toa misy tononkalo koa any hoe Ikala (hay tao anatin'ilay ianareo telovavy kay :-)

    Nampidirin'i DadaRabe 17 Mar 2008, 21:32

  11. Oadray niara-nanoratra mihitsy izaho sy i Pissoa :-)
    I Ketaka anie fetsy fa tandremo é!

    Nampidirin'i DadaRabe 17 Mar 2008, 21:33

  12. Kilasy T firy hono ry zareo e ?

    Toa efa be fika sahady ko !

    Misaotra e !

    Mahafatifaty ireto ry zareo an !

    Mirary soa,

    http://rahelys.unblog.fr

    Nampidirin'i Helisoa 17 Mar 2008, 22:12

  13. hihihi tsy ratsy indray ity minisitra version dadarabe ity :)
    t@voa namaky lohateny za dia averiko fa version tao antsekoly kay hafa mitsy :-P

    Nampidirin'i maintikely 17 Mar 2008, 22:42

  14. Helisoa> Kilasy T firy ? teny amin'ny fanabeazana fototra (dia efa be kajikajy)

    MAintikelly> IAnao ve tsy iray kilasy taminay koa ! :-)

    Nampidirin'i DadaRabe 18 Mar 2008, 00:02

  15. oups, ary saika tsy tadidiko intsony ny fisian'io hiran'i mahaleo nasehon'i simp io. Toa tsy dia fanaon-drizareo mpitaingin-tamboho loatra intsony ka nanjary hadinon'ny sofiko

    Nampidirin'i ikalamako 18 Mar 2008, 00:07

  16. Andao ary hanao hira vaovao ry Ikalamako. Ianao mihira dia izaho mively amponga. I Simp mitsoka sodina, i Maintikely manao korintsna, i Helisoa manao feo faharoa, i Pissoa Mitendry gitara, i News2dago manao beso, i Lehitsyresy mitendry gitara beso, sns.......

    Izao ilay hira

    Tao anaty blaogy
    manerana ny glaoby
    niaraka nivazo
    tsy misy miani-kazo

    ahoana ny tohiny ry Lehilahytsiresy ?

    Nampidirin'i DadaRabe 18 Mar 2008, 00:24

  17. dadarabe: tena mety niara-nianatra isika :D

    Nampidirin'i maintikely 18 Mar 2008, 10:03

  18. Maintikely> Izaho mantsy mba gaga fa tadidiko anie é! :-)

    Nampidirin'i DadaRabe 18 Mar 2008, 12:26