« MANINA ANAO !
HIARAKA HANDRESY ! »

Adala hoy aho (Tononkalon'i Pissoa)

Nampidirin'i dadarabe | 29 Jan, 2008


Adala hoy aho ny manina,
Adala ... matihanina !
Fa na ny alina mikitroka
Na ny andro mibalika
Na ny hariva misariaka
Dia taratra, mandifotra
Ny masony jambena
Ny maitso - fotsy - mena.

Adala tsy ho sitrana,
... Sa adala manam-bintana ?
Fa ny rano mikoriana
Eny andohasaha eny,
Heveriny ho miteny !
Fa ny tena mahasondriana
Dia mpitondra hafany hono
Iry volana eny ambony.

Adala mora jemby,
... Sa adala very remby ?
F'iry tendrombohitra aza
Tiany atao ampihimamba !
Raha azony natao angamba
Efa novidiany, ho azy ;
Fa eny hono mety ho tazany
I Gasikara tanindrazany.

Adala hoy aho ny manina.

Pissoa (27 Janoary 2008)


This entry was posted on 29 Janoary, 2008 17:24 and filed under Tononkalon'ny namana sy ny hafa .

24 Hevitra & 0 Verindrohy (trackback) amin\'ny "Adala hoy aho (Tononkalon'i Pissoa)"

  1. milay ry pissoa a !
    gravy indray ilay adala matihanina fa tsy mba amateur ohatra anay, lol.

    Nampidirin'i ikalamako 29 Jan 2008, 17:33

  2. misaotra an'i pissoa!
    adaladala manam-bitana e

    Nampidirin'i news2dago 29 Jan 2008, 18:20

  3. Misaotra n'i Pissoa nitondra tononkalo mahafinaritra ho antsika.

    DdRb

    Nampidirin'i DadaRabe 29 Jan 2008, 20:46

  4. Misaotra ny Mpamaky e !
    PS : Adala, faran'izay adala no tiana nambara tamin'ilay hoe adala matihanina.

    Dia misaotra an'i DadaRabe amin'ny fifampizarana e.

    Nampidirin'i pissoa 29 Jan 2008, 21:49

  5. izay indrindra manko, efa pro fa ny toa ahy ilay misary foana - hihihi - dia mbola amateur izany !!!

    Nampidirin'i ikalamako 29 Jan 2008, 23:00

  6. misaotra dadarabe nizara

    pissoa: ary ndry tena misy aingam-panahy an :).
    Tsara fa tohizo.

    Mieritreritra aho hoe ao @ilay adala matihanina ary ve za sa ao @ ilay manam-bintana? Tena ahiko ho adala nototom-bintana :(

    Nampidirin'i maintikely 29 Jan 2008, 23:24

  7. HOy ilay hira iray :

    Ampindramo hadalana -
    Iarovako ity taniko
    izay tena tiako sady mamiko
    - raha toa izany ka ilaina

    Nampidirin'i DadaRabe 29 Jan 2008, 23:48

  8. Io ilay tia mitafotafo ka feno manosika manome hainga hanaovana zava-dehibe (iarovany ny taniny sns...) koa hoy ny tsy azon'izany hoe "hadalana be ny an'ileroa ! ..." Sa ahoana !

    Io ilay hoe "samy manana ny hitondrany ny fihetse-pony, ny hitondrany ny fiainany, ny hitondrany ny fisainany momba ny manodidina azy" e !

    Dia lasa vinany aho mamaky ity tononkalo kanto dia kanto !

    Misaotra ny mpanoratra (Pissoa) !

    O.H.

    Nampidirin'i RAMANATANTARA 30 Jan 2008, 00:11

  9. dadarabe:
    Ampindramo fa averiko
    hajaiko tsra sy hateriko
    rehefa olon'afaka aho
    rehefa mba tafita aho
    pissoa:
    iza ary no tantaraina amin'io ô

    Nampidirin'i sazykely 30 Jan 2008, 08:08

  10. Mankasitraka ny mpamaky !

    Ikalamako : tsy dia azoko ilay tenin'i Ikalamako tamin'ny voalohany dia naleoko notenenina kely aloha ilay matihanina. Izao vao azoko, hi hi.

    Maintikely : ahoana izany nototoim-bitana izany ? tsisy lohasaha sy tendrombohitra angaha any ?!

    Helisoa : marina dia marina ! Mankasitraka hatrany.

    Sazykely : hi hi - ny adala no tantaraina retsy a !

    Nampidirin'i pissoa 30 Jan 2008, 11:15

  11. Sazykely sy dadaRabe, mifampitohy angaha ireo ?! hi hi

    Hadinoko : news2dago - tena manam-bintana tokoa. Fa izahay koa manam-bintana ihany mamaky ny vaovao @ alalan'ny blaoginao ka. Mankasitraka.

    Nampidirin'i pissoa 30 Jan 2008, 11:17

  12. pissoa:
    sé kou tsssss
    hiran Mahaleo io ra ts ain sé fa st ain dadarabe le izy ngamba de nizesta be za nanohy azy

    Nampidirin'i sazykely 30 Jan 2008, 12:35

  13. pissoa sy sazykely> ;-p

    Ampindramo herin-tsaina
    Hiaretako ity ngidy
    fa mafy ady mafy adidy
    manahy sy mitaintaina

    Nampidirin'i DadaRabe 30 Jan 2008, 13:17

  14. Ampindramo herintsaina
    Hiarovako 'ty taniko
    Izay tena tiako sady mamiko
    Raha toa izany ka ilaina

    Fa mihabe ireo sorisory
    Mampanahy mampahory
    Tsy hahitana andro mirana
    Na mba tanjona hifikirana

    Ampindramo haditrana
    Hiaretako 'ty ngidy
    Fa mafy ady mafy adidy
    Manahy sy mintaintaina

    Fa mihamaro ireo ankaso
    Manditsoka ny fo sy maso
    Aoka izay ny andraso andraso
    Izay tena resaka alefaso

    Ampindramo fa averiko
    Hajaiko tsara sady ateriko
    Rehefa olona afaka aho
    Rehefa mba tafita aho

    Aza be ankasoparana
    Na dia nahavita fianarana
    Ambinina tafita ambony
    Ambony rahona irony

    Ampindramo hadalana
    Hiarovako 'ty taniko
    Izay tena tiako sady mamiko
    Raha toa izany ka ilaina ...

    io ilay hira iray manontolo e ho an'i pissoa sy dadarabe

    Nampidirin'i sazykely 30 Jan 2008, 13:54

  15. misaotra an'i sazykely

    Nampidirin'i DadaRabe 30 Jan 2008, 14:05

  16. F'iry tendrombohitra aza
    Tiany atao ampihimamba !
    Raha azony natao angamba
    Efa novidiany, ho azy ;
    Fa eny hono mety ho tazany
    I Gasikara tanindrazany.

    Adala hoy aho ny manina.

    Notsongaiko io ry Pissoa fa mavesa-danja. Izao anefa, herin'ny hanina izany fa tsy adalana akory ! Satria... "ambanin'io rahona io mandainga izay tsy ho manina" hoy izay mpanakanto malagasy izay.

    Nampidirin'i Tsikisariaka 30 Jan 2008, 14:32

  17. Mankasitraka Tsikisariaka ! Eny e, tsy tena hoe adala mendrika ny 18 akory no tiana ambara ...

    Izay tsy ho manina hoy aho mandainga
    Fa olon-tehody ka te hanainga !

    Nampidirin'i pissoa 30 Jan 2008, 18:48

  18. sazykely : haiko io kay fa hadinoko fotsiny lol

    Nampidirin'i pissoa 30 Jan 2008, 18:50

  19. Miarahaba an'i Tsikisariaka fa elaela izay.

    Tsara ilay fitiavana an'i Madagasikara Pissoa à izay ilay hoe : Pissoa - The Malagasy ! ;-)

    Nampidirin'i DadaRabe 30 Jan 2008, 20:17

  20. Hi hi - miezaka ny ho "The Malagasy" e ! Na amin'ny soratra na amin'ny "hetsi-po". Mankasitraka

    Nampidirin'i pissoa 05 Feb 2008, 22:07
1 2  Manaraka»