« ILAOZAKO NY ATY
FONY IANAO... »

VAZAHA BOBO

Nampidirin'i dadarabe | 22 Nov, 2007


Tao Betongolo
Indray hariva izay,
Nisy vazaha bobo…
Nampivanaka ahy.

Tsy izy bobo akory,
No tena hafakely,
Fa ny olona nivory,
Nazoto be nijery.

Fa inona ary izao ?
No dia manaitr’ery !
F’angaha io kilalao ?
No hitangoronan-dry ?

Dia nanontany aho
Fa ts’hitako ny marina,
Mba inon’izy izao ?
Moa azo mba fantarina ?

Dray ! dray ! haf’ity !
Tena zendan’aho !
Hatram’izaho tety…
Vaovao ‘ty ka vaovao !

Tsy izy bobo kay !
No nahalasa saina…
Fa loz’ity ry lahy !
…Tsy sahiko lazaina !!!

DadaRabe
Marseille
19/07/02 23 :32


This entry was posted on 22 Novambra, 2007 01:01 and filed under Izao fiainantsika izao .

42 Hevitra & 0 Verindrohy (trackback) amin\'ny "VAZAHA BOBO"

  1. tapitra indray ity ny herinandro iray fa dia antenaiko fa samy nandeha nizotra miadana daholo ny tsirairay fa dia mirary faran'ny herinandro ho antsika tsirairay avy ny tenako e,
    mihomehy irery ny tenako eto fa marina mihitsy ny lazain'i Pone fa tena tsy mifankahazo ilay resaka, ary zaho no namaky vilana fa dia nandeha ho azy ilay tanana e:-)
    autant pour moi!

    Nampidirin'i Malala 24 Nov 2007, 08:10

  2. Izaho indray izany no tsy nahazo satria izaho nahita hoe misy "liens" tsara ireo resaka.
    :-(

    Bon WE é!

    DdRb

    Nampidirin'i DadaRabe 24 Nov 2007, 13:50

  3. Ndao ary e !
    Aoka aloha hivavaka !..........Amen! Mba mikipy kosa e !!!!!
    Inty ary ilay fanomezana DdRb a! (Vinany be na ny fonony aza fa raiso @ fo e !)
    Dadarabe tena maminay
    aza hilaozanao re
    fa very eto izahay
    ka ho fay....

    Dadarabe, hainao ve
    fa olon'ny fo
    sady misaina be
    fantaro izy re...

    Ny fifanakalozana ela
    narahin-tsikera,
    tsy nampihamotra azy
    tena tsy vazivazy

    Ny firariantsoa ekeny
    izay averina ombieny
    dia ny mba ho tafita soa
    izay haviny ao an-doha.

    Tonony : Bija
    Feony : :) Kalamako :)
    Mpanolotra : Pone

    Nampidirin'i Pone 24 Nov 2007, 17:38

  4. Tena misaotra betsaka re ry Pone fa dia mahafinaritra tokoa à!
    aza manahy fa voatahiry eto amin'ny blaogy sy any anaty fo é!

    Dia nikimpy tokoa anie aho é! Amen !

    DdRb

    Nampidirin'i DadaRabe 24 Nov 2007, 17:58

  5. izaho aza efa niteny hoe afa-po ka mbola tsy hitako ihany... Misy miala ao e !

    Nampidirin'i Tsikisariaka 24 Nov 2007, 19:03

  6. Miarahaba ry Tsikisariaka à!
    Elaela tsy hita.

    DdRb

    Nampidirin'i DadaRabe 24 Nov 2007, 23:29

  7. Manaona ô,

    Nisy mpamaky nampiditra an'ny DadaRabe (http://dadarabe.blaogy.com) tao amin'ny BOMBS. http://www.bestofmalagasyblogs.com

    Azo vakina eto ny momba momba an'io fifaninanana io.
    http://forum.serasera.org/?rub=dinika/message&msgid=m474478d413f52

    Ary manasa anareo rehetra hanome zay blaogy hitanareo fa tsara indrindra . Io BOMBS io moa dia atao hampahafantarana ny Blaogy Malagasy efa maro be ary mifarana amin'ny 31 desambra 2007.

    Aza adino ary mametraka BOMBA B!

    Bizzzzz

    Nampidirin'i Joan 25 Nov 2007, 10:34

  8. Misaotra amin'ny filazana.
    Andraso fa ho jereko io rohy io !

    DdRb

    Nampidirin'i DadaRabe 25 Nov 2007, 16:31

  9. Manahoana daholo. Tena ela tsy hita tokoa fa mba nikaro-java-tsoa teny ho eny e !
    Nalahelo fa izao efa tafaverina dia ndao indray àry ... !

    Nampidirin'i Tsikisariaka 25 Nov 2007, 17:08

  10. Ka inona ary no vaovao any Tsikisariaka ô ?

    NY eto tonga ny ririnina. Rotsaka ny ranomandry

    DdRb

    Nampidirin'i DadaRabe 25 Nov 2007, 17:48

  11. Kay ? andraso fa andefasako sombin-kafanan'ny tanindrazana ianao DdRb ! izay izao no malaza eto Dago e ! dia raha sitrakao atakalozy ranomandry fa ireny koa tsy fahita aty "aminay" ! Inty sy nday an !

    Nampidirin'i Tsikisariaka 26 Nov 2007, 07:45

  12. Miandry ary aho !

    DdRb

    Nampidirin'i DadaRabe 26 Nov 2007, 13:07

  13. Efa nalefako aninkeo tamin'ny tsy very mandeha sy iandrasam-panamarinam-pandraisana an ! miandry aho.
    Dia aza variana fa mba zarao amin'ny rehetra dia kely mafonja ihany tazonina ho anao.

    Nampidirin'i Tsikisariaka 26 Nov 2007, 16:11

  14. Ok ! izaho angaha mba mitazona izany. Mizara no tena manavanana ahy.

    DdRb

    Nampidirin'i DadaRabe 26 Nov 2007, 16:44

  15. hita ho'aho,
    efa haiko tsara !
    fa raha ianao
    dia mahay mizara.

    fa mihodina ny resaka an ! aiza ve "vazaha bobo" tetsy Betontongolo" no niandohàny ka tonga aty amin'ny elanelan-tany sy ny toetrandro samihafa. blaogy sa glaoby ilay izy moa ?

    Nampidirin'i Tsikisariaka 27 Nov 2007, 07:50

  16. ha ! ha ! ha !
    Glaobin'i DadaRabe

    Nampidirin'i DadaRabe 27 Nov 2007, 12:53

  17. hita hoy aho ! tena mihodina ilay koah ! ha ha ha

    Nampidirin'i Tsikisariaka 29 Nov 2007, 12:59

  18. Kodiaran-tsarety é! mihodinkodina eo.

    DdRb

    Nampidirin'i DadaRabe 29 Nov 2007, 14:15

  19. hoy ny leson'ilay zanako : "la terre est ronde comme une boule, elle tourne sur elle-même"

    Nampidirin'i Tsikisariaka 30 Nov 2007, 13:36

  20. Marina ny azy !

    DdRb

    Nampidirin'i DadaRabe 01 Des 2007, 00:05
«Mialoha   1 2 3  Manaraka»