DadaRabe "Hiaraka Handresy! "

15 Hevitra & 0 Verindrohy (trackback) amin\'ny "AVELAO AHO HO ZAZA FOTOANA VITSY MONJA …(Tononkalon'i Ramanatantara)"

1. Tononkalo mahaontsa tokoa nosoratan'i Ramanantantara (Olga HELISOA.
   MIsaotra betsaka fa kanto.

   I OPlga angamba hanampy fanazavana momba ny tononkalo.

   DdRb

   Nampidirin'i DadaRabe 13 Nov 2007, 15:07

2. hay ve i olga ihany no ramanantantara e ! Faly mahafatantatra dia misaotra nizara.

   Nampidirin'i ikalamako 13 Nov 2007, 15:16

3. ie, izy ihany no Ramanantantara.
   Manantantaraina anie izy é! :-)

   DdRb

   Nampidirin'i DadaRabe 13 Nov 2007, 15:22

4. AVELAO AHO HO ZAZA

   Eo anatrehan’ny fahafatesana ny olombelona dia torotoro, samy mila midradradradra manala ny fo, mamoaka ny ratra. Ny fahafatesana tsy maha-lehilahy fa mitomany lasa zaza avokoa ny olombelona. -RAMANATANTARA, sept. 2007
   Jereo ireto pejy 2
   EKEKO SATRIA...
   TSY LAVITRA AHO...
   ao amin'ny tranonkala http://www.freewebs.com/ramanatantara

   Nampidirin'i Olga HELISOA 13 Nov 2007, 15:44

5. Teritery kely foana ny foko rehefa mamaky tononkalo tahaka izao.
   Olga, mahereza fa any @ izay misy azy any izy dia mivavaka ho anao.

   Nampidirin'i tsiky 13 Nov 2007, 16:06

6. Izaho aloha tena ontsa namaky é!

   DdRb

   Nampidirin'i DadaRabe 13 Nov 2007, 16:11

7. Aleo aho hangina, tsy hitomany intsony
   Fa efa lasana izy - hafa indray no akaniny !
   Fa kosa ho fiononako dia ho tanisaiko irony
   Anatra nomeny, bedibedy, tenimaminy.

   Aleo aho hangina, aleo aho "holehibe"
   F'iza no hianteheran'ity zandriko kamboty ?
   Raha izaho "zoky" no himaloka tarehy
   Aiza izy no hiantefa, aiza no hiangoty ?

   Aleo aho hangina, aleo mba ho toheriko
   Izay mety ho ranomaso ! Aleo aho tsy ho rembiny.
   Aleo aho mba hijoro, hangoniko ny heriko ;
   Hanahaka an'i Neny fony nilaozan-dreniny.

   Pissoa (23 Nov 2007)
   Tsy valin'ilay tononkalo akory fa mba eritreritra sy soratsoratra tsy tana rehefa avy namaky ilay tononkalo.

   Hay ve i Olga Helisoa no Ramanantantara. Faly mahafantatra o.

   Nampidirin'i pissoa 13 Nov 2007, 22:00

8. Oops, 13 fa tsy 23 Nov 2007 - hi hi hi.

   Nampidirin'i pissoa 13 Nov 2007, 22:06

9. Tena kanto sy mahaontsa daholo izy izany.
   Tsara ry Pissoa sy Olga à!

   Olga à ! mamela ahy hampiditra eto ambany ilay tononkalo miaraka amin'io.

   DdRb

   Nampidirin'i DadaRabe 13 Nov 2007, 22:10

10. RAHA AZOKO NATAO...

    Raha azoko natao tsy niaina
    Iny andro nalasanao iny
    Andro hosoko natao tsy nisy
    Ora nihato ka nihemotra
    Dia ho nataoko kanefa, indrisy !

    ***

    Satria mandroso ny fiainana :
    Misy andro natao hiainana,
    Misy andro natao halasanana,
    Misy ora tsy maintsy hizorana.
    Misy fotoana tsy azo difina.

    ***

    Satria ny hary rehetra misy fetra,
    "Tsy maintsy mandeha, hoy ianao,
    Aza malahelo fa izaho anilanao"
    - Dia tahotra ve no handresy ?
    - Tsia, matory ianao fa tsy resy.
    Mama, ato am-poko ianao,
    Miaina ao aminay zanakao !
    Koa matoria am-piadanana !

    RAMANATANTARA, Massy, 07/11/07

    Nampidirin'i DadaRabe 13 Nov 2007, 22:11

11. Mankasitraka e !

    Tsy adino
    - I Pissoa, jereo fa misy tononkalo vitsivitsy toa io nomenao io ao amin'ny pejy 2 nomeko etsy ambony
    - I DadaRabe
    MISAOTRA INDRINDRA

    RAMANATANTARA
    http://www.freewebs.com/ramanatantara

    Nampidirin'i Olga HELISOA 14 Nov 2007, 13:36

12. Ity ny fanintelony amin'ilay "trilogie" an'i Ramanantantara

    MAMELA AHY VETIVETY,

    Avelao aho ho zaza…
    "Lasana tsy hiverina intsony."
    Mbola tsy eken’ny eritreritro
    Ny tsy hahita anao intsony !
    Jereko, hifoha ve ianao ?
    -Tsia, efa lasa toeran-kafa !

    ***

    Banjiniko ny tavanao :
    Tsiky mbola imolotrao,
    Hodi-tavanao malama,
    Ianao niova lasa anjely
    Hitsena ny mpahariny...

    ***

    Nisy niova tato anatiko,
    Tsy aiko ambara inona.
    Tsapako toy nihofaka
    Lasana ny hantahanta,
    Lehibe tampoka aho !

    ***

    Ry foko o, mba avelao
    Aoka ny fitiavan-tena,
    Misy bitika noho ianao
    Nilaozan'ny malalany !

    ***

    Mamelà ahy vetivety,
    Avelao aho ho zaza
    Hidradradradra hoe:
    "Mama, Mamako !
    Tsy ho hitako intsony !"
    Izany kiako mangina
    Asandratro am-bavaka
    Arahin-tsento tomany !

    ***

    Hoy ny zafikelinao iray :
    "Soava dia ry nenibe,
    Arabao ho ahy Andriamanitra any !"
    Mamelà ahy vetivety,
    Avelao aho mbola ho zaza
    Mba hiombon-kafatra aminy !

    RAMANATANTARA, Antananarivo, 20/09/07

    Nampidirin'i DadaRabe 14 Nov 2007, 14:24

13. MIDIKA TENY VAHINY ireo TONONKALON-dRAMANATANTARA

    Jereo
    http://www.freewebs.com/ramanatantara

    Nampidirin'i Olga HELISOA 14 Nov 2007, 14:40

14. RAMANA+TANTARA Io no fanoratana ilay anarana e !
    Satria anaran'olona NO NAKAMBANA fa TSY MANANA TANTARA an ...!
    Misaotra

    http://www.freewebs.com/ramanatantara

    Nampidirin'i Olga HELISOA 14 Nov 2007, 14:46

15. Izaho izao nihevitra hoe "manan-kotantaraina" no heviny.
    MIasoatra 'ni Olga nanome fanazavana.

    DdRb

    Nampidirin'i DadaRabe 14 Nov 2007, 15:04