« AVELAO AHO HO ZAZA FOTOANA VITSY MONJA …(Tononkalon'i Ramanatantara)
Madiva hifarana ny herinandro (zoma 09/11/07) »

SATRIA... (Valin-tononkalon'i Tsiky @ NAHOANA ANEFA IANAO)

Nampidirin'i dadarabe | 12 Nov, 2007


VALINY: Satria....

Satria navelanao ho irery
Ny foko ka dia very
..............
Ny foko nanantena,havana eo anilany
Ilay hanohana azy, ilay tokana sy silany
Kanefa ianao tsy hita fa tany koa dia lasana
Raha nanohy nitia anao aho, namohifo namonjy fasana
 
........................................
Niandry enao kanefa...
Moa va nisy teny iray niantefa
Mba tonga ampototsofiko
Nanamaivana ny rofiko?
..........................................
Fa fahanginana hatrany
No nasetrinao ny antsoko
Dia ny hirifirin’ny tomany
No mba navelanao ho afoko
............................................
Nilaza taminao.....
Fa eny hatramizao...
Mbola ao anatiko ao..
Ny fitiavako anao 

Tsiky s'est inspirée de DadaRabe (NAHOANA ANEFA IANAO ? )
sur Wanadoo.mg
05/07/07 17:23

NAHOANA ANEFA IANAO ?

Nahoana anefa ianao raha nitsotra tamiko
Fa efa lasany any ilay fitiavanao ?
Dia ilay niriako, nandraiko ary mamiko…
Nataoko ho fifaliana, masoandro vaovao.

Niandry foana an’aho, dia nanantena teny,
Dia nanonofy foana fa ho avy anie ianao !
Ianao tsy mba nilaza, ary tsy niteny…
Ny amiko rehetra dia nanantena anao.

Dia teny…teny aho sy ilay hany fitiavako,
Niandry valin-teny…ianao nanao “Andraso !”
Mino aho hoy ianao “f’ianao no ilay firavako”,
Ny foko nanantena anie tsy nino izay ankaso.

Kinanjo ! tampoka eo dia aoka hoy ianao,
Fa hafa hoy ianao no tompon’ny akaniko,
Raha fantatro izany…mba efa nionona aho.
Nahoana anefa ianao raha nitsotra tamiko ?

DadaRabe
St Pierre et Miquelon
03/07/07   15:48

 

This entry was posted on 12 Novambra, 2007 01:13 and filed under Tononkalon'ny namana sy ny hafa .

16 Hevitra & 0 Verindrohy (trackback) amin\'ny "SATRIA... (Valin-tononkalon'i Tsiky @ NAHOANA ANEFA IANAO)"

  1. Tononkalo napetrako tao amin'i wanadoo (moov) izy io.

    Misaotra an'i Tsiky amin'ny valiny kanto.

    DdRb

    Nampidirin'i DadaRabe 12 Nov 2007, 01:25

  2. :-)

    Nampidirin'i ikalamako 12 Nov 2007, 01:26

  3. NIfanena isika sy Ikalamako
    Efa alina be anngamba any Italie é ?

    Tsarà é!

    DdRb

    Nampidirin'i DadaRabe 12 Nov 2007, 01:28

  4. hihihi,
    izaho koa mba nahita an'io ry DadaRabe dia niomehy irery teo.
    Efa misasaka ny alina fa izao ikalamako vao miditra ny trano, (aie aie aie, mbola hifoha maraina hanatitra mpianatra rahampitso, fa dia efa fomba ratsy moa ity fodiana alina manala azy any ivelany ity...).
    Dia mbola manao adidy aloha mampiditra vaovao anaty site, sy mamangy blaogy fa io indray tsy azo avela toy ny afindrafindrao :-P
    Ciao e, hi-dodo amin'izay!

    Nampidirin'i ikalamako 12 Nov 2007, 02:02

  5. Dia tafandria mandry ary é!
    Manofisa mamy !
    DdRb

    Nampidirin'i DadaRabe 12 Nov 2007, 03:06

  6. manao ahoana doly indray ô,mahafinaritra ilay tononkalo e.
    nareo ity zany mbola lasa dodo daholo koa, manofisa tsara daholo ary ako fa aleo zà hitabataba irery eto hamoha anareo zay mbola mandry, :-)
    efa mafana ny kafé sy dité ry zareo fa mifohaza amin'izay
    Malala

    Nampidirin'i Malala 12 Nov 2007, 11:27

  7. Manaôna daholo,

    Malala, za efa ela ny nifoha ka.
    Misoatra @ dité mafana. Reto misy ramanonaka.

    Nampidirin'i tsiky 12 Nov 2007, 11:32

  8. ie, efa miomana hifoha tamin'io ora io kah
    Saingy efa tafafoha tanteraka izao.

    Aiza ary ilay ramanonaka é ! sy dité mafana

    I Tsiky anie ka mpiangaly tononkalo é

    DdRb

    DdRb

    Nampidirin'i DadaRabe 12 Nov 2007, 12:38

  9. izaho izao efa manomana ny pasta antoandro indray fa dia miarahaba anareo indray, sady izao vao tena maka fy ilay tononkalo fa alina mbola tsiky fotsiny aloha dia ampy ; mbola badenin'ny fiarahana niala voly ka mbola voly be, hihihi

    Nampidirin'i ikalamako 12 Nov 2007, 12:52

  10. Ikalamako, hum pasta, fetuccini aux 3 fromages retsy mba tena ankafiziko....mba anasisao aho ratoandro.

    DadaRabe, mba mandoka zoky fa haiko fa tononkalo-na zaza T3 re io a!

    Nampidirin'i tsiky 12 Nov 2007, 13:00

  11. hum tsara daholo anie izany atolotrareo zany e, sady vao mafana doly
    Ikalamako>dia ataovy miaraka @ creme fraiche kao fa tena vao maika tsara e
    bonne journée doly e

    Nampidirin'i Malala 12 Nov 2007, 13:44

  12. Ikalamako ! niala voly ve dia vao mainka voly ? :-)
    Ilay paste = pâte ? Mazotoa homana é!

    O ry Tsiky tononkalo matotra ve dia ho zaza T3 ? Sa taona fahatelo eny amin'ny anjerimanontolo ?

    Mazotoa homana arydaholo ary é!

    DdRb

    Nampidirin'i DadaRabe 12 Nov 2007, 14:20
  13. Otran'ny mbola misy azo recuperer-na izy izany ... (le fitiavana amin'ilay tononkalo io, hi hi) Pissoa Nampidirin'i pissoa 13 Nov 2007, 11:29

  14. Valiny ankira

    TAIZA IANAO T@ ORA NIDONA

    taiza ianao tamin'ny ora nidona
    no izao vao mba tonga hifona
    izaho aty efa biby
    ity foko efa mihidy

    taiza ianao fony aho reraka
    no izao vao hibebaka
    ziaho tsy Tompo hivavahana
    k'hizara famelana

    ny akanjoko, jereo mazàna,
    misy fofon'olon-kafa
    fandrianako, tsapa mafana
    fa vao teo izy no lasa

    ny masoko, jereo mazàna
    misy sarin'olon-kafa
    tarehiko tsy mety kivy
    fa vao maika miran-dava
    fa vao maika miran-dava

    Nampidirin'i tsiky 13 Nov 2007, 13:25

  15. MIsaotra amin'ny tononkiran'i Lolo snt Tsiky à !
    Tiako koa io hira io.

    Mifandraindray amin'ny tononkalo ?

    DdRb

    Nampidirin'i DadaRabe 13 Nov 2007, 14:39

  16. ie, mbola misy azo récuper-na foana anie ry Pissoa é!
    Saingy rehefa rotidrotika sy potipotika ilay fihavanana dia mila finiavana, fitiavana ++++, fanetre-tena, fandeferana, famelana. Sa ahoana ?

    DdRb

    Nampidirin'i DadaRabe 13 Nov 2007, 14:41