« ALOKA (Tononkalon'i Pissoa)
Jereo kely : Site MOSIKAGASY (Malala 13) »

FO DITSOKA (Tononkalon'i Tsikisariaka)

Nampidirin'i dadarabe | 8 Nov, 2007

Ilay topimasonao novaliako harikarika
Ny tànanao nisafo nailikiliko iny
Endrika misento sy toa mivaloharika
No indro hahatsiarovako ny lasana fahiny

Ny tsikinao rehetra,  ny teny maminao
Irony tsongotsongo sy bedibedinao
Injao fa mitambolona, manaitra ny tsiahiko
Maniry hahita anao aho nefa koa... tsy sahiko

Ireo olona mpandalo, miserana eo alohako
Ny loko maromaro izay nankafizinao
Im-piry akory moa ireny no hososohako
Sy hila ho tànako aza, heveriko ho ianao

Ny làlana faleha, ny toera-nandalovana
Izay rehetra nisy : ny momba antsika roa
Tantara sisa anio, tavela ho fahatsiarovana
Ny masoko tomany fa ditsoka ny fo

Tsikisariaka
06.03.87 – 21 h 15

This entry was posted on 08 Novambra, 2007 00:38 and filed under Tononkalon'ny namana sy ny hafa .

33 Hevitra & 0 Verindrohy (trackback) amin\'ny "FO DITSOKA (Tononkalon'i Tsikisariaka)"

  1. Tononkalo mahafinaritra atolotr'i Tsikisariaka ho antsika.

    Misaotra azy !

    DdRb

    Nampidirin'i dadarabe 08 Nov 2007, 00:43

  2. Misaotra DdRb a ! Fa mbola nitsiky ihany aho na dia ditsoka aza ny fo. Fa izaho misariaka foana amin'ny fahatsiarovako azy...

    Nampidirin'i Tsikisariaka 08 Nov 2007, 09:04

  3. clap clap clap

    Nampidirin'i ikalamako 08 Nov 2007, 12:36

  4. Ny maso noditsoko leoko ihany
    fa ny fo re no ditsoka ka tomany !
    (Tsy tadidiko ho iza moa no nilaza an'io)

    DdRb

    Nampidirin'i DadaRabe 08 Nov 2007, 13:18

  5. TSara ê! na dia efa roapolo taona lasa aza no nosoratana, tsy tontan'ny ela.
    Ryana

    Nampidirin'i Ryana 08 Nov 2007, 14:20

  6. misaotra an'i Tsikisariaka sy DdRb, marina mihitsy hoe tsy misy tsara ohatra ny misariaka e,tena fanafody misy lanjany io, ao fa tsofiko dia mihomehy kely amin'izay
    fffffff zayyyyyy

    Nampidirin'i Malala 08 Nov 2007, 14:38
  7. oué ikalamako mi-ika sy lamako foana.thx & chuss e ! DdRb > ié, tadidiko iny, efa ela an ! fa tsy fantatro ilay tompony Ryana > misaotra e e e, ny tononkaloko tamin'izany taona 80 izany hono dia tsara hoy izay olona izay. Fa raha tany anaty Tsikisariaka ve ireny... hitan'i Ryana ihany ? (....) :-) Nampidirin'i Tsikisariaka 08 Nov 2007, 14:47

  8. Tsarabe dia tsarabe tokoa ilay izy Tsikisariaka a!
    Ditsoka....Misy hirana group rock gasy zay manao hoe:*

    Ditsoka aho tsy mahita intsony izay ho aleha
    Tsy afaka ny hanantena anao intsony....

    Asa raha misy mahay an'io ianareo.

    Samy tsara

    Nampidirin'i tsiky 08 Nov 2007, 14:50

  9. Tsara tokoa ilay misariaka sa misaridriaka :-)

    Nahazo tsioka ianao ry Tsikisariaka ;-p

    Tena tsy haiko ilay vazo ry Tsiky !

    Nampidirin'i DadaRabe 08 Nov 2007, 15:14

  10. Ka ilay :
    Hiaka sy lamako
    n'ikalamako
    manakoako
    tato ho ato
    tsy milako
    toy ny vato
    fa toa safo
    tena lafo

    aleo ajanona eo angamba é!

    Nampidirin'i DadaRabe 08 Nov 2007, 15:28

  11. Hay ve moa ny hiaka mety ho lasa toy ny safo ê??? Mba tena tsy takatro indray izay!

    TSy azoko loatra ny tian'i Tsikisarika lazaina, sa manana blaogy koa i Tsikisarika?? Ka hoe hitako raha tany?

    Ryana

    Nampidirin'i Ryana 08 Nov 2007, 15:41

  12. Adinoko:
    Mba hahafahanay mampitaha ry Tsikisarika dia omeo sombiny amin'ny tononkalona amin'izao fotoana izao hoe izahay hampitahanay azy??
    Mankasitraka ê!

    Nampidirin'i Ryana 08 Nov 2007, 15:42

  13. tsikisariaka.blaogy.com

    Ao jerena ry Ryana

    Nampidirin'i DadaRabe 08 Nov 2007, 15:58
  14. Hi hi - mety tsofina moa ny fo raha ditsoka ?! Tsara tena tsara ilay tononkalo. Raha tsy diso aho dia Ny Avana Ramanantoanina no nanoratra io nolazain'i DadaRabe io ... Tononkalo ankafizin'ny lavitra akany izy io, lol Iry tendrombohitra toa mandavana Soa malomaloka mavamavana Topazo maso fa raha tazanina Manerinerina mahamanina Zay tsy ho manina hoy aho mandainga Fa olon'te-hody ka te-hanainga Mankasitraka hatrany. Nampidirin'i pissoa 08 Nov 2007, 22:36

  15. Ampidiriko fa tsy fantatro hoe maninon ry Pissoa à

    DdRb

    Nampidirin'i DadaRabe 08 Nov 2007, 22:39

  16. MIsaotra amin'ilay adiresina blaogy, Tompoko. NOvangiako.
    Angamba mpihavana akaiky ny blaoginareo fa mitovy fihodirana, mitovy bika aman'endrika ô!
    Tsara mandry aby ê!
    Ryana

    Nampidirin'i Ryana 09 Nov 2007, 00:00

  17. Ie, mpihavana avy ao amin'ny blaogin'i Hery tsiky dia ampy (serasera)

    DdRb

    Nampidirin'i DadaRabe 09 Nov 2007, 00:03

  18. Merci Malala amin'ilay tsofina kely an !

    Tsiky > merci. tsy tadidiko ilay mpihira an'iny.

    Ryana > Efa hitako nandalo tary amin'ny blaogiko indry. misaotra. Misaotra fa io nadikan'i DdRb io, izy rahateo no tompon'ity hiseraserantsika ity ka ! any no misy tononkalo hafa sy vao. Miandry ilay fampitahana moa aho izany ?
    Efa novaliako tany ilay blaogy mitovy.

    Pissoa > tiako be ilay voaainga avy lavitra an !

    DdRb > msôtra bobaka be mintsiny amin'ny retraretra.

    Nampidirin'i Tsikisariaka 10 Nov 2007, 09:26

  19. Ianao no isaorana mitondra tononkalo ho anay eto

    DdRb

    Nampidirin'i DadaRabe 10 Nov 2007, 12:04

  20. hahaha... misaotra amin'ilay "indry" ry Tsikisarika. Ataoko "Ialahy" izany ianao sa "ise" :-)
    hahahaha
    Aleo fa jereko ny tohin'ny resaka any amin'ny blaogy rahavavy ary ê!
    Tsarà
    Ryana

    Nampidirin'i Ryana 10 Nov 2007, 22:30
1 2  Manaraka»