« MIDIKA FA HOE TIAKO IANAO! (Tononkalon'i Ryana)
IRERY FOANA IANAO... »

RY NDREMATOA !

Nampidirin'i dadarabe | 5 Nov, 2007


Mitsingerina androany ny nahaterahanao,
Taona maro izany !
Miverina ao an-tsaiko daholo ireny izao,
Toy ny vao omaly !
Ianao ry lahimatoa !
Ianao ry ndrematoa !
Izahay sy neny dia niandry, nitaintaina,
Dia iny tonga ianao…finaritra ny saina !

Dia nihalehibe ianao, nitety tany isika,
Natopan’ireo onja,
Nivezivezy teny, niharitra ny hatsiaka
Sy entana mafonja,
Ianao nijoro foana !
Ianao nitombo taona !
Dia niezaka ianao, nianatra ‘ty fiainana !
Tsy hitahita teny, nampihitatra fisainana !

Andro fifaliana izao andro anio izao,
Androm-boninkazo !
Sikino ny finoana na lavitra aza aho…
Rakofy vazovazo !
Fa tsy ho ela akory,
Fa tsy ho ela intsony,
Hifankahita isika hiatrika ny ampitso,
Hizara mofomamy, manento hanim-pito.

Andriamanitro ô! Ry Raiko avo indrindra !
Iny zanako iny !
Arovinao hatrany, ny fiainany hirindra,
Tsy holalovan-tsiny,
Fa hino foana Anao,
Fa hino, tsy handao…
Ary Ianao hatrany no hanolotra ny anjarany…
…Tsingerina androany ny andro nahaterahany !

DadaRabe


This entry was posted on 05 Novambra, 2007 15:03 and filed under Tononkalo Fitiavana .

10 Hevitra & 0 Verindrohy (trackback) amin\'ny "RY NDREMATOA !"

  1. Mahafinaritra e. Na dia mbola tsy misy ankizy aza ny tena dia mahatsiaro ho anatiny tanteraka raha namaky ilay tononkalo

    Nampidirin'i Kwasi 05 Nov 2007, 19:37

  2. Namaky tary aloha tary aho no nahita hoe hay ve vaninandron'i DDRb androany e. Dia arahabaina zany aloha.

    Nampidirin'i Kwasi 05 Nov 2007, 19:43
  3. Misaotra an'i Kwasi amin'ny fiarahabana. ie, mahafinaritra ny ankizy. Antoky ny ampitso. Sa ahoan ? DdRb Nampidirin'i DadaRabe 05 Nov 2007, 21:05
  4. Misaotra an'i Kwasi amin'ny fiarahabana. ie, mahafinaritra ny ankizy. Antoky ny ampitso. Sa ahoan ? DdRb Nampidirin'i DadaRabe 05 Nov 2007, 21:05

  5. fa bonnanif-n'i DdRb sa an'ny zàzà e ? Sady tsisy daty hoe oviana no nosoratana ilay tononkalo. Sao efa dimy taona lasa.
    Bonnanif foana na ho an'iza na ho an'iza e.
    Asiana "Bizz" kosa amin'ity indray mitoraka ity e...

    Nampidirin'i ikalamako 05 Nov 2007, 21:30

  6. hahaha r'Ikalamako !
    Misaotra amin'ny fiarahabana é!
    Dia misaotra amin'ny bizz é!

    DdRb

    Nampidirin'i DadaRabe 05 Nov 2007, 21:56

  7. faly miarahaba ny rehetra ny tenako, indrindra DdRb @ zao vaninandro izao, tsy mba nolazainay akory anie zahay e mba hihinana na hizara gatô e
    hihihi

    Nampidirin'i Malala 06 Nov 2007, 11:01

  8. Misaotra MAlala à!
    Ny gateau mbola misy kah !
    Saingy ilay ranomasina mangeniheny (hoy i Anyah izay).

    DdRb

    Nampidirin'i DadaRabe 06 Nov 2007, 12:56

  9. Ary toa tsy hitako ito omaly ... taraiky indray raPissoa marina !

    Arahabaina Ndrematoa ooo !

    Nampidirin'i pissoa 06 Nov 2007, 22:48

  10. Nandalo vetivety fotsiny ilay izy Pissoa à

    Misaotra é! arahabaina i Ndrematoa.

    DdRb

    Nampidirin'i DadaRa 07 Nov 2007, 00:30