TSY IRERY IANAO...
Nampidirin'i dadarabe | 30 Okt, 2007Na mafy aza ny lalana,
Mideza ny fiakarana,
Manjombona ny andro,
Miampify ny masoandro,
Ka zary haizin-kitroka ny faravodilanitra
Marefo sy malazo 'reo voninkazo manitra;
Tsy irery ianao...
Na misy kotroka aza,
Mirotsaka ny havandra,
Mivelatra ny fandrika,
Miridy sy maranitra,
Ka ny androm-piainanao vinita fahirano
Fa misalovandovana ny loza sy ny angano;
Tsy irery ianao...
Na misy ny alahelo
Mandrotika toa helo,
Ka manamontsamontsana
Sy mampivarahontsana,
Ka indro mihozongozona ny kely mba finoana,
Ny hany sisa mamy manjary tsy tsaroana;
Tsy irery ianao...
Tsy irery ianao,
Fa misy namanao,
Izay tsy mba manadino,
Ka indro ianao fa mino,
F'hiposaka tsy ho ela ny tara-pahazavana
Hitondra hafaliana s'hizara hafanana;
Tsy irery ianao...
Dadarabe
Marseille,
01/09/2001 11:00
Ndrô, mampalahelo be ilay zaza manirery!
Asiako hiran'i Dillie kely:
Tsy irery ianao,
Any alavitra any
Tsy irery ianao,
F"izao mbola eto ihany!
Mahatsiaro anao isan'andro
Mahatsiaro foana ny endrikao
Manisa lava ny andro
Mba hihaonana aminao...
Gretra kely @ zay....misoatra e!
Nampidirin'i Tsiky 30 Okt 2007, 14:45izaho koa, tonga dia tany amin'i hiran'i Dillie tena mba ankafiziko no nalehan'ny saiko.
Nampidirin'i ikalamako 30 Okt 2007, 14:54Izahay tsy irery toa io ankizilahy kely mampakalelo io fa be namana eto amin'ny blaogy : ny poety, ny mpanao gazety, ny mpananihany, ireo mpiserasera e !
Mampalahelo ve izy ? tsy irery anie izy é! misy namana foana. Sa tsy izany ry Tsiky sy Ikalamako ?
Courage letsy zandrikely à !
DdRb
Nampidirin'i DadaRabe 30 Okt 2007, 14:57Misaotra eeeee ! Tiako be ity tononkalo ity izany.
Tsara, tena tsara. Ankasitrahana manokana ilay teny tsy heno isan'andro : vinita, miridy sns.
Pissoa
Nampidirin'i pissoa 30 Okt 2007, 19:09Misaotra Pissoa à! izaho indray no variana hoe kay moa misy an'ireo tokoa amin'ilay tononkalo.
Misy zavatra saika hangatahako amin'i Pissoa : ampindramo tononkalonao hoe aho ataoko eto @ laogy. Misaotra mialoha
DdRb
Nampidirin'i DadaRabe 30 Okt 2007, 19:39tsy irery marina ry dadarabe raha manana namana tena namana
raha mila fanampiana ianao
raha misy tsy mety ny atao
tsarovy akia f'any ho any
misy namana tena tia
hoy mahaleo izay
tsiky>>> io hiran'i dillie io koa no tonga voalohany tato andohako namaky ilay tononkalo :)
Nampidirin'i Oceane 30 Okt 2007, 20:39Oceane>>
raha mahatsiaro irery ianao indraindray
na marary nefa tokana iray
tsarovy akia fa any ho any
Misy namanao tena tia
Tsy irery ianao fa misy mahatsiaro.....
Nefa ve dia tsy irery tokoa ny tena ?
Nampidirin'i DadaRabe 30 Okt 2007, 20:56Angaha tsy hainao ilay hoe...
Izaho no mety tsy eo anilanao..
Fa ny foko, sy izay amiko rehetra efa ao anatinao!
(Voa noforon'i kala tsiky teo io hi hi hi hi hi)
Hum ilay metaphore ny hoe eo tsy eo anie, dia voa-demontrer raha mino an'Andriamanitra e!
Asa hainareo ve ilay on se retrouvera an'i Francis Lalane?
Pense à moi comme je t'aime et rien ne nous separera....
Sy ilay when I die an'i No Mercy...When i die i keep on living...
Za mino hoe tsisy irery zany raha mbola misy fo mitempo fitia ho an'ny tena any ho any!
Bonne nuit
Nampidirin'i Tsiky 30 Okt 2007, 23:24Andraso fa ampiditra tononkalo irayaho rehefa avy eo ry Tsiky fa mamaly an'io ny "lohateny".
DdRb
Nampidirin'i DadaRabe 30 Okt 2007, 23:48ILay nosoratanao etsy ambony ry Tsiky. Nieritreritra be aho hoe ahoana ary ny feon'io. Kay hiranao. Ny feony sisa izany tsy henoko fa ny tonony efa io. :-)
Nampidirin'i DadaRabe 30 Okt 2007, 23:50hi hi hi mba voako indray ndry zany t@ iny ry DadaRabe hi hi hi
Nampidirin'i Tsiky 31 Okt 2007, 11:29ndraso fa vakiko le anakiray
:-) izay voa mangina é!
DdRb
Nampidirin'i DadaRabe 31 Okt 2007, 12:05K'efa hoe mahavariana !
Nampidirin'i Tsikisariaka 05 Nov 2007, 13:22Fa inona ary ilay mahavariana ry Tsikisariaka fa manjary enigmatika be ilay izy ka fanina ny tenanay :-)
DdRb
Nampidirin'i DadaRabe 05 Nov 2007, 14:10Aza alefa lavitra fa izaho izany rehefa mitsidika dia na nisy hevitra tiako ampidirina aza dia varina aho mijery ny fanehoan-kevitra isan-karazany aloha dia manjary izay sisa no tavela hoe : "Mahavariana e !"
Nampidirin'i tsikisariaka 07 Nov 2007, 09:45