‘TY ZAZA ‘TY MADITRA !
Nampidirin'i dadarabe | 24 Okt, 2007‘Ty zaza ’ty maditra !
Fa taratasy fotsy
Nataoko pistily,
Alefa ho an-dRafotsy
Fenoiny pensily.
Rindrina madio
Vao nosasako androany,
Tsy ela toa tadio…
Dian-tongotra avy hatrany.
Vazy novidiako,
Hasiana raozy gasy,
Mba tena nokajiako,
Parasaka sy vaky.
Pataloha voapasoka
Sy tena velon-drirana,
Nataony vasobasoka,
Nikoritra, nivilana.
Varavaran-kazo,
Zato taona angamba !
Nianjera toa nalazo,
Tsy haiko izay nitranga.
Izaho nahita tory
Sy efa saika renoka,
Nasiany voanjobory
Tam-bavako, voateliko.
Kanefa vao tenenina !
Mipitrapitra maso
Izaho no toa manenina,
Toa hoe nanao ankaso.
‘Ty zaza ’ty maditra !
Dadarabe
Marseille
26/06/00 21 :15
Tsy angalariko izany ilay zaza DdRb fa ho entiko any @ dada sy mamany a. Eto izy tadiavinareo bedesina.
Nampidirin'i Pone 31 Okt 2007, 12:30Tandremo ! tandremo ! fa ratsy ny mangala-jaza an ! zava-doza sy atambo io.
Angaha tsy henonao ilay tany Tchad. Zanak'olona hono dia angalarin-dry zareo dia lazainy fa humanitaire. Mampivonto fo !
DdRb
Nampidirin'i DadaRabe 31 Okt 2007, 14:01Salama jiaby !
Océane > dia inona no atao hampangina ilay miesona be aloha ? mba valio fa mba te-hianatra an'izany e ! rehefa mivahiny ao aminay i Papa dia tena miesona be mihitsy dia tsisy atoriana, ren'ny manodidina dia mahasosotra. Misaotra mialoha.
DdRb > efa ela anie io zaza io no hitako nitsongolika teo e ! izaho koa variana foana nefa tsy haiko hoe atao ahoana izy ? Soa ihany fa efa halain'i Pone !
Nampidirin'i Tsikisariaka 05 Nov 2007, 13:55ie, efa i POne hono no haka azy. Misaotra azy be fitiavana é!
DdRb
Nampidirin'i DadaRabe 05 Nov 2007, 14:07