TENA VARA-DATSAKA !
Nampidirin'i dadarabe | 19 Okt, 2007Tena vara-datsaka !
Iny fa mifoha ilay fitiavako anao…
Afo joala miakatra !
No hitako manenika izao tontolo izao,
Mafana be anaty !
Mafana tsy ho tanty !
Dia tena mihorohoro,
Dia tena mihorohoro,
Mangovi-pahasambarana, miaro fifaliana,
Ny anatiko tontolo…
Mientana ny aiko, mihira fihobiana,
Fa tojo izay niriana,
Fa tojo anao ilay tiana.
Asa ! Angamba nofy ?
Asa ! Angamba nofy ?
Tsy haiko tantaraina fa toy ireny angano…
Mateza tsy marofy,
Tsentsefina tsy lany fa mbola mamy hatrany…
Fa eny an-drahon’eny !
Fa eny an-danitr’eny !
Tena zavatra hafa !
Tena zavatra hafa !
Angamba izany akia no atao hoe paradisa !
Tsy voalaza an-tafa,
Volana baliaka sy kintana alin-kisa,
Tiako hitohy akia !
Tiako akia indry !
Tena vara-datsaka !
DadaRabe
St Pierre et Miquelon
19/10/07 11 :29
Tena vara-datsaka !
DadaRabe
St Pierre et Miquelon
19/10/07 11 :29
Tena ratsy aloha ilay sary tsiky à
toa ohatry ny andro ratsy be (oram-baratra) nefa fitiavana mifoha no resahiny.
Mba hanao ahoana ny ampitson'io fitiavana io ?
Nefa hoy i Ravoo etsy ambony hoe "indray mandeha ihany no tokony ahatsapana io vara-datsaka" io.
Tsy mahay ilay nampiditra ilay sary fa tokony ho sary misy fanantenana no nasehony. Loza izany !
Tsarà daholo é!
DadaRabe
Nampidirin'i DadaRabe 22 Okt 2007, 16:02