SARY SY VAOVAO TETO MADAGASIKARA (septambra 2007)
Nampidirin'i dadarabe | 6 Okt, 2007SARY TETO DAGO (tsindrio eo)
Dia faly miarahaba,
Nandehandeha teny. Mahafinaritra eto Dago.
Vao tonga teto Dago dia kotrana be satria nikarakara dossier be dia be.
Nivezivezy tany Toamasina foana. Henjana be ilay lalana fa miolakolaka be.
Misakafo ao Ambanitsena. Mandalo ao Manjakandriana, Moramanga. Midina an'i Mandraka. Tonga Antsampanana, Barikavily. Tonga any Toamasina ihany ny farany. (Dia miverina indray rehefa avy eo.... :-p)
Variana foana aho rehefa tonga eto Antananarivo na dia nandalo matetika aza aho tao ho ao izay. Mitombo ny mponina. Mihatsara ny tanàna na dia misy aza ny korontana kely. Be harena eto, dia be...fahantrana koa :-(
Tany Antsiranana vetivety fa tsy afa-nijanona ela. Finaritra foana rehefa mandalo an'Antsiranana na dia vetivety ihany aza. Mampahatsiaro tantara maro.
Dia manasa anao hijery ireo sary sy ny tantara miaraka aminy :-)
Izay indray aloha fa dia miarahaba anareo rehetra. (efa niarahaba tetsy ambony fa mamerina in-droa...)
DadaRabe
Misaotra lesy DadaRabe tamin' ny infos a. Mandeha tokoa izany fotoana izany. Mbola tsaroako foana i DadaRabe taloha efa elabe ilay nitondra walkmann rehefa mandeha mianatra teny amin' ny Conaco 4. (vazivazy io)
Nampidirin'i lehilahytsyresy 06 Okt 2007, 06:47Tena marina izany ry lehilahytsy resy. Tantara efa ela fa toy ny vao omaly rehefa tsaroana. Tadidy ry Andriamiandra, Ramarokoto, izay efa lasa ary koa ry Blaise, "bebe Ratsimamanga", Ramarojaona, sns é! Nandalo teo amin'ny conaco 4 aho tamin'ny herin-taona. Tena tsy niova teo ivelany teo fa isika sisa tsy teo.....
Nampidirin'i DadaRabe 06 Okt 2007, 13:31Tadidy kah !
ela izay ry DadaRabe, sady manja ilay fampangotsohana anay fa nalainao sary mihitsy ny tanà nanay teny Anjohy (en face-dRazily io). Tokony mba nalainao sary koa ny tsenakely, eo am-pita mihitsy ny tranon'i dadatoanay fa nipetraka tao ihany izahay, fa ny taloha tena nipetrahanay ela ny trano faharoa manaraka ilay tohatohabato midina any Ambanidia (fa tsy ilay mankany Ambatondrakoto).
Nampidirin'i ikalamako 06 Okt 2007, 14:22Dia sady vedety miseho télé i DadaRabe, lol.
Manao ahoana Ikalamako Ã
Nampidirin'i DadaRabe 06 Okt 2007, 14:35Hay ve ianao teny Anjohy é! izaho nipetraka tetsy Ambatovinaky saingy mpankeny anjohy (isan'andro :-p). Mbola ao foana i Lapasoa. NY tsena no vao namboarina tsara be mihitsy.
Ianao izany mahafantatra an'i Paoly Be ? Tsy tazako intsony ileiny fa toa tsy hita hatramin'ny rotaka hono ! tsy haiko aloha é!
Dia mampahatsiaro ny fahiny é!
Manao ahoana ianao DadaRabe â!
Nampidirin'i Ryana 08 Okt 2007, 16:10TSara be ireo sary fa izao kosa hoy aho e: tsara ilay paozy rehefa maka sary. "Tena mizesta be" araka ny fitenenana. Mankasitraka ê.
Hahahahahhha!
Nampidirin'i DadaRabe 08 Okt 2007, 17:30Toran'ny hehy aho. Mizesta ve ? :-)
Ianao aloha manao ahoana Ryana hatrami'nizay elaela izay à ? salama ?
Mahafinaritra ny sary ry Dadarabe a. Mahamanimanina e. Ilay eo Andohalo tena ahatsiarovana ny fahiny: mba nanana tsenaina teny manko ny tenanay t@ zany fotoana.:-)
Nampidirin'i Kwasi 08 Okt 2007, 20:42Kwasi, Hay ny akama teny Andohalo ! Tanà na niarahana saingy tsy nifanojo é! Nefa koa mety nifanojo fa samy variana nihinana sambosa sy nem. :-p
Nampidirin'i DadaRabe 08 Okt 2007, 20:59manja é!
Salama tsara aho, Dokotera, fa misaotra. Ianao moa izany efa tafaverina any amin'ny toeraan iasà nao izao sa mbola "any ho any" ?
Nampidirin'i Ryana 08 Okt 2007, 23:39Raha tafaverina mantsy ianao dia hafà na indray ny resaka eto izany.
Mankalaza!
Ryana
Efa amin'ny toerana hiasako aho izao kah ! tsy any ho any intsony :-) Mampihomehy ahy indray izany.
Nampidirin'i DadaRabe 09 Okt 2007, 01:14Mankalaza anao ihany koa tompoko.
Dia miandry ny manaraka ary é!
DdRb
Ka ilay hoe "any ho any" anie tonga anamin'ilay hira hoe "any ho any izay ilay havcako..."
Nampidirin'i Ryana 09 Okt 2007, 10:16hahahahhahaaha
Mankasitraka!
Ryana
Ka manao ahoana é!
Nampidirin'i DadaRabe 09 Okt 2007, 13:01Fa ianao tokoa moa aiza ny "any ho any" misy anao ?
Manombboka mangatsiaka kely eto.
Izaho ve? "Any ho any" akaikin'ny nisy anao taloha, inoako. Fa tsy haiko ny hoe taloha tamin'ny vaninandro manao ahoana.
Nampidirin'i Ryana 09 Okt 2007, 15:21Fony tany Diégo? sa Ambatovinaky? sa La Timone? sa Turin (araka io tononkalo vao hitako eo io), sa St Pierre et Miquelon?
???
:-)
Mankalaza ê!
Ryana
Ianareo tompoko manao ankamantatra sarotra vinaniana. Dia mangina ny tena é!
Nampidirin'i DadaRabe 09 Okt 2007, 15:53Andefaso tononkalo iray ary ampidiriko é!
Hi hi, tsy hoe nianatra teny ry dadarabe fa mpitsena ankizy teny a.
Nampidirin'i Kwasi 09 Okt 2007, 16:27Dia mba nilalao baolina teo koa e, teo no nahavery an'ilay baolina tsy foiko izay
ANKAFIZIKO NY ANIO
(Carpe diem)
Raha sendra any aminao
Ka misy sombim-pitiavana,
Tantavano sy kenao
Mba ho ela vao hifarana…
Raha sendra ianao mahatsikaritra
Izay mba mety ho lafintsarako,
Kobony any mba haharitra,
Ho ravaky ny tantarako…
Raha sendra ianao maminavina
Ny hizara tapa-dà lana amiko,
Aza ambara, aoka hangina:
Ny mahita anao dia efa mamiko!
Tsy hoe ianao no tiako hoferana
Fa iriako hateza ny “isika�;
Ny fenitro? Tsy fanamperana:
Ny anio izao no paradisa!
Ryana
Nampidirin'i Ryana 09 Okt 2007, 16:48(02/10/07)
Kwasi>> fa very ahoana ilay baolina. Izahay koa fahiny efa very baolina. Nisy niara-nilalao taminay tao amin'ny St Michel dia nentiny nandositra. Iray volana taty aoriana dia tratranay ten Andohalo ry zalahy. Nalainay ny baolina. Loza fa maimbo trondro be. Azo ihany.
Nampidirin'i DadaRabe 09 Okt 2007, 17:29Ary aiza izao ilay ankizy nalaina ry Kwasi ? :-)
Tsara ilay tononkalo ry Ryana à !
Ilay lohateny !!!! Mitovy !!!!
Ity misy tononkalo nosoratako tamin'ny 2001
ANDROANY ALOHA….(CARPE DIEM)
Androany aloha…hifaliako ireny tsikitsikinao,
Hiravoako ireny hantahantanao
Sy ny endrikao toa afo manazava ahy,
Ka mamelombelona ny foko sy fanahy.
Dia ny hirahiranao no entiko handrotsiana
Ny harivako tontolo sy ny fiainako sondriana,
Eo an-tananao no ametrahako ny aiko
Ka ny tambitambinao no hany mba lalaiko.
Fa androany…tsy handefa saina aho,
Tena hiaina ny fitia, sanatria tsy ho kilalao!
Fa izao tontolo izao dia hidify toy ny zavona,
Ianao… Ianao ihany no hany tiana sy toavina.
Ny ampitso kosa!….Aleo ho any!
Tsy handefasako eritreritra, tsy atsampiko vinany;
Izay avoakany any… tsy ilaiko ho fantarina,
Fa androany aloha… Aleo aho hiaina fahasambarana.
DadaRabe
Nampidirin'i DadaRabe 09 Okt 2007, 17:32La Timone
11/05/01 17:29
Mba tena raharaha izany koa!
Nampidirin'i Ryana 09 Okt 2007, 18:54Mankasitraka ê!
Ryana
Angaha hita izy ity tompoko fa dia misy eny amin'ny fiainana eny fifandrifian-javatra (na dia mielanelana 6 taona aza an).
Nampidirin'i DadaRabe 09 Okt 2007, 19:07Tsara ny tantaran'ilay tononkalo-nao. Mba itantarao angano fa mahafinaritra.
Mankasitraka tompoko