« VONY TS’ISY LAINGO
AIX »

MIANTSAMBO (Tononkalon'I Karako)

Nampidirin'i dadarabe | 30 Aog, 2007

Lasa ny embona, ambiroa,
Midonan-tsento, toro fo !
Ampielezana tokoa...

Mahatsiaro ilay Akany nihaviana,
Ny fahoriana sy ireo fifaliana,
Teo anivon'ireo kolo tiana,
Teo anilan'ny fianakaviana.

Vitsika momba kitay e !
Vorona saraka izahay !
Harivariva an-tany tsy hay...

Vahiny mandriaka eny an'ony e !
Mandranto ihany dia hiserana,
F'ilay tanin'ny tavony...
No hitodiana sy hitoerana.


Karako
2007-06-21

This entry was posted on 30 Aogositra, 2007 18:15 and filed under Tononkalon'ny namana sy ny hafa .

10 Hevitra & 0 Verindrohy (trackback) amin\'ny "MIANTSAMBO (Tononkalon'I Karako)"

  1. I Karako dia namana mipetraka any Québec.

    Nampidirin'i dadarabe 30 Aog 2007, 18:20

  2. maro zalahy nareo manan-talenta e !

    Nampidirin'i ikalamako 31 Aog 2007, 01:31

  3. Ianao koa anie afaka manakanto r'Ikalamako é!
    Miandry anao !

    Nampidirin'i dadarabe 31 Aog 2007, 01:34

  4. :-)
    raha tsy hay tsy hibitabitahana ry Dadarabe.

    Nampidirin'i ikalamako 31 Aog 2007, 01:57

  5. Angaha misy mahay izany ry Ikalamako à

    Nampidirin'i DadaRabe 31 Aog 2007, 03:55

  6. Izaho aloha tsy mahay fa rehefa mba taitaitra iny dia manandrana e.
    :)

    Nampidirin'i karako 31 Aog 2007, 19:07

  7. Tairo foana é! asa tokoa manao ahoana ilay miantsambo fa mbola tsy nataoko loatra.
    Ny mandeha barge diégo-Cap diégo no efa nataoko.

    Nampidirin'i DadaRabe 31 Aog 2007, 20:00

  8. Ny ahy in-1 mandeha ihany koa. Nosy Be - Mahajanga t@ 2002. Nanao mission Nosy be. Nigrevy Air Mad t@ ireny gidragidra ireny. Dia ny tena anefa tsy maintsy mody ka dia aleo nandeha sambo sao...

    Nampidirin'i karako 31 Aog 2007, 22:07

  9. Hay moa misy sambo mampitohy ny morontsirak'i Madagasikara !

    Nampidirin'i DadaRabe 31 Aog 2007, 22:21

  10. Sambo manao Nosy Be Mahajanga izy io fa tsy haiko na mitohy lavidavitra na tsia. Mahafinaritra ihany aloha e

    Nampidirin'i karako 08 Sep 2007, 02:44