« Nahoana no DadaRabe ?
L'AMOUR »

VOALOHAM-PITIA

Nampidirin'i dadarabe | 18 Aog, 2007
 

Tena safononoka ny fahasambarantsika,

Mirenty voninkazo, miloko ts’hita isa,

Andro lohataona, toa lavitry ny hatsiaka,

Fitiavana mifoha, miaina paradisa…

Aharitra doria !

Antsika ny fitia ! 

Ny endrikao tanora, maraina feno ando,
Ny tsikinao marevaka sy kanto…tena soa !
K’izao tontolo izao tarafin’ny masoandro,
Mihoby sy mihira, mahita antsika roa !
Isika no mikolo !
Antsika ny tontolo ! 

Angano volamena, nataoko tsy hifarana,
Miverina any an-tsaina, toy ny vao omaly,
Eny ! tsy naharitra… Izay no fandaharana ?
Saingy tsy ho adino, tsarovantsika hatrany !
Tantara tsy ho very !
Tantarantsika ireny ! 

DadaRabe

St Pierre et Miquelon

18/08/07     15 :20


This entry was posted on 18 Aogositra, 2007 20:30 and filed under Tononkalo Fitiavana .

31 Hevitra & 0 Verindrohy (trackback) amin\'ny "VOALOHAM-PITIA"

  1. I Piso no nagataka azy ity !
    :-)

    Nampidirin'i DadaRabe 18 Aog 2007, 20:35

  2. :-D

    Nampidirin'i ikalamako 19 Aog 2007, 23:47

  3. Nandalo Ikalamako
    Dia henoko nanako
    fa hoe miala any hono izy
    Ka ravo ireo ankizy !

    Nampidirin'i DadaRabe 20 Aog 2007, 01:36

  4. hahaha, nahazo poezia indray ikalamako fa misaotra e.

    Nampidirin'i ikalamako 20 Aog 2007, 11:52

  5. Jenjina be !
    @ 8 sasany maraina izao eto. Izao aho vao tafafoha fa nikotaba ilay ao ambadika dia tsy natory loatra. :-)
    Tsy misy hifandraisany amin'ny lohateny fa miala tsiny

    Nampidirin'i DadaRabe 20 Aog 2007, 13:32

  6. arahabaina tafafoha izany ê! izahay aty efa madiva hilentika ny masoandro... raharaha ity bolantanintsika ity koa!
    Ryana

    Nampidirin'i Ryana 20 Aog 2007, 15:55

  7. Raharaha be...
    Tsy mpisotro café ny tenanay fa voatery nisotro ihany sao matory eo am-pandraisana marary ka higagan'ny olona eto.
    Miarahaba amin'ity herinadro vao é!
    Dia tafandria mandry izany raha hariva sahady ny any.

    Nampidirin'i DadaRabe 20 Aog 2007, 16:10

  8. Hono ho'aho ry Ryana ?
    Afaka mampiditra tononkalonao iray ve aho ? Ato amin'ny blaogy ?
    Misaotra tompoko.

    Nampidirin'i DadaRabe 21 Aog 2007, 14:56

  9. Voninahitra ho ahy izany, DadaRabe â! Ekeko tsotra izao, Tompoko! Mankalaza ê!
    Ryana

    Nampidirin'i Ryana 21 Aog 2007, 17:06

  10. MItaintaina be aho eo am-piandrasana ny valim-panadinana... inona amin'ireo soratsoratra nataoko no ho "lany match" ato amin'ity blaogy manan-tantara ity???
    :-)
    Ryana

    Nampidirin'i Ryana 21 Aog 2007, 17:14

  11. ha ! ha !ha!
    Mahay miresaka ity zanak'olona !

    Nampidirin'i DadaRabe 21 Aog 2007, 17:44

  12. ka aiza ê?? efa mangitagitaka mihitsy ny tenanay!!!
    MArina moa!
    Ryana

    Nampidirin'i Ryana 21 Aog 2007, 17:55

  13. Andraso fa eto am-pisakafoananana (atoandro) aho io dia rahariva ampidiriko.

    Nampidirin'i DadaRabe 21 Aog 2007, 17:59

  14. Izao ve ny anareo vao ora fisakafohanana? ny anay aty efa ela no levona ny sakafo. Efa mitady "goûter" izao raha ny marina. Koban-dravina...Lohahevitra toa tsara hanaovana tononkalo Rabe io elanelan'ora io... Ny ora tsy mitovy anefa ny resaka iraisana... Mazotoa homana ary ianao ê! sakafon'ny any izany sa sakafo malagasy no hohaninao??? hahahahahh ianao toa tia misakafo, raha ny sarinao no jereko!!! hahahhaha mazotoa ê!
    Ryana

    Nampidirin'i Ryana 21 Aog 2007, 18:08

  15. Letia à! ahoana indray izany hoe tia misakafo raha ny sariko no jerena ?
    Aleo dia mangina

    Nampidirin'i DadaRabe 21 Aog 2007, 19:19

  16. Aiza ary izany hoe aleo mangina izany ê? Diso aho izany, raha azoko tsara. Azafady ary ê!
    :-)

    Nampidirin'i Ryana 21 Aog 2007, 20:18

  17. Angaha eto amin'ity tany ity misy hoe diso izany é!
    Ts'isy tsiny mhitsy !

    Nampidirin'i DadaRabe 21 Aog 2007, 22:25

  18. KAnefa toa misy hira hoe "tsy misy tsy diso izay mandia ny tany"??? Dia ahoana izany?
    Mbola tsy hariva foana ve ny any aminareo no mbola tsy mivaly ihany ny "fanadinana"??? sa "ambivitra" ny fahaizan'ilay olona ka mila "délibération" lalina be???
    hahahahaaaha
    Ryana

    Nampidirin'i Ryana 22 Aog 2007, 13:02

  19. Tena mbola tsy hariva ihany hatramin'izao. :-p
    Efa hitako ilay izy kah! saingy tsy maintsy any an-trano aho vao afaka mampiditra.

    Nampidirin'i DadaRabe 22 Aog 2007, 14:34

  20. hahahaah eny ary ê! sambatra kosa ianareo izany koa: mohoatra ny 24 ora izany ny andro iray, raha azoko tsara!
    Ela izany ianao vao miha-antitra...
    TSarà, Tompoko!
    Ryana

    Nampidirin'i Ryana 22 Aog 2007, 15:23
1 2  Manaraka»