« Hevitra mandalo sabotsy 28/07/07 : PLANNING FAMILIAL
ATAOKO TOY NY HOE… »

VERY TANY ANKOATRA TANY !

Nampidirin'i dadarabe | 29 Jol, 2007


Ny masonao nijery ahy
No nandrehitra ny foko ho afobe mijoalajoala,
Nientanentana fanahy
Toy ny vanton-jaza iny aho, angamba tena lasa adala ! 

Ny feonao mandangolango,
Nampangotraka ny rako, hihazakazaka aok’izany,
Zary toy ny rapa-dango
Ny fiteliko ireo teny atosakao...mihamamy hatrany ! 

Ny endrikao misaridriaka
No masoandro manazava ny ao anatiko tontolo,
Toy ny vola-manjopiaka,
Ka ny fiainako rehetra toa voataratrao daholo. 

“Tiako ianao”, hoy ianao,
Teo no naharendrika ahy...very tany ankoatra tany,
Asidim-pifaliana aho...
K’angamba hijanon’eny ambony, tsy hiverina eto an-tany ! 

DadaRabe
La Charité sur Loire
06/05/06      12:37

This entry was posted on 29 Jolay, 2007 00:34 and filed under Tononkalo Fitiavana .

4 Hevitra & 0 Verindrohy (trackback) amin\'ny "VERY TANY ANKOATRA TANY !"

  1. ha ! ity izany ilay "any ankoatra"...Misy talenta anareo zalahy e !

    Nampidirin'i ikalamako 29 Jol 2007, 02:55

  2. Tena very tany é!
    Mbola miandry ny navette spatiale hitondra midina.
    DdRb

    Nampidirin'i DadaRabe 29 Jol 2007, 15:17

  3. mampitahotra izany very any ankoatra izany ry Dadarabe.

    Nampidirin'i Tahiana 02 Aog 2007, 16:36

  4. Aza Matahotra hoy ny sasany izay.
    DdRb

    Nampidirin'i DadaRabe 06 Aog 2007, 18:22