ZOKIBE RAOUL !

Nampidirin'i dadarabe | 4 Sep, 2010

Lasa ianao r’ingahy Raoul…
…Nandao ny fokonolona
Ary ‘ndeha hitety indray,
Ilay habakabaka milay !

Nefa hotsarovana eto,
Ny hira manja tsy an-kisento :
Toy ilay « somambisamby »
Hirahiram-pianakavy !

Ilay « rivotra mandalo »
Nahababo ny olo-maro !
‘Lay « voankazo voarara »
Izay mipetraka ho tantara !

Ao koa ilay « ampindramo »
Vazovazo mampikalo,
Tsaroko etoana ny « Hay hay »
Efa noredoninay !

Maro be tsy ho tanisaiko
Ireo vazonao mibaiko
Sy mitarika ny tolona…
Ho tsaroana  ireo… Raoul !

Ka manao veloma aho !
Tsy handao akory ianao
Fa ireo hiranao hitoetra….
Ao am-ponay rehetra…rehetra !

DadaRabe
03/09/10 23:33

 

 


6 Hevitra & 0 Verindrohy (trackback) amin\'ny "ZOKIBE RAOUL !"

  1. misaotra e!
    Mandria ampiadanana razoky a!
    Mirary fihononana feno ho any fianankavina

    Nampidirin'i news2dago 04 Sep 2010, 13:41
  2. Ho tahiana anie ny fahatsiarovana azy !

    Nampidirin'i DadaRabe 04 Sep 2010, 15:14
  3. Any i Zokibe Raoul
    Ho tsaroanay lalandava
    Ireo hiranao cool
    Tsy ho afaka ao am-bava

    Nampidirin'i LehilahyTsyResy 05 Sep 2010, 06:49
  4. Ho tsarovana izy é !

    Nampidirin'i DadaRabe 05 Sep 2010, 15:54
  5. Misaotra fa kanto DadaRabe ô!

    Nampidirin'i maeva74 10 Sep 2010, 16:40
  6. Nandrisika sy nankahery ary nanokatra ny masontsika i Raoul mandritrany fandalovana mangidin'ny fiainana, ny fitsapana mahery vaika sy fahoriana tsy hita fetra , izay sedraintsika isanandro.

    Fisaorana no atolotra anao Razoky be . Anisan'ny hafatra navelany ny hoe koloy sy tandrovy ny mahamalagasy , harena sarobidy.

    Nampidirin'i malagasyccol 15 Sep 2010, 10:07