NY MASONAO MIJERY

Nampidirin'i dadarabe | 4 Sep, 2009


Ny masonao mijery,

Mifono mistery,
Ny tsiky kelinao,
Ao an-tsaiko ao…
Toa tsy mety handao, mamikitra aok’izany !
Taratra tsy miala, mirehitra tsy ho lany !

Ny masoko mijery,
Mitazana anjely,
Mitsiky lasa saina,
Madity sy malaina,
Mahita anao mandao, midify any ho any…
Taratra misinda, mamonjy ny akany !

DadaRabe
03/09/09 
   


17 Hevitra & 0 Verindrohy (trackback) amin\'ny "NY MASONAO MIJERY"

  1. Vao mifoha maraina dia tseanain'ny tononkalo kanto.
    Misaotra e!

    Nampidirin'i maeva74 04 Sep 2009, 06:01
  2. Misaotra e ! MBola mandeha ny resaka "jery" h@ izao !

    Nampidirin'i kdaombaramita 04 Sep 2009, 07:08
  3. Maeva> misaotra é

    Kdaombaramita> lasa foana ilay "jerijery" leh !

    Nampidirin'i DadaRabe 04 Sep 2009, 10:08
  4. ary de mbola mitohy hatrany am-baravarankely koa.

    mbola varavarankely no resaka @zao.

    Nampidirin'i tsamba3 04 Sep 2009, 11:39
  5. Tsamba3>:)

    Ny maso mijery fitaratra vita
    Ny hevitra ao anatin'ny fo eo no hita

    --> dia mijery eo ilay maso ka eny ambaravarankely no iafarany ha ha ha

    Nampidirin'i DadaRabe 04 Sep 2009, 14:08
  6. Mankasitraka ry DadaRabe
    Mazotoa mijerijery daholo e ! :-)

    Nampidirin'i mangamaso 04 Sep 2009, 15:41
  7. Misaotra mangamaso ô !

    tsy misy mampazoto aza moa...maika fa...

    Nampidirin'i DadaRabe 04 Sep 2009, 16:30
  8. Inona indray izany tsy mampazoto izany DadaRabe ? Ary ny maika fa...
    Ny varavarankely foana ?

    Nampidirin'i mangamaso 04 Sep 2009, 17:27
  9. hoy ianao hoe mazotoamijerijery...

    Dia hoy aho hoe tsy misy mampazoto moa aza moa mazoto, maika fa misy mampazoto.

    Izay fotsiny

    Nampidirin'i DadaRabe 04 Sep 2009, 17:36
  10. Ao tsara e! Misaotra nizara ! Ankafiziko ilay Tononkalonao ry dadarabe ! (-:

    Nampidirin'i fahamarinana 04 Sep 2009, 21:19
  11. Misaotra fahamarinana

    Nampidirin'i DadaRabe 04 Sep 2009, 23:43
  12. Ireto masony baliaka voahaingo makiazy.
    Ireo mihitsy angamba no tena itiavako azy.
    Nahatonga ahy tsy naharitra, ka nanao abôrdazy
    Hay izy mbola zaza, mety mbola maha-voasazy.

    Nampidirin'i lehilahytsyresy 05 Sep 2009, 14:09
  13. Ry lehilahytsiresy
    tandremo mihoa-pefy
    fa mety mampigadra
    indrindra fa hoe zaza !

    Ha ha !

    Nampidirin'i DadaRabe 05 Sep 2009, 17:20
  14. Marina tokoa izany ry DadaRabe. Tsy ilay masony mijery mifono mistery ihany izany no tokony hojerena, fa ny taonany koa.
    :-)
    Mahafinaritra lalandava ny mamaky sy mamaly ny tononkalon'i DadaRabe e.

    Nampidirin'i lehilahytsyresy 05 Sep 2009, 17:51
  15. ha ha ha !
    Io maso mijery io no nahatonga an'i Davida hanao ny tsy mety.
    courage ami'nny rehetra é!

    Nampidirin'i DadaRabe 05 Sep 2009, 20:09
  16. Miandry ny tononkalo manaraka izahay ry DadaRabe :-)

    Nampidirin'i Tritriva 06 Sep 2009, 07:19
  17. ;-)

    Nampidirin'i DadaRabe 06 Sep 2009, 12:49