RIVO-PANDRAVA

Nampidirin'i dadarabe | 25 Feb, 2009




Raha ny fandrobana sy ny fandravana,
Mitondra dinamita, manapaka tetezana,
No lasa  ho filamatra, hitondra ny tanàna
Dia tena kivy aho fa sarim-pahaverezana,
Tantara efa naloa,
Nariana tany aloha
Kanefa dia izany
No hitantsika androany.

Raha ny fandoroana sy ny fahamamoana,
Midoroka rongony, mitondra antsy lava,
Raha toa ka izany no mbola itompoana…
Asa hanao ahoana ? Ny ampitso ve hazava ?
Fa haizina no hita
Sy koa lalovantsika,
Tarazon’ny fahiny
No hita ankehitriny.

Raha toa ka izany no lasa fomba fiaina,
Raha toa ka izany no apetraka ho tantara,
Raha toa ka izany no hameno ny toe-tsaina,
Raha toa ka izany no ataontsika anjara,
Ahoana re ny ho avy ?
Fa tena mampanavy
Mahangoly koa ny tava
Ilay…Rivo-pandrava !

DadaRabe


11 Hevitra & 0 Verindrohy (trackback) amin\'ny "RIVO-PANDRAVA"

  1. amia mitanty e ,io no notadiavina

    Nampidirin'i za 26 Jan 2009, 23:34
  2. Misaotra anao DdRb mametraka ny tantara marina anaty tononkalo.
    Mampalahelo! Tsy misy teny hahafehy ny alahelo manoloana ny zavatra hita maso. Alahelo an'ilay toe-tsaina tena iniana volena ao amin'ireo andian'olona hezaina hatao fitaovana ara-politika lava. Alahelo an'ilay tanindrazana malaza ho be mpitia nefa dia vitsy loatra ny mba mahafoy herim-po sy herintsaina ho azy.
    Samià samy ho lava andro iainana hijoro ho vavolombelon'ny tantara.

    Nampidirin'i Pone 27 Jan 2009, 05:36
  3. Mampalahelo ny mahita trano may na mirodana, fa mbola mahavaky fo ny mahita tanindrazana amidy sy atakalo volabe nohon'ny fitiavan-tenan'ny sasany.

    Nampidirin'i rivo-doza 27 Jan 2009, 09:22
  4. Mankahery ireo rehetra voa mafy @ izao "tolona" tsy fatatra hiafarana izao. Miandrandra mafy ny hisian'ny filaminana sy ny vidim-piainana tsy hikatra. Ny demokrasia aloha dia mbola tsy ao anaty ny voambolantsika. Efa saika mba nahita ny endriny ihany isika f'indrisy.....nofy sisa! Nampidirin'i Aina 27 Jan 2009, 10:34
  5. ouf!!!!!!!!!!!!!!!!!!!!!!
    ela be mits tokotsany za ts nandalo teto ry namana

    ela be kou enao nefa ts enoeno

    innn n vavao o

    bizzzzz be daolo ny akama rehetra o

    sazykely

    Nampidirin'i sazykely 28 Jan 2009, 09:32
  6. Sazykely.
    Tsy afaka mandalo matetika fa entin'ny hazakazaky ny fiainana é!
    Ianao no manao ahoana ?

    Nampidirin'i DadaRabe 28 Jan 2009, 14:45
  7. io famotehan-javatr' io,
    tsy hitondra azy ho any mausolée.
    F'ireo fandravàna...
    mampahatisahy ny hadalan-dry didyé.

    Nampidirin'i LeRastah 29 Jan 2009, 08:04
  8. LeRastah>>

    Ok ! miombon-kevitra

    Nampidirin'i DadaRabe 29 Jan 2009, 15:52
  9. Na i lery, na i leroa
    Tsy mety atao filamatra
    Samy mpitondra rivo-doza
    Sy afo mpamono aina
    Ary koa pandrava tanàna.

    Nampidirin'i mangamaso 29 Jan 2009, 19:37
  10. Isika vahoaka mihitsy koa no tena manao fahadisoana foana e! Tena tsy misy politika matotra azontsika safidiana mihitsy ve mba tsy hiverenan'izao intsony e? Toa mandrebireby be ity korontana miverimberina ity. Iza no afaka hanome toky ahy fa raha i Andry no ho eo dia tsy ho pire noho i Ra8. Mialatsiny aho fa tena tsy azoko toky.

    Nampidirin'i Pone 30 Jan 2009, 14:20
  11. Marina ny anao ry Pone.
    Raha korotntana foana dia ho aiza isika ?

    Nampidirin'i DadaRabe 30 Jan 2009, 15:52